عن خبرة (شخصية ) تحسين اداء تكييف الفيرنا فالصيف

السلام عليكم ورحمه الله وبركاته
شباب .. اسعد الله حياتكم إن شاء الله ودائما علي خير وصحة..

موضوعي النهارده عن خبرة شخصية لان ده اللي انا عملتة وفرق معايا جداااااااااا في تكييف الفيرنا

مصادفتا .. غيرت البطارية اللي موجوده لانها كانت ماتت ..
من 43 ل 63 وهيا هيا الماركة ... كنت با استخدم فارتا السوده استخدمت فارتا السيلفر

مصادفة .. غسلت السربنتينة بالماية فقط ..

وتعمدت (( انضف فلتر التكييف واركبهم تاني )) هما بيبقي جزئين( قطعتين ) خلف صندوق الطابلوة وبداخل صندوق الهواء الخاص بالتكييف في الفيرنا .. ولي موضوع عنهم

وكانت النتيجه مزهلة

1- تحسن (إختلاف ) ملحوظ في سرعة التبريد ودرجه التبريد بنسبة زياده عن الطبيعي نقدر نقول في تقديري 85 %
2-استهلاك بنزين اقل من الطبيعي في حاله استخدام التكييف علي درجه 3 وسرعه 110 كيلومتر طالع ونازل 90-80-120 اخري ..
3-سحب العربية تحسن بنسبة مقبوله جدا مع صوت موتور اقل ( موتور هادي )....

ملحوظه هامة انا الصيف اللي فات غيرت مياه الريدياتير وعملت دورة تنضيف ريدياتير
( بريستون prestone+ مضاد الصداءanti rust+ماده اسمها كولkool ) دي اضافات ولي موضوع عنها
وكمان
السنة الماضية .. لاحظت عدم وجود تبريد اصلا لان كان فية تسرب في الفريون نتيجه لعطل جزء اسمه (( اكسبنشن )) تم تغييرة بجديد (( صيني )) ب 225 جنية

وتمت عملية الشحن ب 180 جنية ... بس عرفت بعد كده اني كان ممكن اجيب علي اسعار السنة الماضية (( علبة كاملة )) ب 80 جنية .. ماركة محترمة واستخدم نصفها في الشحن ..
علي العموم موديل الفيرون الجيد ..R134a امريكي الصنع...

بس طبعا انضحك عليا كالمعتاد نتيجة لقله خبرتي يعني كان المفروض تكلفه شحن التكييف اقل من كده ..
( قطيعة ) محدش بيتعلم بسهولة ...
فا حبيت اعمل الموضوع ده عشان الكل يتعلم ويستفيد من خبره حد (( رشق )) في الموضوع ده

ارجو اني اكون افادتكم
...
...
..

:bye2::bye2::bye2::bye2::bye2:

شكرا على الافادة
انا اليوم رايح اكشف على التكييف لأنه مش بيبرد نهائى
لما بشغله بحس ب تحميل التكييف على الموتور بتاع العربية بس مبيكونش فيه اى تبريد

جزاك الله خير و جعله في ميزان حسناتك ان شاء الله

أنا عندي فيرنا مو 2009 ماشيه 28600 كم.

يا ريت لو تكرمت بالصور طريقه فك فلتر التكييف

أنا لسه حالا عملت بوليش لجنب كامل بنفسي لان فيه حد ابن حلال حكها و هي واقفه و عادي جدا"

و شكرا" جزيلا"

علي ما اعتقد ان الفرنا مفيهاش فلتر تكييف

اقتباس:

---

المشاركة الأصلية كتبت بواسطة big big

علي ما اعتقد ان الفرنا مفيهاش فلتر تكييف

---

إعتقادك ..خاطيء...
فيها فلتر تكييف .. خلف درج الطابلوة .. عبارة عن عدد 2 قطعة ....

اقتباس:

---

المشاركة الأصلية كتبت بواسطة heldin_67

جزاك الله خير و جعله في ميزان حسناتك ان شاء الله

أنا عندي فيرنا مو 2009 ماشيه 28600 كم.

