| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 32

  1. #1

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    افتراضي ازاى تغير المساعدين الخلفية بنفسك (ابيزا - بولو - فيليشيا......) بالصور - Facebook Twitter whatsapp انشر الموضوع فى :

    hasad">

    السلام عليكم ورحمة الله

    قبل اى احاجة انا بعتذر عن تغيبى اليومين اللى فاتوا عن المنتدى وذلك لشوية تغيرات فى عملى بس حبيت لما ارجعلكم ارجع بموضوع كده على الماشى لعل الكل يستفيد

    الموضوع طبعا زى ماهو واضح فى العنوان (ازاى تغير المساعدين الخلفية بنفسك) وانا كاتب اسماء 3 عربيات مش عشان انا غيرت ال 3, لأ , عشان انا عربيتى ابيزا وطريقة التركيب مشتركة بين عربيات كتير خصوصا البولو والفليشيا مع اختلاف ان مساعدين الفيليشيا اطول شوية

    طيب ليه اساسا بنحتاج نغيرالمساعدين؟؟؟؟
    بنغير المساعدين فى حالتين:

    1- المساعد خفيف: وده هتحسه فى مطبات الهوا هتلاقى العربية بتتمرجح لفوق ولتحت بشكل ملحوظ يصعب السيطرة عليها فى السرعات العالية
    وتقدر تتأكد اكتر لو سندت ايدك على رفرف من الرفارف وهزيت العربية لفوق ولتحت بقيمة 10 كيلوجرام تقريبا ولقيتها بتتحرك بسهولة وجايز كمان بعد ماتشيل ايدك تلاقيها لسه بتتحرك وساعتها يبقى المساعد ده مسافر ومش راجع تانى

    2- المساعد محجر(ناشف): وده هيبان معاك فى الملفات والغرز هتحس ان العربية بتمشى بالعرض وصوت تهبييييد فى الفخدة
    ونقدر نتأكد من تحجير المساعد عن طريق نفس الاختبار اللى فات بس ساعتها العربية هتتهز بصعوبة جدا

    نرجع لموضوعنا الاساسى
    المشكلة عندى انى كنت حاسس لما باخد غرزة ضيقة على سرعة عالية شوية اوبدخل ملف على العاصى ان العربية مش ماسكة فى الارض رغم انى مجنط 16 والكاوتش جديد وطبعا ثبات الابيزا المعروف او الاوروبى عموما وكمان كنت بسمع تهبيد لما بعدى على ارض فيها كلاكيع اسفلت اللى بتكون دايما قبل المطبات الصنايعية بسبب فرملة العربيات عليها بشكل متكرر
    وبصراحة انا كنت عارف من قبل كده ان المساعدين محجرة وكان الميكانيكى قايللى لازم يتغيروا وانا كنت مطنش وافتكرت ان الموضوع هيتحل لما هغير الجنوط والكاوتش لكن فى الحقيقة الموضوع بان اكتر خصوصا لما غيرت العفشة الامامية بالكامل فى موضوعى http://www.nilemotors.net/Nile/341077-98.html

    نزلت على الراجل بتاع الاستيراد وقولتلوا عايز جوز مساعدين خلفى ابيزا 98, سألنى معاك عفشجى, قولتلوا لأ انا اللى هركبهم بنفسى, قاللى طيب نقى اللى انت عايزه
    كان فيه مساعدين مكتوب عليهم 6k وفيه 6n بخط كبير شوية ودوول تعرف على طول انهم مساعدين الفبريكة بتوع الابيزا لو 6k وبتوع البولو لو 6n ودوول بيكونوا زيت
    طلعتهم على جنب ودورت تانى لقيت مساعد مكتوب عليه Monroe و 6n (بتاع بولو 90ـــات) والمونرو ديه طبعا ماركة مشهورة جدا فى عالم المساعدين واليايات ومحترمة جدا وفى مصر غبور هو اللى واخد توكيلها وكنت سائل قبل كده عندهم على جوز مساعدين امامى بدون يايات كانوا عاملين حوالى 800 جنيه والخلفى ارخص شوية
    طبعا كنت مبسوط انى لقيت مساعد زى ده استيراد بس المهم فى الموضوع لما تشترى مساعدين استيراد (او اى جزء فى العفشة هتشتريه للجانبين استيراد) انك تحاول تجيبهم اخوات, يعنى يكونوا طالعين من نفس العربية عشان تضمن انهم يكونوا نفس العمر (الموضوع مش سهل ومفيهوش شطارة بس هى حظوظ)
    طيب نعرف ازاى انهم اخوات (وبرده مش اكيد 100%)؟؟؟؟ بص الافتكاسات بقى:
    فيه علامات ظاهرية وفيه علامات داخلية
    العلامات الظاهرية زى الكاوتشات العلوية والجلب يكونوا تقريبا فيهم نسبة التأكل زى بعض فى ال 2 المساعدين وطبعا الكتابة تكون متطابقة
    العلامات الداخلية وهى مقدار مقاومة المساعد للضغط, يعنى ايه مش فاهم؟؟!!
    يعنى وقف المساعد بين رجليك واضغط عليه بكلوة ايديك الاتنين بضغطات متتابعة ولاحظ مقدار مسافة نزول المساعد وقيمة مقاومته للضغط

