السلام عليكم
بمناسبة الصيف و الحر و كل سنه و انتم طيبين عايزين نفكر مع بعض اي الاختيارات افضل و ليه
لان كل شئ له ميزة و عيب
و ارجو نتكلم في الاسعار كمان للافادة
اعتقد ان ستائر الكبس احسن في كل شئ بس بتمنع الهوا شوية و مش ممكن تطلع ايدك من الشباك :(
عرض للطباعة
السلام عليكم
بمناسبة الصيف و الحر و كل سنه و انتم طيبين عايزين نفكر مع بعض اي الاختيارات افضل و ليه
لان كل شئ له ميزة و عيب
و ارجو نتكلم في الاسعار كمان للافادة
اعتقد ان ستائر الكبس احسن في كل شئ بس بتمنع الهوا شوية و مش ممكن تطلع ايدك من الشباك :(
ال 3 قطع في حدود 50-55
والخمسه 70
وهي فعلا هتحر جدا
الا لو مشغل تكيف
شيل الفاميه من حساباتك نهائى علشان المرور
متابع
+++1
انا معنديش فكرة عن ستاير الكبس هي عبارة عن ايه؟
زي اللي بتتحط في الزجاج الخلفي؟
الستائر الكبس عملية لو معندكش أطفال عاوزين يتفرجوا ويشيلوا ويحطوا فيها لغاية ما تتقطع
أو لو تعمل فاميه مانع للحرارة وفيه منه شفاف بس غالى شويه اعتقد من 600 جنية فما فوق عند إبراهيم في ش دمشق
فعلا الفاميه الشفاف غالي
و الفاميه العادي مخالف
و ستائر الكبس تمنع الهوا
يبقي مفيش غير الستائر اللي بتنزل و تطلع مع الازاز بس مشكلتها ان خامتها رديئة و لازم تغيرها كل شوية ... لو في حد يعرف ماركه نظيفة او محل يبيع ماركه كويسة يا ريت يفيدنا
مش ممكن تلاقى كل اللى انته عاوزه فى حاجه واحده لازم تبقى حاجه على حساب حاجه تانيه
السعر او الخامه او الراحه
كان نفسي في الستائر الي بتتحرك بس الي بتركب بالعرض مش بالطول - بتركب في قائم الباب وتتحرك عمودي على اتجاه حركة الزجاج مش معاه - سألت عليها كتير ملاقيتهاش للأسف
متابع جدا يا جدعان
انا بفكر ف الكبس و دورة عليها ف المنصورة بس للاسف ملقتهاش
فيه شماسة امامية فامية شفاف على بكر بشدها لو سايق والشمس في وشي بتكون كإني لابس نظارة شمس و بتقلل الضوء في العربية
شاريها من سنه بحوالي 20 او 25 جنيه تقريبا
ولما بكون راكن بشدها وبحط وراها الشماسة الالمونيا اللي بتتطبق
انا عايز اعرف ستاير الكبس بتتفصل فين عشان انا عربيتي نادره شويتين وحدش بيعملهم لو حد يعرف مكان يقوللي ضروري
الافضل الستائر الكبس عن تجربة - و تكون طبقتين - بس الخلع و التركيب الكتير بيبوظها
الستاير الكبس مش عمليه خصوصاً قدام لأنك مش بتعرف تتكلم مع حد ولا تعرف تسلم علي حد ولا حد شايفكـ وممكن فى مره تنسى الازاز مفتوح وتعملك مشاكل ..
الفكره الكويسه اللى هى الستاير المتحركه مع الاززاز سواء كانت بالطول او العرض :)
اانا عامل فاميه حرارى بنسبة شفافية 50% ....
