الموضوع: اصدق انهي معمل تحليل

المشاركة الأصلية كتبت بواسطة aboomar22

لا مش محتاج تعمل تانى ولا حاجة --المعامل المركزية مبتعملش pcr لكل عينة على حده مش ممكن طبعا هما مثلا لو عندك 10 -20 عينة سلبية بيتم خلطهم فى عينة واحدة وعمل pcr فقط للاطمئنان انها جميعهم سلبى لو طلع ايجابى يتم اعادة ال مجموعة مرة اخرى --وبعدين مفيش اليزا دا تكنيك خلص فى الاماكن الكبيرة يمكن المعامل الصغيرة هى اللى ممكن تشتغل بيه لا الفيروسات هناك بيتم عملها على اجهزة حديثة مثل axsym -immulite --arc tec دا اجهزة fully automated

بس المختبر ده كان كاتب في الورقه ان الاختبار تم ب elisa 3rd generation
يعني انا روحت دفعت 100 جنيه في اختبار قديم

هو مش تحليل قديم هو طريقة شغل قديمة وبتعتمد على مهارة الشخص القائم بالعمل على الجهاز عكس الاجهزة الكبيرة انت بتحط العينة ونوع التحليل وهى بتطلع النتيجة (نظام كمبيوتر يعنى )قد يكونوا شايفين انها الافضل عموما الف سلامة لحضرتك ومن ناحية السعر المختبر اسعارة مرتفعة نوعا ما للعلم توجد تحاليل طبية على مستوى مميز فى المعامل المركزية وكذلك المركز القومى للبحوث والمصل واللقاح وباسعار كويسة جدا

المشاركة الأصلية كتبت بواسطة aboomar22

هو مش تحليل قديم هو طريقة شغل قديمة وبتعتمد على مهارة الشخص القائم بالعمل على الجهاز عكس الاجهزة الكبيرة انت بتحط العينة ونوع التحليل وهى بتطلع النتيجة (نظام كمبيوتر يعنى )قد يكونوا شايفين انها الافضل عموما الف سلامة لحضرتك ومن ناحية السعر المختبر اسعارة مرتفعة نوعا ما للعلم توجد تحاليل طبية على مستوى مميز فى المعامل المركزية وكذلك المركز القومى للبحوث والمصل واللقاح وباسعار كويسة جدا

متشكر قوي ياباشا علي تعبك معانا طب معلش سوال اخير هوا تحليل الدم في العياده الخارجيه الي تبع المستشفي الحكومي الي تبع وزاره الصحه بتعمل التحليل بانهي طريقه يعني برابيد تيست ولا اليزا ولا ايه وانا قريت ان الاصابه بالانفلونزا ممكن يعمل cross-reactive
للاجسام المضاده لتحليل ال hcv بس ليه ده محصلش معايا في التحللين التانيه مع اني كنت لسه مصاب بلانفلونزا والتهاب اللوز والف شكر ليك مره تانيه

حسب الاجهزة اللى فى المستشفى يعنى معهد ناصر فيه اجهزة حديثة ووحدة pcr على اعلى مستوى وكذلك معهد الاورام ومستشفى الهرم وقصر العينى الفرنساوى ومستشفى العجوزة وبعض مستشفيات التامين الصحى وبعض المستشفيات بتسخدم الربيد تيست وبعضها بيبعت العينات تتعمل فى معامل خارجية كبيرة بعقود اتفاق وباسعار خاصة جدا اما عن ظهور الاجسام المضادة ده بيرجع لحساسية الجهاز ونوع الكيت (الكيماويات )المستخدمة عليه يعنى ممكن جهاز يقرا الاجسام المضادة 5 ودى بتبقى سلبى ممكن جهاز يقراها 6 او 7 لكن مش ممكن تكون صفر لازم تطلع برقم ---بص بجد لو انت عندك رغبة تشوف الكلام ده عملى ابعتلى على الخاص وتعالى افرجك على الاجهزة وانواعها وطريقة عملها

المشاركة الأصلية كتبت بواسطة aboomar22

حسب الاجهزة اللى فى المستشفى يعنى معهد ناصر فيه اجهزة حديثة ووحدة pcr على اعلى مستوى وكذلك معهد الاورام ومستشفى الهرم وقصر العينى الفرنساوى ومستشفى العجوزة وبعض مستشفيات التامين الصحى وبعض المستشفيات بتسخدم الربيد تيست وبعضها بيبعت العينات تتعمل فى معامل خارجية كبيرة بعقود اتفاق وباسعار خاصة جدا اما عن ظهور الاجسام المضادة ده بيرجع لحساسية الجهاز ونوع الكيت (الكيماويات )المستخدمة عليه يعنى ممكن جهاز يقرا الاجسام المضادة 5 ودى بتبقى سلبى ممكن جهاز يقراها 6 او 7 لكن مش ممكن تكون صفر لازم تطلع برقم ---بص بجد لو انت عندك رغبة تشوف الكلام ده عملى ابعتلى على الخاص وتعالى افرجك على الاجهزة وانواعها وطريقة عملها

طب معليش ياباشا سوال كمان بالنسبه لماسك الدم الي في المختبر ده ايه نظامه انا قريت انه بيجيب امراض وكان متقدم بلاغ بس طبعا متتحققش فيه كعاده البلد
معامل مؤمنة «غير آمنة» وتهدد بالسرطان والكبد الوبائى
معرفش والله ايه الي وادني المختبر ده والله الواحد ندم وكمان حتي المعامله سيئه من البشوات الي في الريسبشن منتهي قله الذوق كانك بتحلل ببلاش

المفروض ان معمل المختبر ممتاز

المشاركة الأصلية كتبت بواسطة ahahاhoaa

طب معليش ياباشا سوال كمان بالنسبه لماسك الدم الي في المختبر ده ايه نظامه انا قريت انه بيجيب امراض وكان متقدم بلاغ بس طبعا متتحققش فيه كعاده البلد
معامل مؤمنة «غير آمنة» وتهدد بالسرطان والكبد الوبائى
معرفش والله ايه الي وادني المختبر ده والله الواحد ندم وكمان حتي المعامله سيئه من البشوات الي في الريسبشن منتهي قله الذوق كانك بتحلل ببلاش

عن يقين تام الكلام ده استحالة يحصل فى معمل تحت السلم فما بالك بالمختبر المعمل الوحيد فى مصر الحاصل على شهادة الكاب اعلى شهادة فى التحاليل الطبية وكذلك الايزو 15189 --هى ثمن السرنجة كام يعنى 30 قرش مثلا --اما موضوع البلاغات مش عارف انا مستغرب الموضوع ده جدا لكن للحق برضه مين كان يجروء يفتش على معامل مؤمنة كامل بثقلها السياسى وقربها من سوزان مبارك انما دلوقتى المالك لسلسة المعامل هى شركة ابراج الاماراتية والمالكة ايضا لاسهم شركة البرج

ماهوا ياباشا دول مش همهم المريض المهم يحققوا اعلي مكسب وانا مش قصدي علي سرنجه ام 30 قرش انا قصدي علي ماسك الدم او معرفش انتوا عندكم بتسموه ايه الا هوا بضغط الهواء انا شوفتها بعد ماسحبت الدم مرميتهوش فعلا والي مقدم البلاغ ده الدكتورة شيرين إبراهيم فراج أستاذ مساعد الهندسة الطبية