ربنا يخليك لابنك ويعافيه ويحميه من كل سوء اللهم امين
عرض للطباعة
لو معاك فلوس اعمل pcr وريح دماغك
مش عارف والله ياغالي بس حاسس انهم عملوا فيها كدا علشان يخلوني اعمل التحليل الغالي
بما انى اعمل فى نفس المجال لكن فى مكان منافس للمختبر احب اوضح حاجة المختبر صرح كبير مفيش كلام لكن بتغلب علية الطابع التجارى اما بالنسبة لنتيجة حضرتك hcv ab معروف ان الاختبار ده بنبحث عن الاجسام المضادة للفيروس سى وبيكون عندنا حدود طبيعية لقراءة الجهاز (Normal Range ) فمثلا لو قراءة الجهاز من 1 -4 بيبقى الحالة negative ولو اكبر من 7 بتبقى postive المشكلة بقى لما القراءة بتكون بين 4 -7 بعض المعامل بتقول عليها weak positive وبعضها بيسميها Bord on line وغالبا الحالة دى بيكون اما تعرض للبهارسيا او تعرض لفيروس اجسامة المضادة قريبة من الاجسام المضادة لفيروس c او انه بالفعل تعرض لفيروس c لكن لم يصاب به الاجسام المناعية لدية استطاعت التغلب عليه فيكون توصية المعمل اما الاعادة بعد اسبوعين او ال pcr ودائما الحالات دى بتطلع negative انما المعامل المركزية بتشتغل بتكنيك تانى انها بتاخد العينات بتدخلها الاجهزة تستبعد الايجابى منها ثم تجمع كل 10 عينات negative وبتعمل عليه pcr test واحد للتاكد من كاختبار تاكيدى ان هذه المجموعة لايوجد بينها حالة ايجابية
النيل للاشعة والتحاليل معامل كويسة هما يعتبروا جداد فى السوق انما معاهم استاف كويس خصوصا المركز اللى فى اكتوبر او زايد اظن ---عموما خلى بالك حضرتك احيانا ظروف اخذ العينة بتاثر على النتائج يعنى مثلا عدد ساعات الصيام لو التحليل محتاج صيام عدم شرب كمية كافية من الماء -التوتر او ماشاب ذلك ممكن تؤثر على نتائج الكيمياء مثل السكر مثلا--اخذ المضادات الحيوية بتاثر على المزارع -- وهناك دائما ورقة تعليمات لبعض التحاليل بتكون موجودة بالمعامل لابد من اتباعها
شكرا للرد..... انا بتابع الكوليسترول كل 3 شهور و كنت على طول بعمل التحليل فى المختبر فرع زايد بناء على سمعة المختبر القديمة..... بس بما انهم مش زى زمان كنت قريب عملت عند النيل ام ار اى عند فرع زايد تحديدا اللى حضرتك بتشكر فيه...... بس المختبر عندهم ميزة مهمة هى معرفة النتائج عن طريق الانترنت مما يقلل المشوار ليهم الى مشوار العينة فقط و دى ميزة مهمة بالنسبة لى...... طب هل تحليل الكوليسترول و وظائف الكبد من التحاليل اللى ممكن يبقى ليها variance كبير من معمل للتانى و لا هامش الخطأ و اختلاف النتايج مش كبير؟
تحاليل الدهون بتتاثر بعدد ساعات الصيام ولابد من شرب الماء اثناء الصيام يعنى الماء فقط هو اللى ضرورى وعدد ساعات الصيام المثالى للدهون 12 ساعة اما وظائف الكبد ممكن بتتاثر لو حضرتك بتاخد علاج اثناء اجراء التحاليل عموما الاختلاف مبيكونش كبير مش اكتر من -+5% لكن لاحظ وانت بتقارن النتائج متقارنش الارقام بس لازم تقارن ال normal range الموجود فى التقرير وذلك لاختلاف الاجهزة الى بيتعمل عليها التحليل