اولا بيقلل كتير من الحر لكن مش بيمنع تماما .... هو بيقلل كتير
ثانيا محدش بياخد باله خالص منه فى المرور ..... انا عديت بيه على اكتر من 100 لجنة رخمة جدا ومحدش بيشوفه
هو مش بيبان علشان شفافية 50% وعلشان لونه مش اسود لأ لونه مزرق كده على خفيف والعربية لونها كحلى فا اى حد بيشوفه بيحس انه ازاز الفابريكة بتاعها
ده كله كان ب 150 جنيه للعربية كلها ... اسمه فاميه حرارى امريكى .. نسبة شفافية 50%
في نوع ستائر بتركب على القزاز وتنزل وتطلع معاه .. بس بطريقه مختلفه شويه
لأن اللي منتشره في السوق بيبقى معاها لزق دبل فيس وتتلزق على طرف الباب من فوق (آخر القزاز يعني من تحت)
وبتتعلق على القزاز من فوق بحيث تنزل وتطلع معاه .
لكن اللي أنا قصدي عليها .. بتتعلق من فوق على القزاز عادي برضه لكن من تحت بتتلزق على القزاز بشفاطات .
ودي طبعا ميزتها انك مش ملزم تفضل سايبها على طول .. خصوصا لأن العربيات كلها البابين اللي قدام بينزلوا لحد الآخر وفي الحاله دي مش هاينفع معاها النوع الأول .
بالنسبه للنوع الثاني ده أنا شوفت منه كذا خامه .. في منها الخامه المخرمه كده ودي الرخيصه .
وفي منها خامه أنضف شويه ودي بتبقى في حدود 40 جنيه تقريبا للبابين ( موجوده في كارفور ) .
يارب أكون أفدتكم ولو قليل
تحيــــاتي
بص يا كبير - عشان تقلل الحرارة داخل العربية
اولا :- لون السيارة يكون ابيض - او على الاقل ممكن تعمل لزق كربون ابيض على السقف لفاعلية وقوة الون الابيض فى عكس الحرارة
ثانيا :- ممكن تركب حاجة اسمها نضارة او شماسة ابواب ودى بتركب على جميع ابواب السيارة وعلى الضهر ودى بتقلل دخول الشمس ( لانها عامل زى المظلة او الكاب ) وفى نفس الوقت بتذود دخول الهوا على الشبابيك لانها بتحدد اتجاة ودى رخيصة طقم ال 4 باب بحوالى 50ج والضهر بحوالى 50ج لوحدة
ثالثا :- مش عشان انا شغال فى ستاير الكبس هرشح ليك ستاير الكبس وبس - ولكن الستارة بتسمح بدخول الهوا وفى نفس الوقت بتكسر حدة الشمس وخلعها وتركيبها سهل - وصيانتها كمان فى حالة القطع او الكسر وممكن اعرفك ازاى تصينها
ارجوا انى اكون فدتك امام الله سبحانة وتعالى لوجة الله - والله المستعان
اقتباس:
في نوع ستائر بتركب على القزاز وتنزل وتطلع معاه .. بس بطريقه مختلفه شويه
لأن اللي منتشره في السوق بيبقى معاها لزق دبل فيس وتتلزق على طرف الباب من فوق (آخر القزاز يعني من تحت)
وبتتعلق على القزاز من فوق بحيث تنزل وتطلع معاه .
لكن اللي أنا قصدي عليها .. بتتعلق من فوق على القزاز عادي برضه لكن من تحت بتتلزق على القزاز بشفاطات .
ودي طبعا ميزتها انك مش ملزم تفضل سايبها على طول .. خصوصا لأن العربيات كلها البابين اللي قدام بينزلوا لحد الآخر وفي الحاله دي مش هاينفع معاها النوع الأول .
بالنسبه للنوع الثاني ده أنا شوفت منه كذا خامه .. في منها الخامه المخرمه كده ودي الرخيصه .
وفي منها خامه أنضف شويه ودي بتبقى في حدود 40 جنيه تقريبا للبابين ( موجوده في كارفور ) .
يارب أكون أفدتكم ولو قليل
تحيــــاتي
مشكور يا باشا بس انت شوفتها في اي فرع كارفور انا مش لاقيها