يا ريت لو تكرمت بالصور طريقه فك فلتر التكييف

أنا لسه حالا عملت بوليش لجنب كامل بنفسي لان فيه حد ابن حلال حكها و هي واقفه و عادي جدا"

و شكرا" جزيلا"

---

يا زميلي العزيز ...
تقدر تفك ((( علي ضمنتي )))) درج الطابلوه بتاعك ...
هاتلاقي فية (( سلكه )) التكييف بوابة الهواء الخارجي ..تتبعها لاخرها .. هاتلاقيها ماسكة في دراع بلاستك ... استخدم شيء ناشف شوية عشان تضغط (( بلطف ))) علي سن الدراع البلاستك ده .. لغاية ما السلكة تتفك لبرة ...
فكها تماما (( عادي جدا )) من المكان اللي بتبات فية (( عدد 2 بلاستكة ))
هاتلاقي خلفها تماما
بوابة بلاستك بالطول ...
اطلع بصباعك عليها لفوق .. هاتلاقي لسان بلاستك ((( شده لتحت ))))
انزع الدرج البلاستك (( بلطف ))
هاتلاقي خلفة مكان الفلتر اللي بيبات فية

(( اول هام اشتري الفلتر الهوا )) القطعتين بحوالي من 60 ل 80 جنية ...

هايركبو فوق بعض (( عاشق ومعشوق )) وهاتلاقي علي البلاستك بتاعهم سهم
بيوضح سريان الهواء ..Air Flow

بعد التركيب تأكد من تأفيل اي شيء انتا شلتة .. رجع كل حاجه مكانها ...
مبروك انتا غيرت فلتر التكييف
:018A1D~146::018A1D~146::018A1D~146::018A1D~146:

اضافه هامة لموضوع تكييف الفيرنا

استخدمت مادة من شركة STP اسمها Fuel octane booster

وده اللينك بتاعها
[url=http://www.stp.com/products/fuel-additives/octane-booster/]Octane Booster by STP

اقتباس:

---

المشاركة الأصلية كتبت بواسطة verna2008auto

اضافه هامة لموضوع تكييف الفيرنا

استخدمت مادة من شركة stp اسمها fuel octane booster

وده اللينك بتاعها
[url=http://www.stp.com/products/fuel-additives/octane-booster/]octane booster by stp

---

إيه العلاقة بين الأوكتان بوستر والتكييف ؟ .
لتحسين السحب يعني ؟.
.

اقتباس:

---

المشاركة الأصلية كتبت بواسطة graffittiii

إيه العلاقة بين الأوكتان بوستر والتكييف ؟ .
لتحسين السحب يعني ؟.
.

---

تمام كده يا مومبيك ...
((((( عن خبرة شخصية في عربيتي ))))))
تحسين السحب بنسبة ملحوظه جدااااا + تحسين درجة وسرعة التبريد... جرب وإدعيلي ..( علي ضمنتي ):F_eyeb1[1]:

اقتباس:

---

المشاركة الأصلية كتبت بواسطة verna2008auto

إعتقادك ..خاطيء...
فيها فلتر تكييف .. خلف درج الطابلوة .. عبارة عن عدد 2 قطعة ....

---

اطلاقا
دا اعتقاد سليم 100%
بالفعل الفيرنا مفيش فيها فلتر تكييف
هي فيها مكان لفلتر التكييف لكن مش راكب والمستخدم هو اللي بيركبه ولكن فعليا لو العربية ستوك هو مش موجود

اقتباس:

---

المشاركة الأصلية كتبت بواسطة verna2008auto

اضافه هامة لموضوع تكييف الفيرنا

استخدمت مادة من شركة stp اسمها fuel octane booster

وده اللينك بتاعها
[url=http://www.stp.com/products/fuel-additives/octane-booster/]octane booster by stp

---

اقتباس:

---

المشاركة الأصلية كتبت بواسطة graffittiii

إيه العلاقة بين الأوكتان بوستر والتكييف ؟ .
لتحسين السحب يعني ؟.
.

---

لا يوجد أي علاقة بين الاوكتان بوستر وبين التكييف وأداؤه مطلقا


* شكرا على الموضوع يا عاصم بس دي صيانة دورية واجراءات احترازية مش حاجة لتحسين اداء التكييف ولكن انت بتحاول تخليه زي ما هو اصلا

اقتباس:

---

المشاركة الأصلية كتبت بواسطة ashraf_ibrahim

اطلاقا
دا اعتقاد سليم 100%
بالفعل الفيرنا مفيش فيها فلتر تكييف
هي فيها مكان لفلتر التكييف لكن مش راكب والمستخدم هو اللي بيركبه ولكن فعليا لو العربية ستوك هو مش موجود
لا يوجد أي علاقة بين الاوكتان بوستر وبين التكييف وأداؤه مطلقا
* شكرا على الموضوع يا عاصم بس دي صيانة دورية واجراءات احترازية مش حاجة لتحسين اداء التكييف ولكن انت بتحاول تخليه زي ما هو اصلا

---

كلامك مش تمام ( غلط ) اشرف بيك .. الفيرنا فيها فلتر تكيف
لية تكون (عصاية ادب ) علي معلومات خاطئية ..وكلامك انتا بس اللي صح ولا يقبل التصحيح ؟؟!!!..

