عرض للطباعة
زى ما اتعودت ان اعضاء اكتر منتدى محترم بجد يفيدونى بخبراتهم العميقه بصراحه العربيه معروضه عليا و انا اتفرجت عليها العربيه ما شاء الله عليها نضيفه اوى هى موديل 2007 ماتور 1600 بها تكيف و باور فابريكه بالكامل ما عدا حته صغيره في الكبوت فيها معجون العداد 67000كيلو الحاله العامه ممتازه
المهم علشان ما اطولش صاحبها ماسك فى السعر على 43000 جنيه نهائى هل كده السعر كويس ولا ايه الاخبار على فكره انا خبرتى فى العربيات صفر فانا ارجو انكو تدلونى على اصح و ما تبخلوش على بالنصيحه والله المستعان
سعرها كويس لو بنفس الحالة المذكورة
43 في شاهين طيب متشوف لانوس او فيرنا افضل
عربية مرهقة في السواقة وفي السفر
عربيه تصميم صالونها الداخلى بالنسبه لحجمها شئ مش ممكن
هتحس انك قاعد مقرفص جواها ! سواء قدام او ورا . وحتى لو رجعت الكرسى للاخر .
فرامل بجد مشوفتش اسوأ من كده !
تكيف كويس جدا بصراحه بس توزيع الهواء بتاعه متوزع بطريقه سيئه جوه صالون العربيه
ميزتها فى مصر انها عاليه عن المطبات وقطع غيار رخيصه ( مثلا الاوكره بتاعت الباب كانت ب 4 جنيه مثلا . وعيب كمان رهيب قطعها ممكن تتكسر فى ايدك وانت بتركبها سواء مصرى او تركى
انا استعملتها لمده سنه ونص تقريبا وده من واقع خبرتى معاها واللى بتكلم عليها دى كانت فابريكه كلها وعداد حاجه واربعين الف كيلو ومفهاش مشاكل ( يعنى بقولك وهيه فى احسن حالتها كانت عامله ازاى )
انا رأى تشوف جولف 2 بحاله نادره لأن السعر ده يجيبلك جولف 2 رهيبه
او تزود شويه وتجيب فيرنا لو غاوى تركب حاجه حديثه