غلق مطار القاهرة 4 ساعات يوميا في الصيف القادم لتوفير الطاقة

**Curbis** · 30-03-2013 04:10 PM

وزير الطيران: غلق مطار القاهرة 4 ساعات يوميا في الصيف القادم لتوفير الطاقة

أعلن المهندس وائل المعداوى، وزير الطيران المدنى، أنه سيتم غلق مطار القاهرة الدولى أمام حركة الطيران فى الفترة من الساعة الواحدة والنصف ولمدة 4 ساعات يوميا لتوفير الطاقة مع فتح ممر واحد فى المطار الجديد لاستقبال الطائرات التى تصل فى هذه الأوقات.

وقال المعداوى- فى لقاء بمحررى الطيران اليوم السبت- إن هذا القرار من المنتظر أن يبدأ العمل به أول شهر يونيو القادم وسيتم ابلاغ شركات الطيران به قبل تطبيقه بشهر ونصف على الأقل .

وأكد الوزير أن القرار جاء بعد دراسة مستفيضة فى ضوء حجم التشغيل الذى شهد انحسارا شديدا فى العامين الماضيين وأوضحت أن عدد الطائرات التى تصل المطار فى هذه الفترة تصل إلى 27 طائرة تبلغ تكلفة استقبالها خمسة أضعاف ما يتم تحصيله منها ، كما أننا مقبلون على أزمة طاقة لا يستهان بها فى فصل الصيف القادم ولابد من التعامل معها بفكر مسئول من جانب جميع قطاعات الدولة.

وأوضح أن مطار القاهرة لا يتأثر بانقطاع التيار الكهربائى لوجود محطات توليد بديلة ولكن الهدف هو توفير الطاقة ، مشيرا إلى أن إنارة كيلومترين فى ممر الاقلاع والهبوط يكفى لإنارة 20 كيلومترا فى الطرق .

وأشار الى أن هذه الخطوة مطبقة فى جميع دول العالم تقريبا وتهدف فى المقام الأول الى توفير الطاقة ، كما أنها تأتى فى المطارات التى توجد فى المناطق الحضرية بهدف راحة السكان فيها، مشيرا إلى أن الممر الذى يتواجد موازيا لمنطقة النزهة الجديدة ومصر الجديدة مرشح للإغلاق .

وزير الطيران: غلق مطار القاهرة 4 ساعات يوميا في الصيف القادم لتوفير الطاقة - بوابة الشروق

**Curbis** · 30-03-2013 04:12 PM

أنا مش فاهم يعني لو واحد طيارته معادها هيبقى وقت قطع الكهريا هيعمل إيه؟

**Y a r i s** · 30-03-2013 04:57 PM

خلاص مدام وزير الطيران شايف ان ده صح ليه لاء. يطبق النظام عادي اصلاً اصلاً في مواعيد للطيرات غبية بالذات. وقت الفجرية او الي طيارتوا الساعه خمسة الصبح يعني حتى سواق الطيارة مخدش راحتو في النوم وتلاقي بيسوق ياعيني وهو نايم على روحوا ... لذلك مفهاش حاجة ابداً لمن يريحو المطار ساعتين ولا اربع ساعات. ومدام عندهم البديل وهيوفر مطار يستقبل ال ٢٧ طيارة دول. فخلاص توكل على الله وشطبوا المطارات بدري بدري خلي الناس ترتاح شوية

هما مش قالوا هيطبقوا قرار الاغلاق بتاع المحلات التجارية كمان من بعد الساعة ١١. مطبقهوش ليه لغايت دلوقتي ... ده انا بشوف معارض موبليا وعربيات بتفضل فاتحة لغايت الساعة ٣ الفجر وفي اكتوبر هنا وببقى اضرب كف على كف كل الانوار دي على ايه انشاء الله ومين هيشتري عربية الساعة تلاته الفجر اساساً ... وتحياتي

**yehia** · 30-03-2013 05:58 PM

مش عارف ليه افتكرت انعام سالوسة في فيلم الارهاب والكباب لما كانت عايزة تمشي بدري ساعة رضاعة

**mr_vampire** · 30-03-2013 06:42 PM

ان صح الخبر ... فاعتقد محدش هيحس بالحوار ده ولا المسافرين ( لان اكيد شركات الطيران هتتفادي الاربع ساعات دول ومش هيبقي في حجز فيهم لان اكيد هيبقي مفيش رحلات اصلا فيهم ) ولا القادمون لان هيبقي فيه ممر للهبوط للطيارات اللي هتيجي فالميعاد ده. ولا العاملين في المطار لان في محطات توليد كهربا فيه بديلة.

يبقي ايه المشكلة بقي لو ده حصل.

**Curbis** · 30-03-2013 07:23 PM

الظاهر النكتة بتاعه اخر واحد يخرج من البلد يطفى نور المطار ويقفل الباب وراه شكلها هتبقى حقيقة :))

**Curbis** · 30-03-2013 07:26 PM

المشاركة الأصلية كتبت بواسطة mr_vampire

[size=5]
يبقي ايه المشكلة بقي لو ده حصل.

المشكلة ان ده مش سوبر ماركت عشان يقفل ٤ ساعات يوميا :)))

**أحمد كمال** · 30-03-2013 09:05 PM

المشاركة الأصلية كتبت بواسطة Curbis

المشكلة ان ده مش سوبر ماركت عشان يقفل ٤ ساعات يوميا :)))

المشكلة الأكبر في مصر بصراحة هي الفتي

فيه اكتر من 200 مطار عالميا بيقفلوا ساعات معينة يوميا سواء عشان الانبعاثات او الضوصاء

الليست هنا

Airports with Noise and Emissions Restrictions

اي مطار قدامه لينك cur (اختصار curfew) كليك عليها هتلاقي التفاصيل

فيه مطارات بيبقى فيها 6 او 7 ساعات كمان مفيش اقلاع و فيه هبوط بس او مفيش الاتنين (الا في الحالات الاضطرارية)