بالنسبة للاضافات انا قلت انها (( لتحسين الاداء وعن خبرة شخصية )) فين خبرتك الشخصية انتا عشان نستفيد بعلمك الوفير..؟؟!!!!

انصح بعدم التعليق علي موضوعاتي بإسلوب لا اقبلة.... افترض ان موضوعاتي غير موجوده امامك ....

يا شباب الهيونداي وخصوصا الفيرناويه منهم ....
دة رقم تليفوني ..اللي عاوز يتأكد من كلامي (( وصحته )) انا علي استعداد اقابلة ويسوق ويشوف التغييرات اللي انا عاملها في الفيرنا بتاعي .....
مش با قول انها ال (( واوووو )) ولا اعجاز ..بس ده تأكيد علي صحه كلامي
..
ويجعله عامر
01222223482عاصم

المعروووف طبعا ان الكهربا بتفرق في السقوعيه....عشان كده العربيات المرسيدس بيولدوا كهربا من الفرامل لتحسين اداء التكييف

اقتباس:

---

المشاركة الأصلية كتبت بواسطة loshabih

المعروووف طبعا ان الكهربا بتفرق في السقوعيه....عشان كده العربيات المرسيدس بيولدوا كهربا من الفرامل لتحسين اداء التكييف

---

تمام كده ....
هوا ده الشغل

بنزين نضيف = سحب و طاقة حركية جيدة + دينامو كويس مع بطاريه جيدة= تكييف بأداء احسن
:dirol::dirol::dirol:

اقتباس:

---

المشاركة الأصلية كتبت بواسطة verna2008auto

كلامك مش تمام ( غلط ) اشرف بيك .. الفيرنا فيها فلتر تكيف
لية تكون (عصاية ادب ) علي معلومات خاطئية ..وكلامك انتا بس اللي صح ولا يقبل التصحيح ؟؟!!!..

بالنسبة للاضافات انا قلت انها (( لتحسين الاداء وعن خبرة شخصية )) فين خبرتك الشخصية انتا عشان نستفيد بعلمك الوفير..؟؟!!!!

انصح بعدم التعليق علي موضوعاتي بإسلوب لا اقبلة.... افترض ان موضوعاتي غير موجوده امامك ....

---

بغض النظر عن التدني في مستوى الحوار لكن انا هرد عليك وأفهمك قصدي ايه لأن من الواضح ان كلامي لم تفهمه جيدا :]
الجزء الخاص بفلتر التكييف انا معايا فيرنا 2010 واصدقائي كلهم تقريبا معاهم فيرنا وولا واحدة فيهم فيها فلتر تكييف فكون انك تقول ان كلامي غلط دا شيء لا أساس له من الصحة مطلقا وكلامك انت اللي غلط يا مومبيه
الجزء الخاص بالنصائح والخبرات في تحسين أداء التكييف
لازم نفرق كويس جدا بين ال standard performance وبين ال higher performance
اللي حضرتك عملته دا رجعت التكييف لل standard performance بتاعه ولكن مزودتش في أداؤه مطلقا
اصطلاح تحسين الاداء اني ازود حاجة على الاداء اللي العربية خارجة بيه من المصنع
يعني لما اركب strut bars واجنط العربية 15 واركب كاوتش نضيف كدة انا حسنت ثبات العربية
وبقا مختلف عن ال standard stability بتاعتها اللي خارجة بيه من المصنع
لكن كل اللي انت قلته دا هيخلي اداء التكييف زي ما كان خارج من المصنع فهنا مفيش تحسين للأداء مطلقا ولكن فيه استعادة لجودة الأداء نتيجة الاستخدام
اما عن خبرتي الشخصية فانا راجل خبراتي ضعيفة وعلى قد حالي بستفيد من معلومات الاعضاء وبشارك برأيي ومن حقك تقبل كلامي او ترفضه لكن مش من حقك تقلي أرد واللا ماردش انا هنا حر أكتب اللي انا عاوزه في التوبيك اللي انا عاوزه
دمتم بخير يا سيد عاصم

