-
الحرارة جين تو 2207
السلام عليكم
العربية بتعمل حاجه غريبه قوي
الامبير بتاع الحرارة بيعلى لما امشي على الول والتاني لفترة .....في الزحمة يعني وكده
لكن اول ما اجري ينزل للمعدل الطبيعي
وساعات ينزل لوحده
بيطلع لحد الشرطه اللي بعد ال 90
ومبيتحركش من مكانه طوا مانا واقف عادي بيبقى قبل التسعين عادي
انا كبست دورة الرداتير و غيرت غطاء الردياتير و اتاكدت ان مفيش تسريب من اي حته
ومفيش فايده برضه
مع العلم اني كنت شايل السينسور بتاع الميه من قبل كده
في حد ممكن يفيدني عشان انا خلاص هتجنن وعمال ادفع فلوس عالفاضي !?
-
انت طلعت التوكيل او مركز خدمه معتمد ؟ ومحلوش المشكلة او قالولك السبب ؟
لو الاجابة لاء مروحتش يبقى براحتك ادفع فلوس زى مانت عايز
عموما فى اعتقادى الشخصى ان دى طرمبة مية بسبة 90 %
-
احتمال
احتمال يكود شداد السير سايب شويه وده ممكن يخللي السير موش مشدود كويس وبالتالي طلمبه الميه بطيئه والله اعلم
-
بص لو مفيش تسريب خارجى ممكن يكون تسريب داخلى ..لاحظ الميه بتنقص ولا لا ...بص الصبح تحت العربيه لو لقيت اثار ميه ..ممكن يكون فى تسريب من طبه مايه خلفيه فى الماتور مش من الرداتير نفسو .....اتاكد ان المروحه بتشتغل ...لو كل ده تمام يبقى احتمال كبير طلمبة المايه مش بتقلب....خلى العربيه تبرد ..تبرد تماما نهائيا وبعدين افتح غطى الرداتير وخلى حد يدوس بنزين لو لقيت الميه بتجرى من الشمال لليمين يبقى الطلمه شغاله لو لقيت المياه بتتهز فى مكانها من حركة الموتور بس مش بتجرى يبقى الطلمبه بايزه على طووول ....بس هى العربيه عملا كام كيلو ؟؟؟ ومتمشيش بيها وعداد الهرارة معدى ال90 ابدا ...حتى لو فى نص الشارع بطل العربيه لحد متبرد .... وخلى ديما معاك مايه احطياتى فى العربيه .... وابقى طمنا
-
أغسل الردياتير من الخارج وأكشف على طلمبة المياه أو غيرها وريح نفسك
-
متشكر جداً على كل الاجابات دي
إقبال غير مسبوق على بوستاتي :d
أنا حليت المشكلة الحمد لله
المشكلة كانت في تسريب ضعييييييييييييف قوي في ماسورة واحده الردياتير وكان في كمان شرخ في العلبة الفيبر اللي فوق الرديادير اللي بيتربط فيها مسامير الديادير
على العموم :
لحمنا الماسورة وركبنا غطا فيبر
الغطا بتاعها مكانش بيتباع لوحده فجيبنا بتاع الميتسوبيشي وركب أخر تمام
على فكرة أنا رحت مركز صيانة معتمد بس اللي ملاحظة ان الناس دي أسهل حاجه عندها أرمي واشتري جديد
يعني مشكلة زي دي أنا حلتها ب 200 جنيه كانوا هيدفعوني 700 ولا 800 جنيه
مره تانيه شكراً لكل التعليقات واللي عنده أي استفسار أنا تحت أمره :)
-
Content Relevant URLs by
vBSEO 3.6.0 PL2