الموضوع: Carputer او كمبيوتر السيارة

المشاركة الأصلية كتبت بواسطة samehafez

فكرة عبقرية جدا جدا ............
هبتدي في تنفيذها اول ما انزل اجتزة
معايا لابتوب P4 1.5 و شاشته بايظة

دية كدة بداية هايلة, كدة قطعت نصف المسافة.

المشاركة الأصلية كتبت بواسطة samehafez

المشاكل اللي قدامي
1- الشاشة

ممكن زى ما انت قلت تبتدى بشاشة عادية مافيهاش تاتش و تشتغل بماوس Wireless او الاحسن من الماوس فى العربية هو الTrack Ball عشان مريح اوى و انت سايق, جرب تدور علية و لو لاقيتة متفكرش.

المشاركة الأصلية كتبت بواسطة samehafez

2- اشيل الكاسيت و يكون المكان مناسب للشاشة

طبعا لازم صورة من التابلوة عشان اقدر اقولك هينفع ولا لا بس انا ليا رأى, ابتدى بشاشة عادية و خليها فوق التابلوة او تحت و لو عجبك الموضوع ممكن ساعتها تعملها Built-In جوة التابلوة او تكون عايز تجيب الTouch Screen فا متعملش كلة مرة واحدة عشان هتحب تغير حاجات بعد لما تلاقية شغال.

المشاركة الأصلية كتبت بواسطة samehafez

3- توصيل الصوت من اللابتوب للسماعات ( حتي لو قعدت تشرح للصبح انسي )
اللي مفيهوش مشكلة

مش هشرح يا سيدى خالص :D

ممكن نوصل الصوت على الكاسيت.

قولى نوع الكاسيت او الCD اللى عندك فى العربية اية و بس.

او نجيب Amplifier عشان يدى High Output للسماعات.

بما انك مهندس, الAudio Signal اللى طالعة من الAudio Jack بتاع الLaptop او الPC بتبقى ضعيفة اوى يعنى أخرها تقوم Headphones و بس. انت لما بتشترى سماعات للPC بتاعك, هى مش بتقوم على الخارج بتاع السماعات, لو فكيتها هتلاقى جواها Amplifier Circuit و هى اللى بتقوى الSignal و بتكون الدايرة دية واخدة كهرباء من الUSB او من ال220 AC

هنجيب Amplifier خارجى عشان يقوى الSignal اللى طالعة من الPC و نديها للسماعات.

المشاركة الأصلية كتبت بواسطة samehafez

معايا جي بي اس جارمن اتركس و برامج النافيجشن ( عيب دا انا مهندس مساحة )

لو بيوصل على الPC يبقى انت كدة خلاص مش محتاج حاجة يا هندسة.

المشاركة الأصلية كتبت بواسطة samehafez

لو حد ممكن يساعدني يا ريت ... يبقاله الاجر و الثواب

انا و هشام موجودين يا باشا و تحت امرك و هنمشى معاك واحدة واحدة.

المشاركة الأصلية كتبت بواسطة salem

bas howa fel sowar fe gehaz kda feeh el rpm we pressure we hagat kda
eda ?!
fel sora el opel

دة الsoftware بتاع الGPS بيحسب سرعتك و باقى البيانات من الSatellite و ممكن انت لو فاهم توصل الPC على الECU بتاعت العربية و تقرا الData منها live , و انا وصلت بس مش عارف ادخل على كل حاجة.

المشاركة الأصلية كتبت بواسطة r0xer

1-يعني البطارية بتاعت العربية بتتأثر بالموضوع دا...و بما إنك جربت ياريت تقولنا بتغير بطارية كل قد أيه ومواصفاتها أيه؟

انا بصراحة مش بحب اشغلة و العربية مطفية, يعنى يمكن عملتها مرة او اتنين.

انا كنت شارى العربية used و قعدت البطارية معايا سنة و نص لحد ما باظت لوحديها يعنى تقريبا معملهاش حاجة.

