مشكله eps فى النترا 2008

**alaaorabi** · 30-03-2013 06:43 PM

السلام عليكم
انا عضو جديد ومبسوط جدا من كل هذا العرض الجميل.

انا عندى مشكله فى عربيتى وهى النترا 2008 فول اوبشن.
لمبه eps اضائت والدريكسيون بقى تقيل جدا والموضوع ده كان حصل من سنه ونص وروحت التوكيل بابو رواش.
وقالولى اعاده برمجه على الجهاز وبقى كله تمام.
من يومين المبه اضاءت تانى والدريكسيون تقل تانى وطبعا روحت التوكيل تانى.
المره ديه مهندس يروح ومهندس ييجى وفى النهايه غير قابل للاصلاح اى البرمجه واحنا عملنا كل شئ ممكن.
وطبعا لازم نغير القطمه وسعرها 16000 الف جنيه!
يعنى مفيش فايده ؟ قالوا لا لازم تتغير!
ارجو المساعده ان كان لديكم حل وارجو المعذره على الاطاله وشكرا.

**khaabas** · 30-03-2013 06:57 PM

يا باشا هاتها استيراد وانزل الحرفيين واسأل هتلاقيها ارخص من كده بكتير
بس ده عيب صناعة وله ايه السبب فى اللى حصل ده

**haissam24h** · 30-03-2013 07:49 PM

قال قطامه ب16000 ليه هتجيب نص عربيه وانا مش واخد بالى ههههههه ده النص الى قدام بالماتور ممكن يعمل اقل من كده هههههه
انزل الحرفين
او حطها على اسكان بره
واعتقد القطه كامله بالايبراج مش هتعدى مبلغ كبير يعنى مش هتوصل 3000

**monamize4** · 30-03-2013 08:11 PM

تقصد 1600 ولا 16 الف؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

**yasserasha** · 30-03-2013 10:06 PM

المشاركة الأصلية كتبت بواسطة alaaorabi

سعرها 16000 الف جنيه!
يعنى مفيش فايده ؟ قالوا لا لازم تتغير!
ارجو المساعده ان كان لديكم حل وارجو المعذره على الاطاله وشكرا.

انا رأي تمشي مع الموضه بتاعت اليومين دول...روحلهم انت و 20 او 30 واحد من صحابك وارمي عليهم مولوتوف وطوب وبعد ما ترتاح نفسيا اطلع علي الحرفيين وصلحها

**Kareem.ElAraby** · 31-03-2013 12:46 AM

متابع

**alaaorabi** · 31-03-2013 09:48 PM

يا جماعه الخير انتو ليه مش مصدقين ان التوكيل قال السعر ده
""" 16000 جنيه مصرى بدون المصنعيه """
عشان كده انا باسال اى حد عنده راى فى حل المشكله

**حماده المصري** · 01-04-2013 08:18 AM

ههههههههههههههههههههه توكيل وحش الحقيقه

بص يااستاذ في الالنترا بيحصل الحاجات دي في الباور في مشاكل بتروح عن طريق انك بتغير زي كتاوت معيين كده للباور موجود في غلبه الفيوزات وتتحل المشكله او احيانا برمجه

ولو الموضوع باز خالص اطلع على الحرفيين هتلاقيهم حافظين الموضوع ده وهيركبولك قطمه جديده كامله استيراد وهتمشي زي الفل

في النيو اكسنت القطمه كانت ب 1500 جنيه استيراد بتبقى عباره عن الوصلي من الدركسيون لحد علبه الدركسيون وفي نصها متور الباور والكنترول بتاعه

في اللنترا الموضوع مطور شويه

**ramy_fiat_2000** · 01-04-2013 11:10 AM

طيب والله رخصت لانى لما سئلت عليها من سنه ونصف كانت ب 17000 سبعة عشر الف جنيه مصر علشان محدش يفتكر انها 1700 جنيه بس لما روحت للمهندس هانى صاحب مركز سبيد سيرفس طلعت المفاجئه انها مش محتاجه تتغير وعلى فكره هو راجل محترم جدا جدا جدا وصاحب صحبه بجد