    المهم فضلت ادور على فردة المساعد المونرو التانية لحد ما لقيتها وتأكدت ان مفيش مساعدين مونرو تانى وتأكدت اكتر انهم اخوات لما عملت اختبار الضغط ولقيت نفس مقدار المقاومة فى الجوز مساعدين زى بعض

    كان فيه طقمين تانيين كنت مطلعهم قبل المونرو عشان اختار بينهم وعملتلهم الاختبارات ولقيت طقم بينزل ويطلع كويس والطقم التانى مش بيتحرك مللى وعرفت ان ده محجر
    لكن المونرو كان بين البينين

    ودوول شكلهم





    الموضوع سهل جدا
    الادوات المستخدمة:
    كوريك
    مفتاح اطارات
    مفتاح 17 بناحية (يفضل بيبة عشان التقريط)

    الطريقة:
    1- ارفع العربية بالكوريك من الجنب اللى هتغير فيه المساعد وفك العجلة
    2- فك (من غير ما تشيل) المسمار اللى ماسك المساعد بالدنجل (مسمار 17 بصمولة)


    3- هنفتح الشنطة ونبص على الفخدة (البطيخة) هنلاقى كاوتشة بتركب كبس ودى عشان تحمى الصماويل من التراب


    4- هنلاقى صامولة هنفكها وهنلاقى تحتها طبق هنشيله


    5- هنلاقى صامولة تانية هنفكها وهنلاقى تحتيها طبق صغير هنشيله وهنلاقى تحتيه كاوتشة زى البطاحة برده هنشيلها وهنلاقى تحتيه طبق تانى اصغر وده بقى هنشيله برده

    طبعا كله اتلخبط على بعضه ومبقناش عارفين مين قبل مين (يادى الحوسة)
    عشان متتلغبطش اعمل كده


    6- ننزل تحت تانى ونخلع المسمار اللى ماسك فى الدنجل (فاكره ولا نسيته؟؟) شكلك نسيته

    المفروض المساعد يطلع من العربية بالشكل ده


    لو طلع من غير الكاوتشة اللى فوق يبقى اعرف ان الكاوتشة محشورة ودخل ايدك وطلعها


    ودى شكل المساعدين بتوعى بعد ما طلعوا من العربية واكتشفت انهم بتوع الفابريكة
    ياريت تلاحظوا مقدار الاعوجاج اللى فى اليايات


    وعشان نركب المساعد الجديد هنعكس الخطوات السابقة من 6 الى 1 بالترتيب
    خلى بالك: المساعد الاستيراد بيجى كده (كل حاجة راكبة على بعضها)

    يعنى لازم الاول تفككه زى ما فكيت المساعد من العربية

    النتيجة بعد التركيب:
    الحمد لله احسن
    العربية ماسكة نفسها فى مطبات الهواء والملفات والغرز والفرق ملحوظ

    متنساش بعد يومين كده بعد ماتكون مشيت بيها وناس ركبت معاك واحمال, تقرط تانى على المسامير عشان تكون الكاوتشة خدت وضعها

    نسيت اقول ان جوز مساعدين بولو مونرو بــ200 جنيه (عشان الناس اللى بتقول الالمانى قطع غياره غالية)

    وشكرا

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc


  2. #2

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    افتراضي -

    مشكور علي التقرير

    بس المفروض المساعدين والحاجات المستهلكله دي بلاش استيراد

    Mohamed Samir

    '


  3. #3

    الصورة الرمزية AhMeD MeTwAlY

    رقم العضوية : 79261

    تاريخ التسجيل : 02Sep2010

    المشاركات : 3,449

    النوع : ذكر

    الاقامة : kSA

    السيارة: No cars

    السيارة[2]: No cars

    دراجة بخارية: ................