غض النظر عن التدني في مستوى الحوار لكن انا هرد عليك وأفهمك قصدي ايه لأن من الواضح ان كلامي لم تفهمه جيدا :]
الجزء الخاص بفلتر التكييف انا معايا فيرنا 2010 واصدقائي كلهم تقريبا معاهم فيرنا وولا واحدة فيهم فيها فلتر تكييف فكون انك تقول ان كلامي غلط دا شيء لا أساس له من الصحة مطلقا وكلامك انت اللي غلط يا مومبيه
الجزء الخاص بالنصائح والخبرات في تحسين أداء التكييف
لازم نفرق كويس جدا بين ال standard performance وبين ال higher performance
اللي حضرتك عملته دا رجعت التكييف لل standard performance بتاعه ولكن مزودتش في أداؤه مطلقا
اصطلاح تحسين الاداء اني ازود حاجة على الاداء اللي العربية خارجة بيه من المصنع
يعني لما اركب strut bars واجنط العربية 15 واركب كاوتش نضيف كدة انا حسنت ثبات العربية
وبقا مختلف عن ال standard stability بتاعتها اللي خارجة بيه من المصنع
لكن كل اللي انت قلته دا هيخلي اداء التكييف زي ما كان خارج من المصنع فهنا مفيش تحسين للأداء مطلقا ولكن فيه استعادة لجودة الأداء نتيجة الاستخدام
اما عن خبرتي الشخصية فانا راجل خبراتي ضعيفة وعلى قد حالي بستفيد من معلومات الاعضاء وبشارك برأيي ومن حقك تقبل كلامي او ترفضه لكن مش من حقك تقلي أرد واللا ماردش انا هنا حر أكتب اللي انا عاوزه في التوبيك اللي انا عاوزه
دمتم بخير يا سيد عاصم

لا تعليق.....:mahf(5):

ا شباب الهيونداي وخصوصا الفيرناويه منهم ....
دة رقم تليفوني ..اللي عاوز يتأكد من كلامي (( وصحته )) انا علي استعداد اقابلة ويسوق ويشوف التغييرات اللي انا عاملها في الفيرنا بتاعي .....
مش با قول انها ال (( واوووو )) ولا اعجاز ..بس ده تأكيد علي صحه كلامي
..
ويجعله عامر
01222223482عاصم

الساده المحترمين
بص يا عاصم بك في العربيه الفيرنا المصري مفيش فلتر تكييف بيظهر في دليل الاستخدام لكن بيكون نفس المقاس بتاع فلتر الفيفا و الجيتز و اللي بيكون من تحت هو هو و اكيد علي حد معلوماتي الضعيفه مفيش اي علاقه بالنسبه للاضافات مع تشغيل التكييف و معلشي اقبل مني الكلام انا مابحبش اعلق علي اي موضوع حد عمله نظرا لسوء الفهم من الطرف الاخر انه ياخد كلامي علي انه انتقاد و لون دا غلط علشان احنا هنا مع بعض كاتيم واحد بيفيد الناس علس حسب خبرته حتي لو موضوعاته ليست الا للشو و لكن طبعا السربنتينه و الرداتير بيكونوا ليهم علاقه مباشره مع كفاءه منظومه التبريد و التكييف طبعا و معلشي اسمحلي هو الراجل مش قصده حاجه بالعكس انتم الاتنين اشخاص افاضل و محترمين و برضه لاحظ ان ظروف تشغيل التكييف بتكون مختلفه هل في الحر و الا الجو الحار المميت ولا اثناء الوقوف ولا المشي كل دا بيفرق طبعا

اقتباس:

