ياريت النصيحة

**المنسي** · 02-04-2013 12:32 PM

المشاركة الأصلية كتبت بواسطة aw2100

انا زعلت قوى من مقارنة اللانوس بالفليشيا معلش فية فرق كبير قوى والحكاية مش مسئلة تكييف الفليشيا افضل فى كل الأتجهات من اللانوس متانة وقوة وثبات غلى الأرض ؟؟؟

متزعلش يا استاذ وليد انا مش بقارن عربيتين انا بحاول اوصل له ان الفليشيا التكييف بتاعها على اد حاله مع سخونة العربية فى نوع من الناس بتبص على الرفاهيات اكتر يعني ممكن واحد يجيب عربية تمنها 150 الف وصاجها ورق علشان الرفاهيات اللى فيها وبنفس المبلغ عربية تانية مفيهاش الرفاهيات دى بس فيها نسبة عالية من الامان

**EngAhmedSayed** · 02-04-2013 03:00 PM

المشاركة الأصلية كتبت بواسطة adiaa222

بس ياباشا من الاخر:عايز عربية بتكييف محترم تشغلة فى الاجواء الحارة جدا يعنى 38( درجة وانتى طالع ومتعملش مشكلة فى سحب العربية) تبقى تنسى موضوع انك تشترى عربية اقل من 1500cc حتى لو التكييف فبريكة
انا بقولك لية كدة عشان تركز ولما تختار عربية 1300cc يبقى تجيبها من غير تكييف احسن وتوفر الفلوس الزيادة عايز تكييف فى العربية وميبقاش زينة فيها تبقى تسنى شوية لغاية متوصل فلوسك 45الف وتشترى عربية تناسب احتياجاتك وبالتوفيق

المشاركة الأصلية كتبت بواسطة sakr1964

38 الف جنيه سعر مناسب فى الايام دى لان اسعار السيارات الجديدة والمستعملة ارتفعت مع الاتفاع سع الدولار........

اما عن تكييف فبريكة اه فى تكييف فابريكة فى موديل 2000 انا معايا فيفوريت 1994 ونازلة بتكييف فبريكة انما انك تشغله فدا صعب جدا خصوصا فى اجواء مصر وطقسها الحار صيفا فحضرتك انسى فعلا التكييف الا اذا كان الموتور 1600ccانما 1300 فامنصحكش تشغل التكييف....

العربية بالسعر دا فى مجملها مناسب فى الوقت الحاضر المهم اكشف عليها فى مركز خدمة محترم ....*

ربنا يوفقك فى فليشيا بنت حلال....*

الردود نموذجية الصراحه انا كنت هقول كده
ربك المستعان

**المنسي** · 03-04-2013 02:44 PM

المشاركة الأصلية كتبت بواسطة mohamed aamer

معلش انا خلاص قربت ازهق من موضوع العربية ده دى اول عربية حاشتريها ومعايا فى حدود 38 الف وناس قالتلى العربية دى ماتعملش اكتر من 27 -30 الف زى الفيليشيا العادية !! هل فى اختلاف ولا ايه وكمان ناس تقولى خليك فى الفابيا اللى 1400 سى سى بس متهبألى قطع غيارها غالية وحتبقى اغلى من 38 الف ياريت لو حد فعلا عارف السعر مناسب ولا لأ :)

والله لوقريت ردى عليك قبل كده انى قلت انا حاسس ان السعر عالى شوية فهقولك على حاجة تانية ممكن تعملها دور على عربية تانية للبيع بنفس المواصفات وشوف معروضة على كام ولو انى اعتقد برضة ان 38 الف كتير عارف قبل الهوجة اللى فاتت بتاعة الاسعار كان هيبقي اخرها 32 بالكتير وحاول تتقل على اللى بيبعها علشان ميحسش انك هتموت عليها