الحمد لله ربنا وفقني في الاختيار واشتريت ابيزا 2013 الشكل الجديد انا معايا ليون 2010 وطبعا الحمد لله مافيش اي مشاكل معايا سواء من التوكيل او العربيه نفسها وقررت اشتري عربيه صغيره جنب الليون فكرت اجيب حاجه مستعمله بس قولت خليك في الزيرو قولت اجيب كيا ريو 2013 بس قولت اللي اعرفه احسن من اللي ماعرفوش وتوكلت علي الله من شهرين كده وحبيت اكتبلكو التقرير بعد استخدمها وعملت اول صيانه 5000كم في التوكيل طبعا وعلي فكره الليون من يوم ما اشتريتها والصيانه في التوكيل
التوكيل محترم جدددددددااااااااااااااااا ااااااااااااااااا مافيش نقاش عليه وانا معاهم من 3 سنوات........ تقيمي للعربيه. وبحياديه شديده.....

اولا: الموتور 1600 سي سي 105 حصان (اقوي من الليون 3 حصان) وبتاخد بنزين 92 عادي جدا
الفتيس dsg 7 نقالات الحمد لله انا كنت سالت في التوكيل ملاك dsg ماسمعتش منهم شكاوي الحمد لله فقررت اتوكل علي الله واجبها ....معدل استهلكها للبنزين ممتاز جدا اوفر من الليون في البنزين والليون عندي مانيوال ممكن علشان الفتيس dsg بيوفر كتير في البنزين
طبعا انا مش بقارن بينهم بس بوضح من خلالها بس اعتقد الليون الاوتوماتيك تكون موفره عن المانيوال......

ثانيا: من الخارج شكلها ماشاء الله ممتاز جدا ومعدل من الامام فوانيس وشبكه اماميه واقصدام ومن الخلف مافيش اي حاجه غير المساحه الخلفيه اتعدلت والشكل من الامام افضل كتير...........والشنطه مساحتها حلوه ومناسبه للعربيه

ثالثا:من الداخل الكماليات:
بور- 4 زجاج كهرباء وفي نسخه تنزل منها 2 فقط وتكون ارخص 1000 جنيه-كاسيت cd aux-عدادت حساسه للضوء-مثبت سرعه - مالتي فانكشن-زجاج حراري خلفي-شاشه بيانات السرعه والاستهلاك
شبوره خلفي فقط-4 مخادع -مرايات كهراباء مش ضم مفتاح ريموت-4 ايرباج- تكيف تاتش

رابعا:تقييم القياده
تسارع ممتاز
جبت بيها 190 مرتاح اوي وثبات حلو اوي ولكن لا يقارن بالليون يعني ثبات افضل من اي عربيه كوري او ياباني مع العلم ان جنط اول ما اشتريت جنط 16 ماسوقتش العربيه بالجنط العادي
مريحه في السفر جداا
ممتازه في المناوره علي الطريق
عفشه ممتازه
استهلاك بنزين ممتاز اقتصاديه جدااااااا

خامسا : العيوب
1- السعر انا جبتها133000 والان اصبح 147000 مقارنتها بالكيا ريو
2-ضيقه جدا من الخلف زي الجولف 4 او اكتر حاجه بسيط
3- ينقصها اوي فوجات امامي ومخدع يد امامي وجنوط والحمد لله اول ما اشتريت ركبتهم ما عدا الفوجات انشاء الله قريب ومرايات ضم كهراباء
الصور مش عارف ارفعها لو حد يساعدني علشان نكمل التقييم