انا عندى Amplifier و الPC لازم يبقوا شغاليين مع بعض و فضلوا كدة من غير مشاكل (بطارية 70 جافة) لحد لما خدت الPC البيت عشان الMotherboard بتاعت PC البيت ضربت فا ركبتة فوق و دلقتى بعمل واحد تانى Configuration اعلى

المشاركة الأصلية كتبت بواسطة r0xer

2- هل غيرت الهارددسك مرة ولاحاجة؟ لإن على حد علمي من الصعب جدا إن هارد ديسك يستحمل كمية المطبات و الحفر الموجودة في الشارع " كمية الإهتزازلازالت تؤثر على الهاردات صحيح ليس كما كان قديما عندما كان يجب عدم إمالة الهارد اصلا! ولكن لازالت تؤثر بنسب متفاوتة من ماركة لماركة"

ما هو عشان الموضوع دة انا كنت جايب Hard بتاع Laptop من الComputer Mall و جايب Converter عشان يشتغل على الParallel Data Cable العادى بتاع الPC و للعلم انا ماشى معايا السنة و نص بما فيها كوبرى اكتوبر العظيم و الفواصل بتاعتة كل يوم, و اخر مدينة نصر و النقر و الحفر بتاعتها كل يوم بردة, و الحرفيين و الشوارع بتاعتها.

بس دة مش معناة انى ماشى مغمض و بلبس كل حاجة, انا بهدى شوية عشان مركب جنوط 16"

المشاركة الأصلية كتبت بواسطة r0xer

3- أنت جبت الCar Power Adapter كام فولت؟ 12 ولا في أكتر من كدا و أنت مركب أيه؟ ومن ثم هل ركبته في الولاعة ولا فين و إزاي جبت وصلة الباور بتاعت الكمبيوتر واللي مستحيل تلاقي لها كابل كبير كدا يطول من الكمبيوتر لحد الولاعة ؟

انت اى حاجة هتجيبها لازم تبقى 12V بس المهم كام Ampere, فلازم تعرف انت جهازك او الProject على بعضة هيركب فية اية و تحسب تقريبا هتستهلك اد اية و تجيب Converter اكبر منة شوية عشان لو حبيت تزود حاجة بعد كدة.

انا عندى مجموعة من الكابلات ماشية من قدام لحد ورا و كلها عبارة عن Extension Cables, فا سلك الباور ماشى لحد الشنطة و راكب على قلب ولاعة نتاية (بتتباع فى محلات الاكسسوار) و الPower Adapter راكب فيها.

المشاركة الأصلية كتبت بواسطة r0xer

وعلى فكرة بداية تفكيري لم يكن لتشغيل الأغاني او الكلام دا ولكن لتركيب كاميرا خلفية بجودة قوية لمراقبة الطريق من الوراء بشكل جيد و أشياء أخرى...لا يمكن قولها لإنها في مصرنا الحبيبة illegal ! :) .

لو على اد كدة بس يبقى ممكن تجيب الكاميرا عادى و شاشة عادية و توصلهم Video علاطول و تريح نفسك من الحوار دة.

و بالمناسبة انا كذا مرة ادخل بية اللجان عادى لان شكلة فبريكة بتاع العربية فا محدش بيتكلم.

ibiza .... شكرا يا صديقي .... بس يا ريت ماتنسانيش .... لاني هنزل علي نص رمضان ..

انا حاولت ادور علي النت ... علي شاشات ..... بس مش عارف ايه اللي انا محتاجه
يعني ال input بتاعها بيكون ايه .... ( يا سلام لو فيه حاجة موجودة في مصر و تكون تنفع )

و فكرة حلوة اني ااجل اني اخلي الشاشة ثابتة ....

سؤال ؟؟؟ اي محل بتاع كاسيت .......... ممكن يوصللي audio من اللابتوب علي التوازي مع كاسيت العربية .... طيب ال amplifier هيركب علي الوصلة بتاعة audio اللابتوب بس و الا مع وصلة اللابتوب مع الكاسيت و بعد كدة amplifier ..
انا بصراحة مش فاكر اللابتوب ده كان ايه اختيارات wake up بتاعته ... عشان انا مش هنزل تحت الكرسي عشان اشغلة كل ما اركب العربية ... بس لو فيه حل تاني ؟؟

انا اسف علي التطويل و الخنقة بس عشان الواحد يكون الصورة عنده واضحة جدا جدا
و الف شكر

المشاركة الأصلية كتبت بواسطة samehafez

ibiza .... شكرا يا صديقي .... بس يا ريت ماتنسانيش .... لاني هنزل علي نص رمضان ..

انا موجود انشاءالله و تحت امرك.

المشاركة الأصلية كتبت بواسطة samehafez

انا حاولت ادور علي النت ... علي شاشات ..... بس مش عارف ايه اللي انا محتاجه
يعني ال input بتاعها بيكون ايه .... ( يا سلام لو فيه حاجة موجودة في مصر و تكون تنفع )

اى شاشة بتؤدى الغرض و موجودة هنا فى مصر ابتداء من 400 بس عشان مش VGA فا بيبقى الResolution بتاعت الكلام مش واضحة اوى.

