محتاج باركنج سنسور صوت فقط بدون شاشه

السلام عليكم يا رجاله
انا بادور علي باركنج سنسور ماركه كويسه و يكون بيزمر فقط لو قربت من اي عائق و مش محتاج شاشه فيا ريت لو حد يعرف محل بيبيعه يقوللي عليه لأني سألت في شارع دمشق و كل اللي موجود العادي اللي بشاشه و دي مع الاسف كل شويه بتبوظ بالاضافه الي انها بتبقي واخده مكان علي الفاضي و لذلك انا عايز باركنج سنسور يكون صوت فقط

مافيش غير ابو شاشة للأسف...انا استنيت لما الشاشة باظت وبعدين حاطيتها تحت التابلوة تزمر بس Buzzer بس

شكرا علي مرورك الكريم. فعلا كلها بتبوظ بعد فتره و علشان كده بادور علي واحد بدون شاشه. عموما حضرتك خليك متابع معايا يمكن ربنا يكرمنا و حد يقولنا لو كان شافها عند حد

لو المشكله بس ان حضرتك خايف ان الشاشه تبوظ انصحك بالسنسور ده و كفاية انه شغال معايا بقاله اكتر من سنه من غير اى اعطال الحمد لله
تجربتى مع SPY Sensor Wireless ‏

غالبا مفيش لان ال buzzer بيكون built in في الشاشه ده
و عموما الانواع الكويسه مفيش منها قلق

اقتباس:

---

المشاركة الأصلية كتبت بواسطة midooo_119

لو المشكله بس ان حضرتك خايف ان الشاشه تبوظ انصحك بالسنسور ده و كفاية انه شغال معايا بقاله اكتر من سنه من غير اى اعطال الحمد لله
تجربتى مع SPY Sensor Wireless ‏

---

انا مع الأسف كان عندي موديل قبل ده من spy ومع الاسف ال pixels اتحرقت بعد ٤ او ٥ شهور من الاستخدام

اقتباس:

---

المشاركة الأصلية كتبت بواسطة horas3000

غالبا مفيش لان ال buzzer بيكون built in في الشاشه ده
و عموما الانواع الكويسه مفيش منها قلق

---

شكرًا علي مرور حضرتك ياريت حضرتك تقوللي علي الأنواع الكويسه دي. علي فكره هو موجود بره علشان كده انا بسأل

بص يا باشا هو كله صيني
و الانواع الكويسة و اللي بتعيش بتعمل في حدود ال 600 جنيه
اقل من كده بتبقي كواليتي اقل
و حاول تجيبها من محلات مشهورة احسن

متابع ...............

بدور علي نفس الحاجة.... للرفع

انا مركبه عندي من سنة ونص اللي هو بينزل بلون العربية والشاشة مخبيها تحت الدريسكيون في مكان مستخبي علشان مبحبش أي حاجة زيادة علي التابلوه وشغال كويس مفيهوش مشاكل بس مش عارف الشاشة شغالة ولا لأ ع
بس صوتها طالع الحمد لله وده المهم بالنسبة ليا

اقتباس:

---

المشاركة الأصلية كتبت بواسطة eng.mina

انا مركبه عندي من سنة ونص اللي هو بينزل بلون العربية والشاشة مخبيها تحت الدريسكيون في مكان مستخبي علشان مبحبش أي حاجة زيادة علي التابلوه وشغال كويس مفيهوش مشاكل بس مش عارف الشاشة شغالة ولا لأ ع
بس صوتها طالع الحمد لله وده المهم بالنسبة ليا

---

ده حل كويس .....................الله ينور .

اقتباس:

---

المشاركة الأصلية كتبت بواسطة eng.mina

انا مركبه عندي من سنة ونص اللي هو بينزل بلون العربية والشاشة مخبيها تحت الدريسكيون في مكان مستخبي علشان مبحبش أي حاجة زيادة علي التابلوه وشغال كويس مفيهوش مشاكل بس مش عارف الشاشة شغالة ولا لأ ع
بس صوتها طالع الحمد لله وده المهم بالنسبة ليا

---

نوعة ايه اللي عند حضرتك و جيبو منين و بكام

اقتباس:

---

المشاركة الأصلية كتبت بواسطة MIVEC.A92

نوعة ايه اللي عند حضرتك و جيبو منين و بكام

---

أسف للتأخير لسه شايف رد حضرتك حالا انا حاليا مش معايا العلبة بتاعته بس هو طبعا صيني ويعتبر مجهول الهوية بس شغال كويس و الحمد لله محصلش مشاكل منه وبالنسبة لسعره كان في حدود الـ 200 جنيه وده لينك لباركنج سينسور زيه بالظبط وحتي نفس الشاشة وعموما حضرتك حاتلاقيه متوفر في التوفيقية
Car Parking sensor 4 recess mounting sensor with 3 digit color LED, View Car Parking sensor, IOKONE Product Details from Shenzhen A-Smart Technology Inc on Alibaba.com
بالتوفيق

اقتباس:

---

المشاركة الأصلية كتبت بواسطة Land_Cruiser

انا مع الأسف كان عندي موديل قبل ده من spy ومع الاسف ال pixels اتحرقت بعد ٤ او ٥ شهور من الاستخدام

شغال بقاله سنه و نص و زى ماشفت فالفيديو كل ماجيب مارشديل الشاشه تفتح و تقفل تانى و لا اشتكى و لا عطل اكيد انت جيبت نوع قديم

---