فانتازيا ٢٠١٠ .. لما بحرك الفتيس من ال r الي d و العربيه واقفه بتحصل زي هبده او رجه كده فالعربيه قالولي غير شداد الفتيس و فعلا غيرته بس الموضوع موجود برضه مع العلم ان الفتيس طبيعي فالمشي و كمان غيرت زيت الفتيس قبل معاده من بدري علي ٤٦ الف كم و دلوقتي العربيه ٥٥ الف كم و ابتديت الاحظ زي نفضه بسيطه لما العربيه بتنزل من ال ٤ الي ٣ برضه و خايف يكون فيه حاجه فالفتيس ياريت المساعده
متابع
أكشف علي مستوي زيت الفتيس ممكن يبقي فيه تنقيط ادي الي نقصان مستوي الزيت
كشفت علي فلتر زيت الفتيس ؟؟؟
ممكن يكون الفلتر فيه سدد وعايز يتنظف او يتغير تماما
جبت الزيت منين ؟؟؟
كشفت علي مستوي الزيت ؟؟
الرجة دي غالباً قواعد موتور
انا غيرت الزيت و الفلتر فالتوكيل فالغردقه بس مكشفتش عليهم تاني اما نوع الزيت معرفش بس هو اتكلف ١٧٥٠ جنيه بالفلتر و لسه قايس مستوي الزيت من ١٠ ايام وكان مظبوط بس ماكشفتش عالفلتر
طاب هو ده مؤشر ان الفتيس ناوي يبوظ :(
انا متشكر ليكم علي اهتمامكم جدا والله بس ياريت تطمنويني
جدد الكشف مرة اخري وقيس مستوي الزيت وهل تم عمل شغل في الكبالن
باشا هو حضرتك اللي كلمتني من فترة كبيرة وعربيتك تقريباً اللي مفيهاش multifunction ؟
لو هو حضرتك فعلاً يبقي الموضوع خارج الفتيس عندك لأني قولت لحضرتك السبب إيه
أما لو حضرتك حد تاني فقطعاً المشكلة عندك في أويلسيل الفتيس..لأن حصلت معايا وعملت موضوع عنها وروحت بهدلت الوكيل فيها..
الفني غير زيت الفتيس والفلتر بدون ما يغير الأويل سيل...مما أدي لتسريب الزيت وحدوث رجة في العربية ونفضة بين النقلات..ولما غيرته في التوكيل علي حسابهم هو والزيت..العربية رجعت لطبيعتها وماشي بيها الحمد لله 5000 كيلو من ساعتها.
وربنا معاك
أنا عندي نفس المشكلة في الفانتازيا وحصلت معايا ٣ مرات ودايما بتبقى في نهاية المشوار مع العلم إن عربيتي لسه جديدة ومكملتش ١٥ ألف
فياريت إلي عنده فكره عن سبب الموضوع ده يفيدنا لإن رزعة الفتيس بتبقى جامدة وتقلق
لازم حضرتك توصف بالظبط اللي بيحصل في العربية إيه لأن التشخيص بيختلف من حالة لأخري..
ولازم تكون عارف الآتي :-
لو العربية واقفة علي طريق مائل لأعلي أو لأسفل وحركت عصاية الفتيس من الـ p للـ r أو من الـ p للـ d لازم تحس بهبدة في الفتيس..لأنك بتبقي محمل علي قفل الفتيس وبتفكه فجأة فبيرزع
لو العربية واخدة غيار وهتنقل علي غيار تاني أقل أو أعلي وإنت دوست بنزين بصورة متقطعة هتحس بهبدة في الفتيس.لأنك بتسبب لخبطة للكمبيوتر.