تحويل ماتريكس من مانيوال لاوتوماتيك

**MITSUKERO** · 30-03-2013 09:24 AM

السلام عليكم

انا جي ضيف سريع علي منتدي هيونداي و اتمني انكم تساعدوني

اول حاجة هي عربية خالي و العربية موديل 2007 و عاملة 14 الف كيلو فقط لانها مرفوعة

الطلب :

خالي طلب مني اني احولها له لاوتوماتيك لانه كان جيابها مانيوال و طبعا الزحمة الفظيعة اللي في مصر كرهته في العربية

انا كلمت محمد عبده الميكانيكي الشهير في منتدي دايو لانه شغال في توكيل الكويت و البلاد العربية و طبعا التوكيل فيه هيونداي و كيا و دايو و شيفولية فهو عارف في كل المركات دي و قال ليا التالي :
================================================== ========
الفتيس كهرباء
لازم نغير الضفيرة و الكنترول
و الماتريكس الخليجي تختلف عن الماتريكس المصري و لازم نلاقي نص عربية مصري نشيل منه و نركب علي طول بدل ما نخلف في اي حاجة و العربية تتبهدل لانها لسه جديدة و حرام.
================================================== =======

انا اعرف ان الريادياتير لازم يتغير و العدادات و الدوسات و عصاية الفتيس طبعا و طبة قفل مكان الدبرياج

السؤال هنا بقي : حد عمل الموضوع ده قبل كده ؟

طيب هل فيه اختلافات جوهرية بين الاتنين ؟

ممكن حد يكلملي مهندس في التوكيل يكون عارف هل فيه فرق في الشاسية بين المانيوال و الاوتوماتيك زي الانوس ما فيها فرق و بتحتاج فلنشة حديد علي فردة الشاسية ؟
و هل فيه فروق تانية تخلي الموضوع مستحيل ؟

هل فتيس الماتريكس الاوتوماتيك كويس ؟
انا خالي التاني معاه برضة ماتريكس بس اوتوماتيك بس للاسف مكملتشي معاه كتير و ماشية 10 الاف كيلو فقط فمش قادر احكم علي عمر الفتيس

انا عارف ان اسألتي في التفاصيل اوي بس الفكرة اني خايف شوية لانها مش عربيتي و مسؤلية عليا اني اخد خطوة تعديل زي دي منغير ما اعرف اغلب التفاصيل و خصوصا ان خالي هيديني العربية و يسيبهالي اعمل كل حاجة و بعدين ارجعهاله تاني يعني من الاخر المسؤلية كاملة عليا من ال الف الي الياء.

منتظر الردود الكريمة من اعضاء هيونداي الكرام و شكرا ليكم مقدما و بأذن الله لو الموضوع كمل انزل ليكم تقرير مفصل بالصور عن الموضوع و تكلفته

اخوكم : م. كريم فتحي

**khaabas** · 30-03-2013 09:37 AM

هو الموضوع اتعمل فى الفيرنا مليووووون مرة لكن فى الماتريكس مشوفتوش
ولو عاوز الرأى الصحيح بلاش بيع العربية وهات حاجة اتوماتيك احسن كتير بدل من النظام ده لانها عمرها مع هتظبط مع عك الصنايعية

**ahmed1981** · 30-03-2013 10:21 AM

الأفضل تبيع العربية وتشتري واحدة أوتوماتيك

التكلفة كبيرة وفي النهاية هتعيب العربية

حتى لو إتظبطت
لما تيجي تبيعها هتقول إيه
كانت فتيس عادى وحولناها أوتوماتيك
محدش هيشتريها
واللي هيشتريها هيخسف بيها عشان يقبل الفبركة

دا لو إتظبطت
لكن لو ما إتظبطتش وده إحتمال كبير هتبقى عايز ترميها

يبقى بلاش أحسن
-
-
-

**haissam24h** · 30-03-2013 10:38 AM

الاحسن بيع العربيه والفرق الى انته هتحطه فى الفتيس والهرى بتاع الصنايعيه
كمل بيه وهات اتوماتيك وخصوصا ان العربيه هتعمل سعر كويس قوى لانها تعتبر حاله شاذه 14 الف كليو وان شاء الله

هتلاقى عربيات كثير اتوماتيك ولو هو عاوز يغير خليه يركب اوبل او تيوتا اوتو
ولو حابب الماتريكس يبقى يركبها خليجى هتعمل فى حدود 80الف

**haissam24h** · 30-03-2013 10:39 AM

الاحسن بيع العربيه والفرق الى انته هتحطه فى الفتيس والهرى بتاع الصنايعيه
كمل بيه وهات اتوماتيك وخصوصا ان العربيه هتعمل سعر كويس قوى لانها تعتبر حاله شاذه 14 الف كليو وان شاء الله

