تنتيش لما ارفع رجلى من على دواسه البنزين

السلام عليكم يا شباب
ليه استفسار علشان المضوع ده هايجنينى
انا لما بمشى بالعربيه و اجيب الاول عادى يعنى زي كل الناس العربيه بطلع من غير مشكله بس لو شيلت رجلى من على الدواسه الاقى العربيه نتيشيت العربيه كولها بتتهز لادام و ورا
غيرت بوجيهات و سلك بوجيهات و رشاشات و فلتر بنزين و فلتر هوا و نضفت البوابه و برضو مافيش فايده
خليت الميكانيكى بص على القاعدتين بتوع الموتور قالى زى الفل
مش ناقص غير انى ابيع العربيه
ياختصار تانى اى غيار اجيبو و انا دايس بنزين بتبقى تمام بس لو شيلت رجلى مره واحده تنتش زى ما وصفت كده
اللى عندو اى حل يا رييت يساعدنى

عندي نفس الموضوع بالظبط ..... يمكن البنزين وحش ؟

وانا كمان لسه الموضوع حصل معايا لانوس 1
ياريت افاده الاستاذ/ محمد ممدوح
______________________شكرا _____________________________

مش معقول موضوع بنزين لانى فولت يجى 20 مره من بنزينات مختلفه
انا مش عارف اوصف الموضوع ازاي
عارف كانك راكب حصان اول ما يجري جسمك بيرجع ورا و اول ما تشد اللجام تحس انك هاتتكفى على اودام عارفين الاحساس ده
شيل بقى الحصان و حط بداله دواسه البنزين تدوس الموتور يخلى العربيه تفز اول ما تشيل رجلك فجاه تحس ان الموتور كن و العربيه تيجى ادام و وررا

عندى نفس المشكله بالظبط و غيرت كل الى انت قولت عليه و عملت موضوع هنا للبحث عن علاج
فى واحدلما لغى الegr جابت نتيجه بس انا عندى ما فيش نتيجه خالص الموضوع داخل على سنتين
http://www.nilemotors.net/Nile/311249-2006.html

ياريت حد من خبراء الدايو يدينا رأيو الموضوع طلع منتشر و ناس بتشتكى منو زي حالاتى

هى عربيتك موديل كام و عامله كام كيلو و اخر مره غيرت الاسطوانه امتى ؟

انا غيرت كل حاجه ماعدا طرمبه البنزين بفكر اغيرها وانضف الكربراتير

بس انا حاسس النهارده ان الموضوع ده بقى على خفيف مش عارف بس تقريبآ بتزيد لما بتحط من اى بنزينه فيها سولار وبنزين 80 لما بحط من بنزينه فيها 90 و 92 بحس انها بسيطه اوى الاول كان طول ما العربيه بارده بتعمل كده معايا واكتر من كده

اقتباس:

---

المشاركة الأصلية كتبت بواسطة tefa22m

هى عربيتك موديل كام و عامله كام كيلو و اخر مره غيرت الاسطوانه امتى ؟

---

العربيه نوبيرا 2006 و عامله 84 الف كيلو و ما غيرتش الاسطوانه خالص اصل انا شاريها مستعمله و للاسف هى على كده من ساعت ما جبتها انا قولت فى الاول يمكن العيب فيا انا بس لما ركبت عربيه تانيه ما حستش بالموضوع ده خااالص

عندي نفس المشكلة بس علي الغيار الاول بس
وبقيت لما اشيل رجلي من علي البنزين في الاولاني احط دبرياج علشان متنتش كدة

نضف بوابة وحساسات وأكشف تاني عالبوجيهات لو لسة كدة أحتمال الدبرياج فيه حاجة

عندي نفس الحوار في الأول بس وحسيت انه عادي خلاص وبقيت امشي علي التاني واريح دماغي

اقتباس:

---

المشاركة الأصلية كتبت بواسطة eng.geo

نضف بوابة وحساسات وأكشف تاني عالبوجيهات لو لسة كدة أحتمال الدبرياج فيه حاجة

---

ماهو انا لسه مغير البوجيهات و منضف البوابه المشكله دى موجوده من قبل ما اغير البوجيهات بالاسلاك بتاعتها
طيب ايه اعراض تلف الديبرياج ماهو كا فاضلش غيره الى ما غيرتوش

يا مسهل و حد من خبراء الدايو يساعدنا فى حل المشكله

على بردو نفس الموضوع بس أول ما أدوس على البنزين بتنتش جامد اوي وغالبا بسبب طرمبة البنزين لأنها في الضياع عندي.

