عرض للطباعة
ياجماعه الحقوني رحت صن جير في الاقصر ودا مركز صيانه معتمد رينو في الاقصر وسالت على تغير سير الكاتينه وسير الموتور ومعاهم حاجه كدا بيقولو عليها طقم بلي مش عارف بتاعت ايه المهم قالولي سير الكاتينه ب 850 جنيه ودا سالت عليه في الشركة المصريه توكيل رينو قالولي نفس السعر وسير الموتور ب 150 ومش فاكر باقي الحاجات المهم التكلفة كلها ب 2600 جنيه هل ينفع الكلام دا ؟؟؟
المهم انا حبعت اجيبهم من التوفيقيه بس حد جرب سير الكاتينه من برة التوكيل كويس ولا لا يعني امشي بيه 60 الف كيلو ولا ايه نظامه وسعرة ايه
نفس المشكلة فى القاهرة م موديل 2010 خلاص الضمان شكرا فممكن نعمل الصيانه ده فيت ارخص شوية من كده و كمان الواحد عنده ترخيص لسه ربنا يستر
واضح جدا" ان فيه مغالاه في اسعار قطع الغيار
أظن اننا في حاجه شديده لمساعده الصينيين
و لا عزاء للصناعه المصريه
ربنا يصبرنا
صيانة ال 60 الف من اهم صيانات العربيه و بعدين لو عملتها بره و خلفت لا قدر الله هتلبس فى اكتر من المبلغ ده اتصل على 16202 و اسألهم على التكلفه الاجماليه فى التوكيل كام بدون طرمبة الميه و ضرورى تعملها فى التوكيل
اشترى قطع الغيار الأصليه من التوكيل و ركبهم بره حتوفر كتير معاك
يس الأهم انك تركبهم عند ميكانيكى رينو كويس وفى فى القاهرة كتير
اشتري قطع الغيار من التوكيل نفسه " المصرية العالمية للسيارات" و خد فاتورة منهم
و روح غيرهم عند ميكانيكي برا
انا كنت بعمل صيانة العربية في صن جير الاقصر لما كانت العربية في الضمان و كانوا هما لسه كويسين بس بعد كدا اداء صن جير بقي وحش و الصنايعية الكويسة مشيت من عندهم
انا حاليا بعمل الصيانة برا عند نفس الصنايعية اللي كانت عندهم و بصراحة زي الفل
و نصيحة مني اشتري سير الكاتينة الاصلي و من التوكيل
تحياتي