جربت الشحم الأبيض للعفشة ؟؟ جرب و ادعيلي

السلام عليكم ورحمة الله وبركاته
حبيت انقل ليكم تجربتى اللى عملتها و الحمد لله و صلت لنتائج مرضيه الى حد كبير
طبعا اولا ناس كتير بتشتكى من مشكلة ترزيع و نشوفية العفشة فى المطبات , كنت قريت هنا كذا موضوع للناس بيشكروا فى الشحم الابيض على العفشة

أشتريت علبه شحم أبيض اسبراى من عند اى حد بتاع بويات ب 15 جنيه 400 ملى يادوب هتكفي العفشة كلها
غسلت العفشة غسله كويسه بمياه بس مكنتش متوسخه اوى و مفيش طين الحمد لله مجرد تراب و تسيب العربيه تنشف من تحت كويس جداااااا لحد ما كل المياه تنشف تماما
هتجيب علبه الاسبراى و ترجها كويس (مكتوب عليها كده) و تبدا ترش على جلب المقصات و على كل الجوانات الكاوتش و المفصلات و جلب المقصات و كاوتش الكوبلن يادوب ال400 ملى هيكفوا العفشة ورا و قدام

أول يوم مش هتحس بفرق كبير عشان الجلب الكاوتش مش هتكون شربت الشحم تانى يوم لقيت الوضع اختلف تماما العفشه ريحت جدااااا و صوتها نعم جداااااا و فعلا جاب نتيجة كويسه الى حد كبير الحمد لله و مش متعب ولا مكلف الموضوع ده و انشاء الله هعمله كل 10 الاف كيلو.
شكــرا


م/حاتــم سليمــان

انا جربت ال wd 40 مفعوله يومين او 3 و خلاص
اعتقد الشحم الابيض احسن منه و بيطول

استعمله كمان على مفصلات الابواب
وبلاش ترش منه على قواعد الماتور والفتيس

واستخدم نوع معروف زى ال APRO الامريكي او فالفولين

واحذر من استعمال ال WD 40

http://www.nilemotors.net/Nile/343361-100.html

شكرا علي نقل التجربة .

بس في الغالب مفيش حاجة هاتعيش خالص في الشوارع النظيفة والجميلة بتاعتنا خالص .
يعني كلها كام يوم . وكلة يرجع زي ماكان

متابع

اقتباس:

---

المشاركة الأصلية كتبت بواسطة mshmshm3

انا جربت ال wd 40 مفعوله يومين او 3 و خلاص
اعتقد الشحم الابيض احسن منه و بيطول

---

ارجوك ابعد عن wd40 خالص مستعملوش في عربيتك حيدمر العفشة والأجزاء اللي بيترش عليها

شكرا على نقل التجربه

اظن عيوبه هاتكون اكتر من مزياه
لان كلها يومين والشحم هايلم تراب الشارع
وهايكون تراب مع شحم
اظن عيوبه هاتكون مش لطيف علي الجلب والعفشه

اقتباس:

---

المشاركة الأصلية كتبت بواسطة hugan

اظن عيوبه هاتكون اكتر من مزياه
لان كلها يومين والشحم هايلم تراب الشارع
وهايكون تراب مع شحم
اظن عيوبه هاتكون مش لطيف علي الجلب والعفشه

---

+111111

شكرا على المعلومه..... و ياريت بعد اذنك ترفع صورة العلبه.

استخدام نوع معروف من الشحم الليثوم الابيض مثل ابرو الامريكى او الفالفولين

الشحم مضاد للماء وقابلية عالية لعدم التصاق الاتربة

اقتباس:

---

المشاركة الأصلية كتبت بواسطة ahmed_su

استخدام نوع معروف من الشحم الليثوم الابيض مثل ابرو الامريكى او الفالفولين

الشحم مضاد للماء وقابلية عالية لعدم التصاق الاتربة

---

ياريت يا جماعه ترفعولنا صورة المنتجات اللي بتقولو عليها دي

http://www.abro.com/media/images/products/0061_full.jpg

ده الابرو الامريكى


Valvoline White Grease (wit vet) instructie video - YouTube

ده الفالفولين

http://www.youtube.com/watch?v=-P_GNV_Ccp8



ده كمان سيلكون اسبراى يستخدم للحفاظ على طراوة الكاوتش والبلاستيك

شكلي هجربه ..

بيتباع فين سبراي فالفولين ?

انا جربت الشحم الابيض فالفولين علي مفصلات الباب عشان التزييق و الطقطقة ولا عمل حاجة

هجرب فالفيات واشوف

اقتباس:

---

المشاركة الأصلية كتبت بواسطة mshmshm3

انا جربت الشحم الابيض فالفولين علي مفصلات الباب عشان التزييق و الطقطقة ولا عمل حاجة

---

سبحان الله
مع انها عملت معايا شغل جامد فى السيراتو

ممكن تقولولنا بتباع فين الشحم الابيض اي نوع منه

منتجات فالفولين هتلاقى الموزعين هنا اختار منهم المناسب ليك

https://www.facebook.com/ValvolineEg

منتجات ابرو هتلاقيها عند محل اسمه نعيم صليب فى شارع ذكى فى التوفقية

و لسه لما تجربو الشحم الابيض على صليبه عمود الدركسيون
هتلاقوا البور نعم جامد جدا و بقى حلاوه .

شكرا علي معلومة اماكن ااشراء

اقتباس:

---

المشاركة الأصلية كتبت بواسطة moha4tec

و لسه لما تجربو الشحم الابيض على صليبه عمود الدركسيون
هتلاقوا البور نعم جامد جدا و بقى حلاوه .

---

معتقدش انه لو اترش علي الجلب هيعمل فرق
بس طبعا علي المفصلات والصليبة هيكون ليه تاثير واضح
ياريت توضح مكان الصليبة ونوصلها ازاي عشان ارش عليها
وشكرا

؟؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة moha4tec

و لسه لما تجربو الشحم الابيض على صليبه عمود الدركسيون
هتلاقوا البور نعم جامد جدا و بقى حلاوه .

---

ايوة نرش فين وضح المكان