العيب الاساسى فى الموضوع دة الرشاشات
انا جربت الموضوع فى لانوس 2 2001
جبت رشاشات اكسنت المهم كان العيب عندى الدخنة السودا
المهم لقيت العربية لما ارفع رجلى من على البنزين وارجعها تانى احس بتاخد وتدى
جبت الرشاشت الاصلى بتاعت العربية اللى هى تخينة والمشكلة راحت نهائى

اقتباس:

---

المشاركة الأصلية كتبت بواسطة aldesha989

انا غيرت كل حاجه ماعدا طرمبه البنزين بفكر اغيرها وانضف الكربراتير

بس انا حاسس النهارده ان الموضوع ده بقى على خفيف مش عارف بس تقريبآ بتزيد لما بتحط من اى بنزينه فيها سولار وبنزين 80 لما بحط من بنزينه فيها 90 و 92 بحس انها بسيطه اوى الاول كان طول ما العربيه بارده بتعمل كده معايا واكتر من كده

---

هي كاربرتير !!

لو فعلا كاربرتير هتلاقي الهوا مفتوح بزياده عن نسبة البنزين

روح عندو واحد متخصص وانشألله هتتظبط

اقتباس:

---

المشاركة الأصلية كتبت بواسطة hassanin_lada

هي كاربرتير !!

لو فعلا كاربرتير هتلاقي الهوا مفتوح بزياده عن نسبة البنزين

روح عندو واحد متخصص وانشألله هتتظبط

---

بالنسباى هى زى ما انا قولت فى اول المشاركه نوبيرا 2 انجيكشن و غيرت الرشاشات و بوجيهات و فلاتر

بص يا علي هيا حاجه مش مكلفه حطها علي الكمبيوتر
وقوله يظبطلك حساس الشكمان بيتظبط بمفك صغير
مكانه اعلي حاجه في الكبوت فوق زيت الباور في الزاوية كده
يمين حتلاقيه متغطي بغلاف بلاستيك صغير وهو حاطط الجهاز في العربيه وبيحرق كذا مره لحد ما يظبطه مش حياخد دقيقتين .
وانشاء الله خير.
وتبقي تدعيلي لما تظبط معاك .

عندى نفس المشكلة و اعتقد انها بسبب اسطوانه الدبرياج

اقتباس:

---

المشاركة الأصلية كتبت بواسطة midooo_119

عندى نفس المشكلة و اعتقد انها بسبب اسطوانه الدبرياج

---

+1

اقتباس:

---

المشاركة الأصلية كتبت بواسطة minalove_1

بص يا علي هيا حاجه مش مكلفه حطها علي الكمبيوتر
وقوله يظبطلك حساس الشكمان بيتظبط بمفك صغير
مكانه اعلي حاجه في الكبوت فوق زيت الباور في الزاوية كده
يمين حتلاقيه متغطي بغلاف بلاستيك صغير وهو حاطط الجهاز في العربيه وبيحرق كذا مره لحد ما يظبطه مش حياخد دقيقتين .
وإن شاء الله خير.
وتبقي تدعيلي لما تظبط معاك .

---

دي طريقة ظبط البوتشميتر في اللانوس الهاف اوبشن اما حساس الشكمان مبيتظبطش

اقتباس:

---

المشاركة الأصلية كتبت بواسطة tarek_2005

دي طريقة ظبط البوتشميتر في اللانوس الهاف اوبشن اما حساس الشكمان مبيتظبطش

---

طيب استاذ طارق معندكش اي تفسير للمشكله اللى عندى و احلها ازاى
العربيه نوبيرا زي كا ذكرت فى اول الموضوع

هوا الحل من وجهة نظري ودا مجرد تخمين تلف بلف الايديل جرب بايديل تاني من عربية حد من اصدقائك

الموضوع غالبا اسطوانه دبرياش لانه كان عندى وراح اما غيرتها