انا شوفت عربية راكنة قريب من منطقتى تقريبا هى دية لانها كانت متغطية فمعرفتش احدد هى نفس التدمير وللا لاة بس هى كوبية ولونها احمر فاتح شوية ... ربنا يعوض على صاحبها :(
عرض للطباعة
انا شوفت عربية راكنة قريب من منطقتى تقريبا هى دية لانها كانت متغطية فمعرفتش احدد هى نفس التدمير وللا لاة بس هى كوبية ولونها احمر فاتح شوية ... ربنا يعوض على صاحبها :(
دي السيراتو الكوبيه رقم 100 إللي أشوفها مقلوبة أي نعم ثباتها أحسن شوية من السيدان بس still ثباتها صفر عالشمال جمب الألماني وللأسف أصحابها بيتغرو من شكلها من بره وبينسو إنها سيراتو في الأساس وعايشين والدور وهي طلعت أو نزلت ب120 حصان عمي
لا حول ولا قوه الا بالله
ليه بنرجع سبب الحادث لسائق السياره مع ان ممكن يكون سياره تانيه هى الى تسبتت فى الحادث
انا مثلا امبارح كنت ماشي فى منتصف الطريق الجديد الى قدام فيستفال سيتي (الى موازى للدائرى ) الطريق فاضي ونظيف جدا وتقريبا السرعه كانت 100 كم/س وفجاءه لا قيت عربيه كانت فى اقصي اليمين كاسر شمال علشان يلحق يخرج من مخرج فى اقصي اليسار (علشان يخرج من الطريق دا ويطلع على الدائرى الاصلي ) وماشي براحته خالص و تفجاءة بيه قدامي - ستر ربنا انى دست فرامل جامد وحافظت على المسار بتاعي لانى لو كنت خدفت شمال كنت وش اتقلبت او لبست فى السور الخرساني وبعد ما عدا من قدامي ببص عليه وبديله تلكس لقيته بيتكلم فى الموبيل ولا اكنه كان هيتسبب فى حادثه ربنا واحده الى يعلم كان ممكن يحصل ايه
السؤال ايه الى يخلي واحد سرحان او مش واخد باله من مخرج وفجاءه يقرر يغير مساره بدون ما يشوف حد جاي من وراه او يدى اى اشاره تنبيهيه ؟
سبب الحوادث فى العالم
1- الكاوتش 80 %(ودا علاجة او تقليل النسبة بتركيب tpms وانا مركبة ب 2300 جنية)
2-الطرق
3- المركبة
4- اخطاء السائق
اسباب الحوادث فى بلاد المحروسة
1-عيوب طريق
2-عيوب طريق
3- اخطاء الاخرين
4اخطاء الاخرين
5- المركبة والسواق
6-سرعة مش عالية ولكن طريق مش مهيىء
الموضوع ببساطه العربيه لما بتفقد ثباتها و تبدئ تميل يمين و شمال صعب جدا انك تلمها عشان كدا بيحصل حوادث بالشكل ده كتير
ربنا يسترها مع الي كانو ركبنها و يطلعو بالسلامه بس
انت بيجيلك مصر سيراتو 1600 . بره 2400 و دلوقتي بقت تربو . عربية محترمة جدا مقارنة بسعرها . ولو اي عربية من اللي انت كاتبهم دول في نفس الموقف مش هتفرق كتير . ودي تمنها جديدة اقل من نص اللي انت كاتبهم دول برضه . ومش مبرر كلامك . ما ال 316 العادية امكانياتها محدودة جدا مقارنة بالفئات الاعلى من نفس الفئة .
انا مش ببر الجري بأي عربية . لان شوارع مصر فعلا عبارة عن فخ كبير . دايما مفاجئات غير متوقعة فأي حتة . المفروض لا اللي معاه 128 يجري ولا اللي معاه جنسس كوبيه برضه يجري . النتيجة دايما مش متوقعة . خصوصا في ظل الظروف الحالية