    الحالة : AhMeD MeTwAlY غير متواجد حالياً

    افتراضي -

    بجد انت استاذ ورئيس قسم
    وفعلا بلاش الحجات الي فيها استهلاك تكون استيراد
    الاسيتراد دا نخليه في جسم العربيه
    تشتري فرش باب او كنصوله طبلوه اي حاجه مش مستهلكه باستمرار


  4. #4

    الصورة الرمزية Ahmed pico

    رقم العضوية : 132167

    تاريخ التسجيل : 11Dec2012

    المشاركات : 222

    النوع : ذكر

    الاقامة : shoubra

    السيارة: opel corsa sedan 2006

    السيارة[2]: vw polo 6n 1.3 96

    الحالة : Ahmed pico غير متواجد حالياً

    افتراضي -

    تسلم يا كيمو موضوع ممتاز والله يبركلك فيهم ويفضلوا سلام على طول ان شاء الله


  5. #5

    الصورة الرمزية hossamalsadik

    رقم العضوية : 130446

    تاريخ التسجيل : 20Oct2012

    المشاركات : 3,423

    النوع : ذكر

    الاقامة : cairo

    السيارة: Ibiza Or Golf

    السيارة[2]: Ibiza 2000

    الحالة : hossamalsadik غير متواجد حالياً

    افتراضي -

    أنا حسيت أنى بقرأ قصه طريقة السرد ذى القصص
    بس سيبك موضوع جميل تسلم أيدك

    ماشاء الله كان وما لم يشأ لم يكن
    SEAT IBIZA 2000 MK3 (6k2)ALD Engine 1.0 8v MPI


  6. #6

    الصورة الرمزية المنسي

    رقم العضوية : 81989

    تاريخ التسجيل : 05Oct2010

    المشاركات : 3,826

    النوع : ذكر

    الاقامة : 7adayek el ahram

    السيارة: ----------------------

    السيارة[2]: ----------------------

    دراجة بخارية: لا

    الحالة : المنسي غير متواجد حالياً

    افتراضي -

    الف مبروك جوز المساعدين بس بصراحة صعب ان الواحد يروح يشتريهم استيراد لوحده ... ربنا يبارك لك فى عربيتك وصحيح عملت ايه فى موضوع الشكمان؟؟

    [img2]http://nileup.com/up/uploads/nilemotors_13649876441.jpg[/img2]


  7. #7

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    تسلم ايدك يا كريم
    مبروك عليك المساعدين الجداد

    مين قال غالية ؟؟

    مبروك عليك انضمامك للورشة - وعمل الصيانات بنفسك

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  8. #8

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    ماتنساش يا كيمو تكتب تجربتك

    http://www.nilemotors.net/Nile/341028-a.html

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  9. #9

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    مبروك يا كيمو و تعيش و تدوبهم ان شاء الله
    شرح ممتاز و سهل و أحييك علي جودة التصوير و الترتيب

    م / إيهاب منصور
    SEAT CORDOBA 2002 1.0 16V AVZ


  10. #10

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة pro_samir مشاهدة المشاركة
    مشكور علي التقرير

    بس المفروض المساعدين والحاجات المستهلكله دي بلاش استيراد
    اقتباس المشاركة الأصلية كتبت بواسطة ahmed metwaly مشاهدة المشاركة
    بجد انت استاذ ورئيس قسم
    وفعلا بلاش الحجات الي فيها استهلاك تكون استيراد
    الاسيتراد دا نخليه في جسم العربيه
    تشتري فرش باب او كنصوله طبلوه اي حاجه مش مستهلكه باستمرار
    شكرا ليكم
    بالنسبة لموضوع الاستيراد: الموضوع حالة وخامة, لأن الجديد بقى فيه منه كتير مغشوش + ان فيه فرق سعر كبير بين الجديد والاستيراد
    يعنى هتدفع فلوس كتير وكمان الخامات مش اللى هى
    لكن الاستيراد انت ضامن انه حاجة اصلى حتى لو مستهلكة شوية بس كلنا عارفين العمر الافتراضى للقطعة الفبريكة بيكون بالسنين + سعر أقل

    طبعا المساعدين الجداد ليهم طعم تانى عن الاستيراد بس فرق سعر 3 اضعاف وكله بياخد وقته

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. انا محتار بين الكاميرا الخلفية و الحساسات الخلفية؟؟!!
    بواسطة aymanshebl في المنتدى كــماليــات السيـــارات و الإكسسوارات
    مشاركات: 26
    آخر مشاركة: 17-02-2014, 11:48 PM
  2. مشاركات: 14
    آخر مشاركة: 01-01-2013, 11:27 PM
  3. تجربتي لتغيير المساعدين الخلفية و البارات ل e46 M43 بالصور
    بواسطة novo في المنتدى بـى إم دابـــليو
    مشاركات: 4
    آخر مشاركة: 06-07-2012, 04:15 AM
  4. مشاركات: 33
    آخر مشاركة: 14-09-2010, 04:48 AM
  5. غيير شكل الجنوط بنفسك...ادخل وشوف بنفسك...وقول رأيك ؟
    بواسطة ahmednabeel في المنتدى كــماليــات السيـــارات و الإكسسوارات
    مشاركات: 34
    آخر مشاركة: 21-03-2009, 12:21 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2