---

المشاركة الأصلية كتبت بواسطة enghany

الساده المحترمين
بص يا عاصم بك في العربيه الفيرنا المصري مفيش فلتر تكييف بيظهر في دليل الاستخدام لكن بيكون نفس المقاس بتاع فلتر الفيفا و الجيتز و اللي بيكون من تحت هو هو و اكيد علي حد معلوماتي الضعيفه مفيش اي علاقه بالنسبه للاضافات مع تشغيل التكييف و معلشي اقبل مني الكلام انا مابحبش اعلق علي اي موضوع حد عمله نظرا لسوء الفهم من الطرف الاخر انه ياخد كلامي علي انه انتقاد و لون دا غلط علشان احنا هنا مع بعض كاتيم واحد بيفيد الناس علس حسب خبرته حتي لو موضوعاته ليست الا للشو و لكن طبعا السربنتينه و الرداتير بيكونوا ليهم علاقه مباشره مع كفاءه منظومه التبريد و التكييف طبعا و معلشي اسمحلي هو الراجل مش قصده حاجه بالعكس انتم الاتنين اشخاص افاضل و محترمين و برضه للامانه هو الراجل لو شايف ان في معلومه غلط منك او لغيرك بيقول علشان الناس تستفيد و مايكونش في مشاكل انما اتاكد ان الاضافات ليس ليها علاقه البطاريه بنسبه بسيطه لو كان فيها ربع مثلا و لي بعلو الفولت بتاعها يعني مش هتجيب بطاريه 70 امبير التكييف هيكون اقوي و برضه لاحظ ان ظروف تشغيل التكييف بتكون مختلفه هل في الحر و الا الجو الحار المميت ولا اثناء الوقوف ولا المشي كل دا بيفرق طبعا ارجو ان تتقبل كلامي بهدف الصالح العام و التجارب العلميه و الفعليه بحكم المجال و شكرا لتعبك في الكتابه لموضوعاتك

---

مشكور يا باشمهندس هاني علي تأكيد وتصحيح المعلومه
انا ها اعمل موضوع كامل ان شاء الله علي موضوع فلتر التكييف اللي مش موجود في الفيرنا ده ..
شكرا للاهتمام

هجومي وغضبي من اسلوب (( فرض الرأي )) واسلوب التأديب المستمر والغرور رغم عدم استناده علي ادلة علمية (( علي عكسك انت يا هندسة لان ده تخصصك وشغال فيه كل يوم )) ..

وطبعا بنتعلم منك ياهندسة ..
شكرا للاهتمام والتوضويح .. برجاء متابعة موضوعاتي لاضافة معلومات صحيحة من مصدر موثوق فية ...

اصحابي المهتمين بالموضوع ده ..
تم عمل موضوع مصور عن ((((( فلتر التكييف في الفيرنا ))))) رغم الاصرار علي عدم وجوده واتهام البعض بسوء الفهم وعدم وصول المعلومه بشكل سليم وخلطها بتجربة شخصية عن اضافات تم استخدامه لتحسين استهلاك واستخدام البنزين

http://www.nilemotors.net/Nile/345101-a.html

اترككم علي خير:Y_hi_3[1]:

السلام عليكم
ممكن بس اوضح سوء التفاهم
الفيرنا فيها مكان للفلتر لكن مش بينزل فيها الفلتر لازم تشتريه انت وتركبه
ده اللى يقصده ا أشرف
غبور باشا مش بيحط الفلتر لازم انت تشتريه وتركبه انت

يعنى الفيرنا فبها مكان للفلتر لكن مش بيكون موجود صاحب العربيا بيروح يشترى الفلتر ويركبه هوا
ادى الحكاية

اقتباس:

---

المشاركة الأصلية كتبت بواسطة verna2008auto

السلام عليكم ورحمه الله وبركاته
شباب .. اسعد الله حياتكم إن شاء الله ودائما علي خير وصحة..

موضوعي النهارده عن خبرة شخصية لان ده اللي انا عملتة وفرق معايا جداااااااااا في تكييف الفيرنا

مصادفتا .. غيرت البطارية اللي موجوده لانها كانت ماتت ..
من 43 ل 63 وهيا هيا الماركة ... كنت با استخدم فارتا السوده استخدمت فارتا السيلفر
تغيير البطارية ليس له علاقة بتحسن أداء التكييف و لكن أعتقد أنك ذكرت موضوع تغيير البطارية ضمن عملية صيانة قمت بها أستعدادا لدخول الصيف

مصادفة .. غسلت السربنتينة بالماية فقط ..
تنظيف السربنتية مهم جدا لأن بيكون فيه أتربة مختلطة بالمياه أو بخار المياه فتكون طبقة عازلة عليها تقلل من عملية التبادل الحراري بين الفريون داخل المواسير و الهواء الجوي و بالتالي يحدث أنخفاض في كفائة التبريد

وتعمدت (( انضف فلتر التكييف واركبهم تاني )) هما بيبقي جزئين( قطعتين ) خلف صندوق الطابلوة وبداخل صندوق الهواء الخاص بالتكييف في الفيرنا .. ولي موضوع عنهم
تنظيف الفلتر لايؤثر علي كفائة التكييف في حد ذاته و لكن بيؤثر في كمية الهواء الخارج من المروحة حيث أن الفلتر المتسخ يحجز قدر أكبر من الهواء لكن بعد التنظيف بيتم فتح المسام و تمر كمية اكبر من الهواء الي الصالون فيزيد الاحساس بتدفق الهواء و يتم تخفيض سرعة المروحة من 3 الي 2 مثلا أو الي 1

