بلاك لست فى البنك المركزى( ممكن حد يفيدنى)

السلام عليكم
انا عضو جديد وكنت حابب استفسر عن موضوع البلاك لست فى البنك المركزى

انا من خمس سنين اخدت فيزا الشباب 2000 جنيه من بنك بيريوس كان تبع حاجه اسمها visa youth هى عبارة عن فيزا مشتريات
وسددت سنه فيها وامتنعت عن السداد بعد كده لمده سنتين
ومن حوالى سنه رحت اسوى حسابى مع البنك لقيته 4500 جنيه
المهم سددتهم كلهم مرة واحده واخدت مخالصه من البنك بس المشكله ان اسمى فى البلاك لست فى البنك المركزى بعد معلت استعلام ببرنامج iscore
دلوقتى عايز حد يفيدنى اعمل ايه سالت ناس قالولى اسمك بيترفع بعد خمس سنين وناس قالتلى قدم المخالصه بتاعتك فى البنك المركزى

وقريت مشاركه من فترة للعضو hobiko

انه كان بلاك لست وقدم شكوى فى iscore ورفعوا الحظر عنه
http://www.nilemotors.net/Nile/135099-a-6.html

فياريت بس حد يفيدنى اعمل ايه

فرق بين بلاك ليست بالغلط زي الموقف اللي في اللينك اللي انت حاطه و بلاك ليست زي اللي حصل معاك

ممكن تقدم المخالصة للبنك اللي انت بتحاول تقترض منه بس ده مش ضمان انه هيقبلها


و تقديم المخالصة في المركزي او iScore لا يعني رفع اسمك من القوائم السلبية لانك زي ما بيقولوا bad debtor او مقترض سئ (ايه اللي يضمن للبنك انك ما تعملش فيه نفس الشئ)


من الحلول الكويسة انك تفتح كريدت كارد دلوقتي بضمان وديعة و تستعمل و تسدد سنة سنتين عشان تبني سمعة حسنة من جديد

من الحلول الكويسة انك تفتح كريدت كارد دلوقتي بضمان وديعة و تستعمل و تسدد سنة سنتين عشان تبني سمعة حسنة من جديد



ممكن تفهمنى يعنى ايه الجمليه دى

افتح كريدت كارد بضمان وديعه واستعمل واسدد سنه سنتين ازاى ؟؟؟ ممكن تفهمهالى ؟؟؟؟؟؟؟

يعني دلوقتي الكريدت كاردز نوعين

secured and unsecured

ال secured بضمان وديعة

مثلا تجمد وديعة ب 5000 جنيه

هيطلعوا لك عليها كريدت كارد ب 4000 جنيه


تستعمله بس المرة دي تسدد في الميعاد

و لازم تستعمله ما تسيبهوش idle

ادفع بيه مثلا مشترياتك في السوبر ماركت ..... الخ الخ و سدد اول باول


كده هتقدر تبني تاريخ ائتماني كويس

بس الموضوع هياخد سنة و لا اتنين عشان تقدر تقنع البنوك انك خلاص مش هتعمل كده تاني زي ما عملت في بيرايوس

اه فهمتك بس الموضوع ده اعمله فى اى بنك سواء حكومى او اجنبى ولا لازم بنك معين

شكرا جدا لتعاونك معايا

اقتباس:

---

المشاركة الأصلية كتبت بواسطة amma_fresh

اه فهمتك بس الموضوع ده اعمله فى اى بنك سواء حكومى او اجنبى ولا لازم بنك معين

شكرا جدا لتعاونك معايا

---

أي بنك


و في كل الحالات هيظهر في الاي سكور


عشان بقية البنوك تستعيد الثقة في اداءك الائتماني

حالتك مختلفة شوية عن حالتى

انا فعليا ماكنتش مقترض من البنك و لا حاجة ........... البنك هو اللى تلاعب و مقفلش حسابى و سابه يفضل يعد عليا مصاريف الحساب من غير ما يقفله و كمان بلغ عنى فى البنك المركزى على اساس انى متهرب و ده مش حقيقى