الوصلة بتاعتها RCA و انت اكيد عندك خرج video فى الlaptop سواء RCA أو S-Vedio و الاتنين يؤدوا نفس المهمة بالظبط.

المشاركة الأصلية كتبت بواسطة samehafez

سؤال ؟؟؟ اي محل بتاع كاسيت .......... ممكن يوصللي audio من اللابتوب علي التوازي مع كاسيت العربية .... طيب ال amplifier هيركب علي الوصلة بتاعة audio اللابتوب بس و الا مع وصلة اللابتوب مع الكاسيت و بعد كدة amplifier ..

انا مش مع انصار انك توصل مصدرين للصوت على جهاز واحد.

انا سألتك على اية نوع الكاسيت اللى عندك عشان اعرف لية وصلة Auxiliary ولا لأ.

التوصيل المثالى المفروض يبقى كالتالى:
الPC يوصل الصوت للكاسيت - الكاسيت للسماعات.
الPC يوصل الصوت للAmplifer - الAmplifier يوصل الصوت للسماعات

المشاركة الأصلية كتبت بواسطة samehafez

انا بصراحة مش فاكر اللابتوب ده كان ايه اختيارات wake up بتاعته ... عشان انا مش هنزل تحت الكرسي عشان اشغلة كل ما اركب العربية ... بس لو فيه حل تاني ؟؟

الحل انك هتفكوا و تلحم سلكتين على connector زرار التشغيل و توصلة على زرار عندك برة.

عشان لما تحب تولعة, و فى نفس الوقت تظبط الsettings بتاعت الwindows انك لما تدوس على زرار الPower و الجهاز شغال يعمل hibernate و دة هيوفرلك وقت كبير جدا.

المشاركة الأصلية كتبت بواسطة samehafez

انا اسف علي التطويل و الخنقة بس عشان الواحد يكون الصورة عنده واضحة جدا جدا
و الف شكر

انا فاهم انت الدنيا مش واضحة قدامك ازاى, انا قعدت اقرا عن الموضوع دة 3 سنين قبل ما ابتدى اشتغل فية عشان ابقى فاهم كل حاجة لان يوم لما تحصلى مشكلة هتعك فيها لوحدى .

و بعدين من اهم الحاجات انك تشغل الProject كلة على بعضة فى البيت عشان تشوف اية شغال و اية عايز يتظبط و اية عايز يتعدل قبل ما تنزل تفك و تكسر فى العربية

بجد ان مبسوط جدا من الادمغة المحترمة اللي بشوفها هنا

العربية افيو و ده موضوع عنها و فيه صورة الكاسيت
http://www.nilemotors.net/Nile/showthread.php?t=34580
و طبعا مفيش Aux فطده لازم اوصل audio يا اما علي السماعات او باي طريقة علي الكاسيت ...... ( انا كان قصدي من موضوع انك متتعبش نفسك من الشرح ... اني كده كده محتاج حد متخصص يعملها ... يعني هديلة و صلة Audio و هو مسؤول يطلعللي الصوت من السماعات .... يا ريت تنصحني بحد كويس في مدينة نصر )


و دي شاشة لقيتها على النت


دي سعرها 254 $ و هي 8" وتشتغل على الكومبيوتر
المشكلة في الشحن هيوصل 153.8 $ ....
انا قدامي حلين يا اما واحد جاي من برة يشوفلي حاجة كويسة او لو مجموعة علي الاقل 4 كمان في الحالة دي الشحن هيكون 70 $ يعني هتكون ب 325 $ و هتكون عاملة 1755 جنيه ...
مش عارف ... و يا تري الحاجات اللي موجوده في مصر انضف حاجة فيهااكتر تعمل كام ...او مش انضف حاجة يعني فيه حاجة كويسه حاجة في حدود 1000- 1200


( موضووع جانبي انا ناوي اعمل on screen digitizing لخرائط القاهرة من جوجل ... و بكده نقدر نحولها لاي امتداد في برامج النافيجاشن ... بس طبعا الموضوع صعب علي لوحدي اني امشي و را الشوارع علي الاوتوكاد ... و برامج raster to vector مش جامده اوي ... فا لو حد مهتم بالموضوع يا ريت يساعدني و نشتغل مع بعض ..... او لو عنده حل تاني اظرف )

المشاركة الأصلية كتبت بواسطة samehafez

بجد ان مبسوط جدا من الادمغة المحترمة اللي بشوفها هنا

العربية افيو و ده موضوع عنها و فيه صورة الكاسيت
http://www.nilemotors.net/Nile/showthread.php?t=34580
و طبعا مفيش Aux فطده لازم اوصل audio يا اما علي السماعات او باي طريقة علي الكاسيت ......