وكانت النتيجه مزهلة

1- تحسن (إختلاف ) ملحوظ في سرعة التبريد ودرجه التبريد بنسبة زياده عن الطبيعي نقدر نقول في تقديري 85 %
ده نتيجة طبيعية لتنظيف السربنتينة و ازالة طبقة العزل (الاتربة المختلطة بمياه التكثيف) و تحسن عملية التبادل الحراري

2-استهلاك بنزين اقل من الطبيعي في حاله استخدام التكييف علي درجه 3 وسرعه 110 كيلومتر طالع ونازل 90-80-120 اخري ..
هو ليس تأثير مباشر .. يعني كل الحكاية أن التكييف عندما تتحسن كفائته نتيجة لتحسن عملية التبادل الحراري كما شرحت بالاعلي لايحتاج التكييف الي نفس القدر من الطاقة لتشغيله و لكن طاقة تشغيله بتنخفض قليلا و لكن ليس بالشكل المحسوس و المؤثر الذي تلمسه في استهلاك البنزين مثلا

3-سحب العربية تحسن بنسبة مقبوله جدا مع صوت موتور اقل ( موتور هادي )....
زي برضه ماشرحت فوق .. الطاقة اللازمة للتكيف أنخفضت و بالتالي حمله علي المحرك أنخفض
لكن..
مش التكييف بس اللي بيؤثر في المحرك و يشكل عليه حمل هناك عوامل اخري اكثر أهمية مثل :
1- الهواء الداخل للمحرك و ده بيعتمد علي تنظيف الردياتير من الخارج و فلتر الهواء و كمان سرعة العربية و درجة حرارة الجو
2- حالة الطريق نفسه و معامل الاحتكاك بالاسفلت بيشكل حمل علي المحرك
3- الاوزان في العربية و خاصة صندوق الامتعة
4- حالة الاطارات و ضغطها
5- مياه التبريد و حالتها و مستواها
6- عوامل اخري داخل المحرك نفسه (البوجيهات - الرشاشات - الكبس - .......)

ملحوظه هامة انا الصيف اللي فات غيرت مياه الريدياتير وعملت دورة تنضيف ريدياتير
( بريستون prestone+ مضاد الصداءanti rust+ماده اسمها كولkool ) دي اضافات ولي موضوع عنها
وكمان
علشان كده كفائة التبريد للمحرك أرتفعت و معدل أدائه أتحسن و صوته انخفض

السنة الماضية .. لاحظت عدم وجود تبريد اصلا لان كان فية تسرب في الفريون نتيجه لعطل جزء اسمه (( اكسبنشن )) تم تغييرة بجديد (( صيني )) ب 225 جنية

وتمت عملية الشحن ب 180 جنية ... بس عرفت بعد كده اني كان ممكن اجيب علي اسعار السنة الماضية (( علبة كاملة )) ب 80 جنية .. ماركة محترمة واستخدم نصفها في الشحن ..
علي العموم موديل الفيرون الجيد ..r134a امريكي الصنع...
ده عامل مؤثر في كفائة التكييف طبعا

بس طبعا انضحك عليا كالمعتاد نتيجة لقله خبرتي يعني كان المفروض تكلفه شحن التكييف اقل من كده ..
( قطيعة ) محدش بيتعلم بسهولة ...
فا حبيت اعمل الموضوع ده عشان الكل يتعلم ويستفيد من خبره حد (( رشق )) في الموضوع ده

ارجو اني اكون افادتكم
...
...
..

:bye2::bye2::bye2::bye2::bye2:

---

عموما الموضوع جميل و فيه معلومات جيدة
و بما أننا داخلين علي فصل الصيف أنصح بعمل صيانة شاملة و مراجعة و خاصة للتكيف و تنظيف أو تغيير فلاتر الهواء بعد الانتهاء من موسم الخماسين و تنظيف الردياتير و مبرد التكييف و ازالة اي مواد ملتصقة بهما

ميرسية مومبيك ..

افهم من كلامك ان اللي عمل الفرق ده هو تغيير البطاريه ببطاريه اكبر؟؟؟


تحياتي