انت هنا حصل انك ممكن تكون تعثرت فعلا و انت واخد فلوس من البنك فالبنك معذور انه يعمل معاك كده


بص عشان تجيب من الأخر

روح مكتب الأى سكور ...... انا لما روحتلهم زمان كانوا موجودين موجود فى مركز التجارة العالمى اللى على كورنيش النيل

بيتهيئلى دلوقتى نقلوا مكتبهم للقرية الذكية على العنوان ده

Address: Smart Village
Km 28 - Cairo - Alexandria Desert Road
Street No. 26 - Building No. 5
Cairo, Egypt

Fax: (+202) 35370780
Email: busines....p@i-score.com.eg

Hotline (from inside Egypt) 16262

كلمهم او روحلهم ................ و هما ان شاء الله يخلصولك الموضوع

على فكرة كمان نسيت اقولك .............. ان البلاك ليست عندهم درجات يعنى مش كل الناس زى بعضها و ان شاء الله تطلع مشكلتك بسيطة

و كمان اللى اعرفه ان بعد 5 سنين من تسوية اى مشكلة ...........ز بشكل تلقائى بيتم حذف الاسم من البلاك ليست

ولا 5 سنين ولا حاجة .. البلاك لست دى بتتجدد كل 6 شهور..مادام معاك مخالصة مختومة من بنكك روح قدمها فى البنك اللى انت عايز تتعامل معاه والموضوع بيمشى بدون مشاكل.

اقتباس:

---

المشاركة الأصلية كتبت بواسطة محمد يوسف

ولا 5 سنين ولا حاجة .. البلاك لست دى بتتجدد كل 6 شهور..مادام معاك مخالصة مختومة من بنكك روح قدمها فى البنك اللى انت عايز تتعامل معاه والموضوع بيمشى بدون مشاكل.

---

مش دايما ........ اسمك بيترفع بالمخالصة لو كان بسبب غلط مش بسبب تعثر او تعمد لعدم السداد

اقتباس:

---

المشاركة الأصلية كتبت بواسطة أحمد كمال

مش دايما ........ اسمك بيترفع بالمخالصة لو كان بسبب غلط مش بسبب تعثر او تعمد لعدم السداد

---

أنا من 7 سنين اتأخرت فى سداد فيزا البنك الأهلى حوالى سنة وبعدين رحت جدولت المستحق على 3 شهور وخدت مخالصة قدمتها فى بنك تانى بعد 6 شهور عادى جدا

بعد اذن صاحب الموضوع ... ا محمد يوسف عاش من شافك ... اتمنى تكون بخير

اقتباس:

---

المشاركة الأصلية كتبت بواسطة mohamed_selim

بعد اذن صاحب الموضوع ... ا محمد يوسف عاش من شافك ... اتمنى تكون بخير

---

أنا بخير الحمدلله يابوحميد وموجود على طول بس باشارك فى الاجتماعى بس ..عشان بس ماتفتكرش انى ظهرت النهارده بالذات (متابعكم فى الشارع المصرى)
طبعا أنا عارف انك ماتقصدش وانى فهمتك صح:))

[quote=محمد يوسف;3874900996]أنا بخير الحمدلله يابوحميد وموجود على طول بس باشارك فى الاجتماعى بس ..عشان بس ماتفتكرش انى ظهرت النهارده بالذات (متابعكم فى الشارع المصرى)
طبعا أنا عارف انك ماتقصدش وانى فهمتك صح:))[/

:))))
لو فاهمنى صح هتعرف ان مش انت المقصود و انى فعلا بطمن عليك

[QUOTE=mohamed_selim;3874901108]

اقتباس:

---

المشاركة الأصلية كتبت بواسطة محمد يوسف

أنا بخير الحمدلله يابوحميد وموجود على طول بس باشارك فى الاجتماعى بس ..عشان بس ماتفتكرش انى ظهرت النهارده بالذات (متابعكم فى الشارع المصرى)
طبعا أنا عارف انك ماتقصدش وانى فهمتك صح:))[/