هتلاقى عربيات كثير اتوماتيك ولو هو عاوز يغير خليه يركب اوبل او تيوتا اوتو
ولو حابب الماتريكس يبقى يركبها خليجى هتعمل فى حدود 80الف

**Land_Cruiser** · 30-03-2013 10:50 AM

المشاركة الأصلية كتبت بواسطة khaabas

هو الموضوع اتعمل فى الفيرنا مليووووون مرة لكن فى الماتريكس مشوفتوش
ولو عاوز الرأى الصحيح بلاش بيع العربية وهات حاجة اتوماتيك احسن كتير بدل من النظام ده لانها عمرها مع هتظبط مع عك الصنايعية

+111
عمليا بيعها و اشتري واحده زيها او أحدث منها بس اتوماتيك و ممكن يبقي حظك حلو و تبقي ماشيه كيلومتر اقل و ما اعتقدش الفرق هيبقي مبلغ كبير لان العربيه أتوقف إنتاجها من كذا سنه و بفرق السعر اللي هتدفعه هتاخد بيه عربيه اتوماتيك اصلا موديل أحدث او ماشيه كيلومتر اقل بدل ما هتصرف علي عربيتك مبلغ في التحويل و في الاغلب هتلاقي فيها مشاكل بعد كده

**hamaka** · 30-03-2013 10:53 AM

بالنسبة للماتريكس الأوتوماتيك هى مع زوج أختى و عاملة 140000 و ساحلها و مش بتقول لأ ، موضوع التحويل بقا أنا من رأى الرجالة انه مجازفة بلا داعى خصوصاً انك ممكن تلاقى حاجة أوتو حالتها محترمة جداً ، اه مش هتبقى عاملة 14000 بس ، لكن هتبقى حالة ممتازة و هتلاقى التكلفة فى الاخر واحد بس اترحمت من الهبل بتاع الصنايعية اللى معظمهم بيفتوا و خلاص

**mody_elmasry** · 30-03-2013 11:35 AM

بيع العربيه يا باشا وهتلك حته 28 سنتر وانذار والذي منه ومقولكش بقي علي ال28 في الزحمه ...اسد
ههههههههههههههههههههههههه هههه

انا بهزر معاك القول الصواب ما قاله رجالتنا وهو الصح بعينه

**MITSUKERO** · 30-03-2013 11:58 AM

شكرا لكل الناس اللي شاركتني في الموضوع

هو المشكلة ان خالي صعبان عليه العربية لانه شاريها زيرو و محافظ عليها جدا بس فعلا فكرة البيع و انه يشتري واحدة اوتوماتيك اظن انها افضل بشرط انه يلاقي حاجة ماشية مثلا 30 الف كيلو و ده صعب

خلينا في الموضوع للأخر و علي افتراض اني معايا صنايعي كويس و شغال في التوكيل فبالتالي حتة فتي الصنايعين مش موجودة قوي الفكرة كلها في الموضوع لو ينفع ما نعملة مش هنخسر حاجة هنشيل و نركب وخلاص مش هتاخد يوم شغل او اقل

منتظر باقي المشاركات و يسلام لو حد يكلم مهندس من التوكيل يبقي عمل فيا جميلة

شكرا ليكم مرة تانية

**haysam2000** · 30-03-2013 08:39 PM

معلش بس مع احترامى هى الماتريكس دى موديل كام ؟؟
ليه السؤال ده ؟ علشان انا معايا فيرنا اتوماتيك 2004 و الفتيش مش كهرباء على قد علمى هو واير (لغايه 2007 انا متاكد)
لآن الفتيس الكهرباء يستحيل تحركه الا لما تدور العربيه و انا بوديه كل النقلات من غير حتى ما امسك فرامل و العلم عند الله
اسال برضه و لو كان يبقى فى فتى برضه و لو طلعت غلط يبقى انا هتعلم من المعلومه اللى هتقولها و اهو نفيد بعض

الموضوع: تحويل ماتريكس من مانيوال لاوتوماتيك

LinkBack

أدوات الموضوع

عرض

تحويل ماتريكس من مانيوال لاوتوماتيك - انشر الموضوع فى :

-

-

-

المواضيع المتشابهه

تحويل ما فتيس مانيوال لاوتوماتيك ل a5

تحويل فيفيا من مانيوال لاوتوماتيك

تحويل زجاج السيارة من يدوى لاوتوماتيك (فيديو)

هل يمكن تحويل الاسكورت لاوتوماتيك

تحويل البرايد لاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة