شيفروليه اوبترا 2005 ولا اوبل استرا 2005 ولا افيو 2005 ولا مبجان 2006

من غير تفكير الاوبترا صالون اكبر والاسترا كماليات اكثر بعديهم الميجان وطبعا الافيو فئة اقل
وقبل كل حاجة لو بتتكلم في مستعمل يبقى الحلة هي الفيصل

اقتباس:

---

المشاركة الأصلية كتبت بواسطة Romiodent

من غير تفكير الاوبترا صالون اكبر والاسترا كماليات اكثر بعديهم الميجان وطبعا الافيو فئة اقل
وقبل كل حاجة لو بتتكلم في مستعمل يبقى الحلة هي الفيصل

---

شكرا

طب لو دخلنا فى المقارنه جين 2 موديل 2007 اوتوماتيك

اوبل استرا عربية الماني قطع غيار معمرة ثبات مفيش علية كلمة

الميجان معقده شويه الكنترول بتاعها متوصل بكل حاجه في العربيه وممكن تقف منك لو حاجه بسيطه عطلت الاسترا اه فيها كماليات بس مش بتعقيد الميجان بس في المقابل الميجان كمليات اكتر من الاسترا بفارق بس بسيط وهنا الاتنين ثابتين علي الطريق بس الميجان انعم واريح من الاسترا الاوبترا تيجي بعدهم وبعدها الافيو

اقتباس:

---

المشاركة الأصلية كتبت بواسطة esmailfh

السلام عليكم ورحمه الله وبركاته
ده اول مشاركه ليه فى هذا المنتدى الجميل والمحترم الذى يجمع اهل الخبره
فرجاء افيدونى فى هذه الاختيارات من حيث القوه فى الاداء والثبات والنعومه واستهلاك البنزين
اعمل بمجال الديكور والمقاولات وبيفرق معى كل ماسبق لكترة التنقلات بين المواقع والسفر والمسافات الطويله واستقريت ان شاء الله على احد هذه الاختيارات التى ستحسمونها بخبرتكم

شيفروليه اوبترا 2005 - 2006

اوبل استرا 2005 -2006

شيفروليه افيو 2005 -2006

رينو ميجان 2006

ارجو الافاده ضرورى جدا وشكرا

:u_thin1[1]::u_thin1[1]::u_thin1[1]:

---

خليك في الشعبي
والعملي
وللسفر يبقي
=
اوبتراااااااااااااااااااا اااااااااااااااااااااا

رايى الاوبترا عشان قطع غيارها مش غاليه ثانيا عربيه واسعه وبعيده عن تعقيد الالمانى اللى هى الاسترا والفرنساوى اللى هى الميجان

بسم الله
الاول نخرج الافيو من المقارنة دي لانها اصلا مش عربية
ثانيا من منطلق الثبات و التسارع و الامان نقدر برده نستبعد الاوبترا من الحسبة الا لو صاحب الموضوع الكريم شايف ان الانتشار النسبي لقطع الغيار و قدم التكنولوجيا و بالتالي سهولة الصيانة يمكن ان تغني عن اشياء اخرى في نظري اهم زي الثبات و التسارع و توافر عوامل الامان و قوة التحمل و غيرها و بكده يبقى حيختار الاوبترا تماشيا مع المزاج المصري العام في الشراء و ليس لانها الافضل
ثالثا لو استبعدنا الاوبترا حيبقى قدامك خيارين الاختيار بينهم صعب جدا
باختيارك للميجان حتاخد اداء اقوى,تسارع احسن؛ شكل اجمل؛ صالون اوسع و امان و اوبشن اعلى مع التكييف ااتتش و حساسات الاضاءة و المطر في مقابل زيادة اكتر في المصاريف و مشاكل اكثر في دوائر الكهرباء و تواجد نسبي اكثر عند ميكانيكي و كهربائي لازم يكونوا بيفهموا فيها
باختيارك للاسترا ختاخد فخامة المقصورة الداخلية عن الميجان و اعتمادية اعلى مع اداء مقنع و مرضي و مريح و ثبات و امان يقترب كقيرا من الميجان (الميجان اعلى بس بعدد الايرباج و اكثر في الثبات بسبب العفشة الملتي لينك)
لو القرار ده بتاعي انا كنت حاختار الميجان و بلا تردد عاشان مميزاتها الاكثر مقابل القيمة السعرية
لو حضرتك مرتبط بكمية فلوس مل ينفعش تزيد عنها حيبقى افضل اختيار هو الاوبل استرا (حلوة و جميلة و مرضية و مريحة و اعطالها قليلة علشان برده ما نبقاش زعلنا المزاج المصري العام في الشراء مننا احسن ياخد على خاطره)
لو الميزانية يمكن تزيد شوية بص على البيجو 307 او الفورد فوكس 2006 لان الاتنين دول احسن من كل الاختيارات اللي حضرتك طرحتها في كل شيء تقريبا