شوف الكتالوج بتاع عربيتك, ممكن يكون بينزلها وصلة Aux زى موديلات تانية كتير بس بتتباع لوحدها.

المشاركة الأصلية كتبت بواسطة samehafez

( انا كان قصدي من موضوع انك متتعبش نفسك من الشرح ... اني كده كده محتاج حد متخصص يعملها ... يعني هديلة و صلة Audio و هو مسؤول يطلعللي الصوت من السماعات .... يا ريت تنصحني بحد كويس في مدينة نصر )

هو بس فية مشكلة صغيرة فى اللى انت بتقولة, ان انا مينفعش اعتمد على صنايعى يفكرلى و اللا هروح فى داهية.

انا بظبط الSolution كلة على بعض و اخلية هو يعدى اسلاك و يربط مسامير و بس.

انا بتعامل مع مجدى كلاريون فى ميدان الحجاز بجانب جاد فى مصر الجديدة.

المشاركة الأصلية كتبت بواسطة samehafez

و دي شاشة لقيتها على النت

دي سعرها 254 $ و هي 8" وتشتغل على الكومبيوتر
المشكلة في الشحن هيوصل 153.8 $ ....
انا قدامي حلين يا اما واحد جاي من برة يشوفلي حاجة كويسة او لو مجموعة علي الاقل 4 كمان في الحالة دي الشحن هيكون 70 $ يعني هتكون ب 325 $ و هتكون عاملة 1755 جنيه ...

لو ناوى انك تركب جوة التابلوة يبقى متزودش عن 7" عشان دية تقريبا قد مكان ال Double-Din بتاع الكاسيت و بتركب بتعديلات قليلة جدا.

لو دخلت فى ال8" يبقى كدة هنعدل جامد و احتمال لوحة الزراير اللى فى الشاشة نشيلها و نركبها فى حتة تانية عشان تبات كويس و احتمال نضطر نعملها Extension Cable فا مش مستهلة التعب دة كلة.

المشاركة الأصلية كتبت بواسطة samehafez

مش عارف ... و يا تري الحاجات اللي موجوده في مصر انضف حاجة فيهااكتر تعمل كام ...او مش انضف حاجة يعني فيه حاجة كويسه حاجة في حدود 1000- 1200

احنا خلينا نتفق عل حاجة, عمر ما الRCA او الS-Vedio هيديك نفس Quality بتاعت الVGA

المشاركة الأصلية كتبت بواسطة samehafez

( موضووع جانبي انا ناوي اعمل on screen digitizing لخرائط القاهرة من جوجل ... و بكده نقدر نحولها لاي امتداد في برامج النافيجاشن ... بس طبعا الموضوع صعب علي لوحدي اني امشي و را الشوارع علي الاوتوكاد ... و برامج raster to vector مش جامده اوي ... فا لو حد مهتم بالموضوع يا ريت يساعدني و نشتغل مع بعض ..... او لو عنده حل تاني اظرف )

ماليش فية

كدة تمام يا باشا ... موضوع الصوت لما انزل هقرفك طبعا كل شوية اتصالات لحد ما يتحل
و بالنسبة للشاشة .... فربنا يخلي الصين ... شاشة 7" تاتش سكريين بالشحن 1350 جنيه و احد صاحبي قعد يلف اباردين كلها و ارخص حاجة لقاها كانت ب 1800 جنيه و كمان هو مش هيجي قبل شهرين ...
و عشان لو اي حد عاوز الشاشة دي ده الموقع اللي ممكن تشتريها منه
http://www.cnbuynet.com
واجمد حاجة ان الموقع فيه كذا طريقة للدفع منها
paypal , western union , HSBC
و انا شايف ان تحويل من الهس بس اسهل طريقة و هو بيبعت ممكن طرد بريدي و هيوصل بعد 15 يوم ......
الموقع اساسا لحاجات السيارات من الالكترونيات ... فيه حاجات جامده جدا و اسعارها ....انا شايف انها كويسة