كام استشاره في السريع حاجات عاوز اجيبها

أولأً : المؤشر بتاع البنزين مش بيدي مقاسه مظبوط يعني لسه مجرب دلوقتي كان علي الربع الأخير يعني المفروض العربيه تاخد 45 لتر بنزين أخدت 40.5 لتر بالعافيه . ممكن يكون محتاج ايه علشان يتصلح وهل العيب ممكن يكون من العوامه نفسها . ولو محتاج حاجه تتغير يا ريت اجيبها منين برده .


ثانياً : عاوز اعرف مكان أروح أشتري منه صمامات بدون لف او دوران وصفه مباشره عاوز صمام egr . وصمام pvc . علشان كنت ذكرت قبل كده انه بتاع ال egr عندي مكسور وبايظ وبلف ال egr متوصل دايركت علي المانوفيلد .... والصمام التاني ملقتوش راكب عندي اصلا بس فيشته موجوده وانا عرفته من رسمة الماتور . والصور حنزلها تحت .
ويا ريت لو اقرب مكان لوسط البلد احسن مشوار الحرفيين رخم بالنسبه لي بس لو حكمت مش مهم بس اروح علي حد معين او وصفه دقيه يا ريت .


ثالثاً : برده نفس الكلام الفيشه بتاعة الموبينه عندي مدعوكه السلوك بتفلت منها وعملتها معايا امبارح وبهدلتني اول المحور وشكيت في الموبينه انها باظت تاني ومن ستر ربنا ببص بعيني تحت الموبينه لقيت الفيشه في سلكه فالته منها والتانيه بتشاور عقلها . رحت فاصل البطاريه اول حاجه وركنتها علي جمب وطلعت الفيشه لقيت السلوك كلها مش مستحمله لمسه قطعتها كلهم وطلعت البنات وقعدت اوصل فيها علي قد مقدرت ووصلتها اي كلام وكنت خايف تعمل قفله مع بعض تطيرلي الموبينه او الكمبيوتر ولا حاجه وعزلت ما بين الفرد بحتت خشب وكان موال والحمد لله دورت العربيه دارت علي طول وروحت الشغل وهناك فكتها تاني وظبتها علي رواقه بشريط لحام مؤقتاً بس السلوك علي شعره ممكن تفلت تاني .
فعاوز اشتري فيشه زيها واوصلها بلدي الا لو المعجزه تحصل ويكون في منها جديد ولا حاجه والسلك يركب علي البنات علي طول . ممكن الافاده اجيبها منين .

http://store3.up-00.com/Nov12/D6r09159.jpg

http://store3.up-00.com/Nov12/CzB09159.jpg

http://store3.up-00.com/Nov12/ZHP09448.jpg

وكمان نسيت الفلتر عاوز اغير فلتر الهواء اجيب فلتر ايه نوعه وبكام ومنين

يا مسهل الحال يا كريم يارب

فلتر الهوا فيه عادى و سبور
لو عادى الاصلى ب 45 جنيه و ممكن يعد معاك 10 الاف كيلو
و الكورى ب 25 و تغيره على 5 الاف ولا حاجه
.
اما الاسبور فيه انواع كتير و اسعار كتير

بالنسبة للصمامات هتجيبها استراد من اى حد مش شرط الحرفيين
وفيشة الموبينة برضوا من اى حد استراد
اما مؤشر البنزين ده عيبة العوامة بتروح لكهربائى شاطر ويظبطهالك

اقتباس:

---

المشاركة الأصلية كتبت بواسطة mostafa mahmod

فلتر الهوا فيه عادى و سبور
لو عادى الاصلى ب 45 جنيه و ممكن يعد معاك 10 الاف كيلو
و الكورى ب 25 و تغيره على 5 الاف ولا حاجه
.
اما الاسبور فيه انواع كتير و اسعار كتير

---

هل صحيح الاسبور افضل ولو افضل عاوز اسم نوع كويس

الاسبور افضل ؟؟
و الله هى تضاربت الاقاويل فى الموضوع ده
فيه هنا عضو من فتره عمل اختبارات و جرب كل الفلاتر الاسبور المخروطى و الاسبور اللى بيركب فى العلبه و الاوريجينال و الكل اداله نفس النتيجه
لو عايز تركب سبور و يديلك احسن اداء يبقى تعمله وصله كده ممدوح باشا عاملها و هو يفيدك فيها اكتر بتخلى الفلتر ياخد هوا ساقع مش سخن ( بتبعد الفلتر عن الماتور )
و من احسن الالنواع k&n

سعة تانك البنزين كامل 48 لتر ..بالتالي لو إنت علي اخر ربع وأخدت 40 لتر يبقي تمام جدا ومعندكش مشكلة إن شاء الله

استاذ ممدوح :

أنا رحت اشتريت الصمامين دولة من عزبة شلبي النهارده والحمد لله لقيتهم ولقيتهم بالفعل راكبين علي مكنه نوبيرا 1600 زي بتاعتي بس مكانووش متوصلين ممكن اعرف توصيلتهم الصح ايه علشان اركبهم .
وكمان اشتريت فيشة الموبينه ... كل حاجه اخدتها من محل مختلف علشان اعرف افاصل الصمام الاول بتاع ال اي جي ار جبته ب 110 بالخرطومين بتوعه علشان مكنتش لاقيه كتيير والصمام التاني اللي هو تقريبا ليه علاقه بالكانستر جبته ب 55 من حاج غلبان خدمني فيه والواد اللي فكهولي حلفلي انه بايعه قبل كده ب 120 بس هو مش قادر يرجع في الكلام اللي قاله الحج . والفيشه برده ب 15 جنيه بعد فصال من 35 جنيه ب 4 فرد طوال .

وموضوع الفلتر دوة ممكن اعرف ايه الطريقه اللي حضرتك عاملها علشان الفلتر ياخد هواء ساقع وايه افضل نوع فلتر اجيبه هل زي م الاستاذ قال k&n

وادعولي اني مشاكلي تتحل .
لمبة التشك منوره والكمبيوتر قال كانستر والعربيه بتاكل بنزين والعزم مش مريحني نفسي اجيب فوق 140 .

احسن حتة هى الفراغ اللى ورا الاكصدام الامامى ناحية اليمين (يمين العربية) و كل اللى انت محتاجة هو انك تعمل وصلة من مواسير الPVC من خرطوم العمة الى المنطقة دى مرورا البفتحة اللى تحت العمة اللى كان فيها الفلتر الاصلى و تركب فى طرفها الفلتر

الK&N طبعا احسن حاجة و يلية السيموتا

MMamdouh

اقتباس:

---

المشاركة الأصلية كتبت بواسطة mmamdouh

احسن حتة هى الفراغ اللى ورا الاكصدام الامامى ناحية اليمين (يمين العربية) و كل اللى انت محتاجة هو انك تعمل وصلة من مواسير الpvc من خرطوم العمة الى المنطقة دى مرورا البفتحة اللى تحت العمة اللى كان فيها الفلتر الاصلى و تركب فى طرفها الفلتر

الk&n طبعا احسن حاجة و يلية السيموتا

mmamdouh

---

شكرا علي الرد بس برده مقولتليي اوصل الصمامين ازاي من فين لفين وكده

http://i83.photobucket.com/albums/j3...harts/vacc.jpg


MMamdouh