العربية مش راضية تدور .. نفسي اعرف ليه!
ازيكو يا جماعة .. يا رب تكونوا بخير
عندي عربية سوزوكي سويفت 95 مش راضية تدور :120146b (فيها موبينة واسبراتير الكتروني)، والحالة كالاتي:
1. شحنت البطارية وزودتلها ماية مقطرة (وطبعا العربية فيها بنزين)
2. المارش شغال
3. عملت فحص لدورة البنزين: نزعت خرطوم البنزين اللي داخل على الكاربيراتير ونزل منه بنزين لما حاولت ادور
4. جبت الكهربائي فحص الكهرباء وجرب موبينة جديدة مدارتش، وجرب مشط الكتروني جديد مدارتش. جبت كهربائي اخر عمل نفس الكلام .. في الاخر قالولي هات اسبراتير استيراد
السؤال هنا: هل ممكن اتأكد ان العيب من الاسبراتير فعلا وان الكهربائية مش بيستسهلوا او بيفتوا؟
وهل في اسبراتير جديد للموديل ده .. ولا مفيش غير استيراد مستعمل؟
ولو استيراد انيه افضل مكان ممكن اشتريه منه؟ وهل بيجربوه قبل لما اشتريه ولا بجيبه وانا وحظي ؟؟
وشكرا مقدما
المشكلة اتحلت وهقول اللي حصل يمكن حد يستفاد
المشكلة فعلا كانت في الموبينة والمشط الالكتروني .. لكن على حسب كلام الميكانيكي الموبينة الجديدة اللي انا كنت جايبها ما تمشيش مع اسبراتير السويفت ... وده خلاها حرقت المشط الجديد كمان (او الراجل بتاع التوفيقية باعهولي مضروب اساسا)
فلو المشكلة دي عند حد يعمل زي ما الميكانيكي عندي عمل .. يفك الموبينة و الاسبراتير ويروح بيهم على وكالة البلح .. هناك في محلات اللي بتبيع قطع غيار استيراد وعندهم اجهزة قياس بيركبوا عليها الموبينة والاسبراتير اللي انت جايبهم معاك وبيعرفوا المشكلة في انيه جزء بالظبط فيهم فهناك غيروا المشط وجربوا الدنيا قصاد الميكانيكي (انا ماكنتش معاه الصراحة)
بعد لما رجع الميكانيكي جرب الدنيا فالعربية دارت ... بس قالي انها كانت بتدور لمدة عشر دقايق وتفصل .. فراح مركب موبينة مستعملة كانت عنده والحمد لله كل شئ بقى تمام :ma:
بس طبعا اكيد الميكانيكي اداني قطع الغيار ابو قرش بقرشين :3mla:.. عشان انا مكنتش معاه لما اشترى الحاجة عشان انا كنت مشغول في شغلي .. بس الصراحة هو قام بالليلة كلها وانا روحت استلمت العربية على الجاهز :F_eyeb1[1]: