مشكله فى فرامل الجوليت بعد سرعه 70 كم/س
عربيتى جوليت اوروبى . الفرامل فيها مختلفه عن اللانوس المصرى فى انها التيل (تيل اوبل كورسا) وادائها افضل من اداء فرامل اللانوس المصرى بصراحه .
الفتره الاخيره لاحظت ان الفرامل فيها رعشه فى البدال وكمان الدريكسيون بعد سرعه 70 كم المهم خرطت الطنابير لانها كانت كويسه وغيرت تيل وفضلت المشكله زى ماهى قولت يمكن موضوع الخراطه ديه فاشل والعربيه محتاجه طنابير . اشتريت طنابير المانى محترمه مش وحشه بسعر 325 جـ وكمان طقم تيل ااتى اصلى بـ 175 جـ وغيرت والمفاجأه ان العيب مازال قائماً
والميكانيكى بدأ يتكلم عن فرامل ورا وان ممكن تكون المشكله من عجل ورا وفى الحاله ديه هنغير القميص اللى ورا برمنبيلاته وتيله وكله استعمال بصراحه قولتله خليها الاسبوع الجاى لانى حسيت انى لازم ارجع لرجاله نايل موتورز واستفيد من خبرتهم كفايه اللى صرفته اول مره وتانى مره ومازالت المشكله قائمه (للعلم الكاويتش جديد من شهر تقريباً) ارجو الاهتمام والافاده
انت مش باين ليه يا باشمهندس ممدوح
يا جماعه فين المهندس ممدوح مش باين ليه محدش عارف اخباره ايه ؟
متشكر لكل من اهتم والحمد لله
اخيراً انتهى الكابوس بس اتروقت فى الفلوس جامد والحمد لله العربيه بطلت تغربل مع الفرامل على السرعه
بس فى مشكله ان البدال واطى شويه والميكانيكى بقوله خت هوا قالى لا
وقالى كلام غريب سيبها تجمع الهوا بس اعمل حسابك لما اخدلك الهوا البدال هيوطى اكتر بس روحت مبلم تانى ومشيت وبجد عايز اهدى الدنيا شويه وعلى اخر الاسبوع اروح اشوف موضوع الهوا ده
