الموضوع: ما هي اقصر و اسهل الطرق الي العين السخنة من المهندسين

أسهل طريق هو كوبري أكتوبر من المهندسين حتى نهايته بمدينة نصر ..
في نهايته هناك ثلاثة مخارج يمين إلى اتجاه حلوان ، وشمال إلى المنصة وعباس العقاد
وفي المنتصف إلى الجبل الأحمر وطريق المقطم
اسلكي طريق المنتصف ، طوالي ...
بعد حوالي اتنين كم ستقابلك محطة الجبل الأحمر العسكرية في نهاية الشارع ..
يتم الدوران جهة اليسار .. وعند أول تقاطع هناك اتجاه إجباري يمين ..
ادخلي يمين وطوالي لا يمين ولا شمال بعدها لحد ما تلاقي نفق تحت الدائري
عند نهاية النفق يبدأ طريق العين السخنة ..

الطريق الثاني :
من المهندسين إلى الدقي .. بعد كوبري الدقي .. شمال حتى شارع مراد .. ثم شمال إلى شارع البحر الأعظم ، ثم مطلع الدائري .. وبعد كارفور .. أول مخرج هو طريق العين السخنة وهو المخرج رقم (9)

أو من المهندسين إلى طريق كورنيش المعادي ، ثم الدائري عند كوبري المنيب .. وبعد كارفور الخروج من أول مخرج ..

الطريق حوالي 120كم بياخد حوالي ساعة في الذهاب ، وأكثر قليلاً في العودة لأن الهوا بيكون في وش العربية عند العودة ..

الطريق به نوع من الخطورة النسبية عند القيادة ليلاً خصوصاً لمن لديهم مشاكل في القيادة الليلية ..
وتوصلي بالسلامة ..

انا اعرف طريق تاني ممشيتش عليه بس بشوف اليفط بتاعته و انا رايح العبور معرفش ايه نظامه

تطلع الدائري بتاع الهرم من المهندسين بس تبقي رايح في اتجاه طريق الإسماعيلية الصحراوي مش الهرم

و تفضل ماشي علي طوووول و تعدي النفق هتطلع علي وصلة هتلاقي منها دخلة لطريق القطامية العين السخنة

يا ريت اما ترجع تقولنا ايه اخبار الداي يوز هناك و الموضوع اتكلف كام