:))))
لو فاهمنى صح هتعرف ان مش انت المقصود و انى فعلا بطمن عليك

---

ربنا يخلليك يامحمد ...تسلم ويسلم ذوقك

ابقى سلم لى على رمضان :))

شكرا لتعاونكم معايا ياجماعه


انا لما عملت استعلام فى الاسكور طلع مكتوب انى (مخاطر مرتفعه )

مش عارف ازاى مخاطر مرتفعه على 2000 جنيه بس واتسددوا بعد كده 5000
حاجه صعبعه بصراحه

انا ان شاءا لله حروح مبنى الاسكور واقدم المخالصه الى اخدتها ليا سنه دلوقتى ويارب يحلو المشكله دى

اقتباس:

---

المشاركة الأصلية كتبت بواسطة amma_fresh

شكرا لتعاونكم معايا ياجماعه


انا لما عملت استعلام فى الاسكور طلع مكتوب انى (مخاطر مرتفعه )

مش عارف ازاى مخاطر مرتفعه على 2000 جنيه بس واتسددوا بعد كده 5000
حاجه صعبعه بصراحه

انا ان شاءا لله حروح مبنى الاسكور واقدم المخالصه الى اخدتها ليا سنه دلوقتى ويارب يحلو المشكله دى

---

مخاطر مرتفعة يعني احتمال انك ترد اللي هتاخده ضئيلة او بطلوع الروح


و حط نفسك مكانهم لو واحد صاحبك استلف منك 2000 جنيه و رجعهم لك بطلوع الروح بعد سنتين

و جه بعد فترة طلب 10,000 هتديهم له بالساهل؟


المخالصة ممكن تشيلك من القوائم السلبية بس مش هترفع السكور بتاعك (بيبقى فيه سكور على شكل مؤشر زي مؤشر السرعة في اول صفحة و ليه رقم) ....... ده مالوش حل لرفعه الا زي ما قلت لك بتطلع بطافة مؤمنة و بتسدد في الميعاد لفترة و ده بيرفع الثقة فيك تاني

حاجة مهمة فعلا - هل فيه طريقة اعرف بيها اي حسابات ليه في اي بنوك علشان ممكن اكون قفلت حسابي في بنك وماتقفلش فعلا وبيتراكم عليه فلوس وانا معرفش - "حصلت معايا في بنك مصر" - قفلت الحساب وروحت اتاكد مش عارف ليه لاقيت عليه 10 جنيه وقالولي لا الي حصل ساعتها انهم سحبولك رصيدك كله لكن الحساب ما تقفلش ...؟؟؟

اقتباس:

---

المشاركة الأصلية كتبت بواسطة أحمد كمال

يعني دلوقتي الكريدت كاردز نوعين

secured and unsecured

ال secured بضمان وديعة

مثلا تجمد وديعة ب 5000 جنيه

هيطلعوا لك عليها كريدت كارد ب 4000 جنيه


تستعمله بس المرة دي تسدد في الميعاد

و لازم تستعمله ما تسيبهوش idle

ادفع بيه مثلا مشترياتك في السوبر ماركت ..... الخ الخ و سدد اول باول


كده هتقدر تبني تاريخ ائتماني كويس

بس الموضوع هياخد سنة و لا اتنين عشان تقدر تقنع البنوك انك خلاص مش هتعمل كده تاني زي ما عملت في بيرايوس

---

فعلا الواضح ياستاذ احمد ان الحل ده هو احسن حل

انا ان شاء الله حعملها تبع بنك سى اى بى

اقتباس:

---

المشاركة الأصلية كتبت بواسطة amma_fresh

فعلا الواضح ياستاذ احمد ان الحل ده هو احسن حل

انا ان شاء الله حعملها تبع بنك سى اى بى

---

بالتوفيق يا باشا :)

انا مشكلتي تتلخص في اني اخدت قرض 10الاف جنيه استلمتهم 9500 مش فاهم ازاي والمفاجأة بقي اني سددته تقريباً 20 الف يعني الضعف "ههههههه عبط صح!!!!! للأسف ده اللي حصل"
وكمان كنت واخد كرديديت وبرده ضافوا عليا مديونية رغم اني كنت موقف التعامل بيها نهائياً

