تحويل ماتريكس من مانيوال لاوتوماتيك

**MITSUKERO** · 31-03-2013 03:52 PM

المشاركة الأصلية كتبت بواسطة haysam2000

معلش بس مع احترامى هى الماتريكس دى موديل كام ؟؟
ليه السؤال ده ؟ علشان انا معايا فيرنا اتوماتيك 2004 و الفتيش مش كهرباء على قد علمى هو واير (لغايه 2007 انا متاكد)
لآن الفتيس الكهرباء يستحيل تحركه الا لما تدور العربيه و انا بوديه كل النقلات من غير حتى ما امسك فرامل و العلم عند الله
اسال برضه و لو كان يبقى فى فتى برضه و لو طلعت غلط يبقى انا هتعلم من المعلومه اللى هتقولها و اهو نفيد بعض

تقريبا 2007 او 2008 مش متأكد بس اظن 2007

العربية مانيوال الميكانيكي اللي كلمته قالي ان الماتريكس فتيسها كهربة كلها مش من موديل معين

**haysam2000** · 03-04-2013 10:47 PM

على اد معلوماتى الفتيس الكهرباء ميتحركش من مكانه الا لو العربيه دايرة زى الميجان مثلا انما انا عندى بيتحرك عادى حتى لو مفيش مفتاح فى الكونتاك
و المفروض برضه ان الفتيس بتاع الفيرنا الأتوماتيك و الألنترا 2006 و الجيتز 2006 و الماتريكس لحد 2007 تقريبا
كلهم نفس الفتيس و الموتور
حاول تسال ميكانيكى تانى على موضوع الفتيس الكهرباء ده

**ahmed_su** · 04-04-2013 01:35 AM

الرأى ما قاله الرجالة ...

وكون ان اللى هيعمل العربية شغال فى التوكيل لا يعنى انه جهبز

اغلبهم حافظ مش فاهم وكده كده هيقبض منك طلعت حلوة طلعت وحشة

انت هتبهدل العربية لا منها فضلت بحالتها و لا وصلت للى انت عايزه

صرف وبهدلة ونتيجة غير مضومنة و سعر اعادة بيع فى الضياع

**blazer** · 04-04-2013 10:14 PM

بيع واوعى تعمل حاجه هتعيب العربيه فى عمليه بيعها ,, انت ممكن تشترى كارينز اوتو او اى عربيه فى نفس رينج السعر او ازيد شويه
ومحمد عبده الميكانيكى انا لى ولكثير من اعضاء منتدى دايو تجارب منيله بستين نيله معاه ومنصحكش بيه نهائى

**MITSUKERO** · 21-04-2013 03:26 PM

انا اقنعت خالي انه يا يبيعها يا يخليها وي ما هي انما تعديل بالمنظر ده لا لانه فعلا خطر و غير مضمون

و بجد شكرا لكل الناس اللي قالت رأيها و ده عشمي فيكم