الموضوع: بيب بيب أهلي !!!!!!!!!!!

أحب أقولكم مش بس جماهير الأسماعيلي ....

أنا كنت فى الشغل يوم الماتش - الخميس 28/06/2007 - ... وخلصت حوالي الساعة 10 مساءاً ... ولأجل الحظ وأنا نازل مروح ... كان فيه زملتين معايا فى الشغل - أنستين - لسة بيقفولوا شغلهم وطلبوا مني أروحهم فى طريقى ... المهم أستنتهم لحد ما قافلوا الكومبيوترات بتاعتهم والمكتب وبقت الساعة تقريباً 10:30 ... ونزلت جبت العربية من الجراج ... وبتدينا نتحرك ... الحقيقة الطريق كان فاضي وهادى ... لحد ما وصلنا العباسية ... نزلت أول واحدة علشان ساكنا هناك ... ولفيت من جنب كلية الشرطة بدل ما أدخل يمين على صلاح سالم ... قلت زمان الماتش خرج .... والجماهير هتبقى قافلة الشارع .... روحت كاسر شمال وطالع على العباسية ... ومنها إلى الخليفة المامون ... علشان نروح مصر الجديدة أنا والزميلة الأخرى اللي معايا ... وعينك ما تشوف الا النور ... من العباسية إلى الخليفة المأمون الطريق مغلق تماماً ... الجماهير عمالة تخبط على العربيات ... وتلف حوالين العربيات ... وطبعاً ... أنا معايا أنسة فى العربية ... ما حدش سابني فى حالي ... تخبيط على العربية ... ويوقفوني غصب عنيي ويلفوا حوالين العربية ... ده غير الكلام الجارح ... والالفاظ البذيئة ... وأنا كنت فى نص هدومي مش عارف أعمل أيه ... بس توبة أروح فى ميعاد خروج ماتش زى ده ...
وربنا ستر وعدت على خير ...وعلى العموم هو ده جمهور مصر ...
ومبروك للأهلي :mrgreen: :mrgreen: مع أني زمالكاوى قديم ... :D :D

وموعدنا فى النهائي إن شاء الله ...

تحياتي للجميع ....

م / حسام منير