وطبعاً الموضوع اخد بيني وبينهم سنين كتير وقضية انتهت اني سددت باقي المبلغ اللي فرضوه عليا وهو مبلغ 3900 جنيه للفيزا و400 جنيه مديونية الكريديت "وده كان الاتفاق مع موظف ادارة التحصيل واسمه وليد كمال "حسبي الله ونعم الوكيل فيه"

بعد ما اتفقنا وروحت دفعت وبعتله صور الايداعات لحساب القرض والكريديت زي ما اتفقنا وكنت مأكد عليه وكلمته وانا مع موظف البنك وقاله خلاص القرض هيتقفل بمجرد انه يعمل الايداع وبعد ما عملت الايداعات خليته يكلمه ويبعتله اميل فيه صور من الايداعات

بكلمه بعدها بيومين علشان يبعتلي ورقي "الشيكات والمخالصة النهائية"زي ما اتفقنا قالي لا السيستم ضاف عليك 400 جنيه كمان قولتله ازاي احنا اتفقنا وانت وعدتني ان القرض خلاص اتقفل وهتبعتلي ورقي قالي السيستم وانا مقدرش اعملك حاجه ولازم تدفع 400 جنيه..وسلمت امر لله وروحت عملت ايداع ب 400 جنيه تاني وكلمته وانا باعمل الايداع برده وقولتله هبعتلك صورة الايداع علي الميل عن طريق موظف في الفرع وقالي خلاص خلاص كده تمام انا هقفلك القرض انهارده وهبعتلك الورق علي فرع البنك بتاعك خلال اسبوعين..كان ميعاد جلسة القضية في المحكمة قرب قولتله اسبوعين كتير ابعتلي مخالصة قضائية..قالي خلال يومين تكون عندك وفعلا بعدها بيومين اخدت المخالصة وروحت بيها للمحكمة وكان فيه مندوب من البنك في المحكمة لانهاء القضية بالتصالح والمخالصة و القضية اتقفلت

تخيلوا اتصل بعدها بشهرين اقولهم باستفسر هل ورقي "الشيكات والمخالصة النهائية"وصل للفرع واللا لسه قالولي القرض لسه مفتوح وعليك مديونية 900 جنيه بصراحة اتوهمت من الصدمة اقولها ازاي انا قافل القرض مع موظف التحصيل واخدت مخالصه منكم وخلصت القضية بتاعتي تقولي حضرتك انا بقولك اللي موجود قدامي في حسابك قولتلها غلط
قالتلي كلم الموظف اللي اتفقت معاه وانا هعملك شكوي وهيردوا عليك خلال يومين
روحت كلمت وليد كمال تاني"وطبعاً لازم افكره بنفسي رغم اني كلمته اكتر من 50 مره وكل مره كنت بشرحله فيها مشكلتي وكنت باتفق معاه علي اجراءات لكن طبعاً هو ولا بيفتكر وبيقولي ازاي انا هقفلك القرض وانت لسه عليك مديونية قولتله طيب وانت ازاي هتبعتلي مخالصه قضائية وانا لسه عليا مديونية خليني انا مجنون وانت عاقل المهم قولتله...انتم بتسجلوا المكالمات اللي بينا صح قولتله راجع المحادثات بينا في التاريخ اللي انا سددت فيه..تمام وقفل معايا واتفقنا انه هيراجع المكالمات ويرد عليا

وبعد يومين كلمته انا طبعاً وقالي معلش انا اسف فعلاًاحنا اتفقنا وعملنا ديل وانا نسيت ومقفلتش القرض...عامةً انا هقفلهولك بعد ما ارجع من الاجازه قولت ماشي مش فارقه اسبوع كمان

كلمته بعد مالبيه رجع من اجازته قالي خليك معايا وهقفلهولك حالاً وعلي كلامه انه قفله خلاص وانا معاه علي التليفون

