الضفيرة لسعت وساحت وربنا ستر العربية ما ولعتش
السلام عليكم اخوانى الكرام عايز رأى الخبراء والجميع لو حد حصل له موقف مشابة يقولى علشان اعرف اعمل اية و علشان الكل يستفيد....
من كام يوم لقيت انوار الاشارات بتخرف مرة تشتغل ومرة لا رحت لكهربائى قالى الفيوز ضرب وغيرة وبعدها لقيت نفس الموضوع ومعاة كمان لمبة الانتظار مش شغالة رحت تانى لنفس الكهربائى عملها واشتغلت بس تقريبا كان شغال اى كلام, بعدها بكام يوم نسيت لمبة الانتظار فترة طويلة والعربية واقفة المهم لقيت البطارية فضيت فركبت بطارية جديدة .......نيجى للمهم النهاردة كنت فى التوكيل بعمل صيانة 60000 وبحكيلهم عن الكهرباء وكانت المفاجأة بعد ما ضبط الفيوز كلة لقى لسة فى لخبطة , فتح العربية كلها وورانى الضفيرة فيها اسلاك كتيرة جنب بعض وسايحة وقالى كويس ان العربية ما ولعتش ..... دلوقتى التوكيل قالى هانحاول نرمم الضفيرة وهاتكلفك 500 جنية او ها تغير الضفيرة وتقريبا تمنها 6000 جنية مع انى لسة فى الضمان انصحونى بالله عليكم محتاج اى نصيحة