قالي كلم بقي خدمة العملا بعد يومين اطلب ورقك وشيكات والمخالصه النهائية قولت ماشي

بعد يومين اكلمهم لقيت نفس المشكله القرض لسه مفتوح والمديونيةزادت وبقيت 1200 جنيه "حسبي الله ونعم الوكيل"

اعمل ايه مفيش في ايدي حاجه اعملها وبكلمه مبيردش كل يوم اكلمه مبيردش

وطبعاًاتصل بخدمة العملا مره واتنين وتلاته وكل مره اخد نص ساعه اشرح لشخص جديد مشكلتي واني قفلت القرض ازاي هو لسه مفتوح وليه ؟يقولي السيستم قدامي وهعمل لحضرتك شكوي

وكل مره نفس الكلام من شخص مختلف

وبعد شهر تقريباً كلمت وليد قولتله يا اخي انت مش قفلت القرض قالي قرض ايه وبرده اضطريت احكيله القصه تاني للمره المليون.

تخيلوا قالي ايه

قالي انا سبت بنك باركليز وحالياً شغال في البنك الاهلي المتحد
قولتله طيب ايه الحل قالي انا قفلتك القرض طالما انا قولتلك اني قفلته يبقي قفلته وكلمهم علشان يبعتولك ورقك

ومن ساعتها انا يأست ومش عارف اعمل ايه ومش عارف اعمل كريديت في اي بنك علشان انا بلاك ليست رغم اني معايا مخالصة ومسدد القرض والله العظيم مسدد القرض كله وبزيادة الضعف"وحسبي الله ونعم الوكيل- ربنا علي كل ظالم وجبروت

انصحوني يا أهل الخبرة

واسف جداً جداًَ علي الاطالة

السلام عليكم من سنه تقريبا اخذت قرض من بنك عوده وكمان اخذت كريدت كارد وكنت بسدد الكريدت في ميعاده الشهري وحصلت لي حادثه جلست على اثرها شهور في البيت وماكنتش بسدد وفوجئت ان الاداره القانونيه للبنك كلمتني وقلتلي ان البنك رافع عليه قضيه وقدرت اخللص المشكله بتقسيط المبلغ وقفلت الكريديت نهائيا واخذت مخالصه بذلك مع العلم اني بسدد القرض كل شهر وعندما احببت اني افتح كريديت تاني قالولي انني بلاك لست البنك المركزي .ارجو الافاده عايز افتح كريديت ممكن تقوللي اعمل ايه واكون شاكر لحضرتك على معلوماتك الغاليه

اسمح لي ابدي اعجابي بقلمك وتميزك واسلوبك الراقي وتالقك

متابع و ليه سؤال علشان كان اتطرح وقبل كده و مسمعتلوش رد
دلوقتي انت اشتريت حاجات بالفيزا بتعتك بالف جنيه مثلا و عدي 55 يوم و جه ميعاد السداد في احتمالين الحتمال الول انك تسدد ال الألف بالكامل و ده السليم و الاحتمال التاني انك تسدد الحد الدني اللي هو مثلا 200 جنيه طيب في حال تسديد ال الحد الدني بس هل ده يخليك تدخل في القوائم السلبيه ؟

اقتباس:

---

المشاركة الأصلية كتبت بواسطة sameh mostafa

السلام عليكم من سنه تقريبا اخذت قرض من بنك عوده وكمان اخذت كريدت كارد وكنت بسدد الكريدت في ميعاده الشهري وحصلت لي حادثه جلست على اثرها شهور في البيت وماكنتش بسدد وفوجئت ان الاداره القانونيه للبنك كلمتني وقلتلي ان البنك رافع عليه قضيه وقدرت اخللص المشكله بتقسيط المبلغ وقفلت الكريديت نهائيا واخذت مخالصه بذلك مع العلم اني بسدد القرض كل شهر وعندما احببت اني افتح كريديت تاني قالولي انني بلاك لست البنك المركزي .ارجو الافاده عايز افتح كريديت ممكن تقوللي اعمل ايه واكون شاكر لحضرتك على معلوماتك الغاليه

---

بالنسبه لحضرتك مفيش مجال الا انك تعمل اللي قال عليه الاستاذ احمد كمال في اول الموضوعبطاقه مؤمنه عن طريق وديعه و تستخدمها علشان تحسن وضعك و برده حد في بالك ان في بنوك كتير مش بترضي تديك فيزا مؤمنه حتي لو عامل عندهم ايداع لو كنت بلاك لست بس ده غالبا في البنوك الحكوميه ( اهلي - مصر ) و لكن بنك استثماري بيمشي الحال غالبا
طيب الحل انك تحتفظ بالمخاصه بتعتك و تبدا تجرب علي فترات لن في ناس قالت اسمك بيتشال بعد 6 شهور و ناس قالت بعد سنه و ناس قالت بعد 3 سنين و اللي سمعته انا بقه من صديق انه بعد 5 سنين بدون نقاش بس برده البنوك الخاصه العمليه عندهم مرنه اكتر يعني لو مره 18 شهر من ميعاد مخالصتك ممكن يديك فيزا و ده اللي سمعته من مندوب لكريدي اجريكول من فتره

اقتباس:

---

المشاركة الأصلية كتبت بواسطة ahmedhilmy

متابع و ليه سؤال علشان كان اتطرح وقبل كده و مسمعتلوش رد
دلوقتي انت اشتريت حاجات بالفيزا بتعتك بالف جنيه مثلا و عدي 55 يوم و جه ميعاد السداد في احتمالين الحتمال الول انك تسدد ال الألف بالكامل و ده السليم و الاحتمال التاني انك تسدد الحد الدني اللي هو مثلا 200 جنيه طيب في حال تسديد ال الحد الدني بس هل ده يخليك تدخل في القوائم السلبيه ؟

---

لأ

سداد الحد الادنى في الموعد بيحطك في موقف كويس و عادي جدا

التأخر عن موعد السداد ببضعة ايام ثم السداد اسمه excess days و ده نقطة سوداء بس مش قوائم سلبية


تكرار التأخر او عدم السداد من اساسه بيحطك في قوائم سلبية



ارتفاع مديونياتك لا يضغك في قوائم سلبية و لكن حسب ارتفاعها قد يخفض من ال Credit Score بتاعك و دي حاجة طبيعية ان مش كل الناس سكور واحد ....... انا اخر مرة شفت سكوري كان Good ..... مش مقبول بس مش excellent بسبب ان مديونياتي في كل الكروت كانت عالية وقتها ..... بس مفيش قوائم سلبية و كل التسهيلات الائتمانية كانت حالتها تمام

هو الواحد يعرف ازاي تقييمه الائتماني ؟؟؟؟

اقتباس:

---

المشاركة الأصلية كتبت بواسطة MRBEBO

هو الواحد يعرف ازاي تقييمه الائتماني ؟؟؟؟

---

نفس السؤال للاستاذ احمد كمال هو حضرتك بتراجع علي i score ازاي ليهم موقع و لا لازم تزور بنك?

بتروح لاي بنك انت عميل فيه و بتطلبه بيطلع لك و بتدفع رسوم جوالي 30 او 50 جنيه

انا صيدلي اعمل في شركة ادويه , و في شهر 10/2012 حضر لمقر الشركه مندوب من بنك باركليز و اقنعني بعمل بطاقة إئتمان و انها في حالة عدم استخدامها لمدة 6 اشهر تصبح منتهيه و بالفعل عملتها و لم استخدمها و في شهر يناير 2014 فوجئت بالبنك يتصل بي و يخبرني بان يجب على دفع 485 جنيه لان الكارت جدد تلقائيا في 10/2013 و من ثم يجب دفع مصاريف الكارت و غرامات تأخير و بعد مفاوضات كثيره توصلت لتسويه و هي دفع 185 جنيه مصاريف الكارت فقط و لكن رفضوا اغلاق الكارت حتى يوم 30/9/2014 , و الان معي كشف حساب يثبت ان ليس على مبالغ و لكن فوجئت بنزولي بلاك ليست في البنك المركزي , فماذا افعل ؟