الموضوع: اشترى دلوقتى ولا استنى؟

حتى لو فى خصم هيكون كام يعنى وبعدين قيمه الجنيه ساعتها بكام توكل على الله للاسف محدش بقى فاهم حاجه

المشاركة الأصلية كتبت بواسطة khaabas

انتا مستريح لايه متديش عقلك لحد والاسعار فى كل العربيات مبالغ فيها فى الوقت ده
شوف احتياجات ايه وعلى هذا الاساس اختار
ولو هتجيب قسط طيب متشوف الوحش الكبير اوى ( الهوندا ) احسن من الكلام ده كله

انا دماغى واكلاها الاكسنت بصراحة بس الواحد مش هيغير كل شوية ف خايف البس فى الحيط
انا حاليا بشوف التيدا ف لو حد عنده تعليق عليها ينورنى كده
اه هجيب قسط بس بصراحة الاكسنت بعد ما غليت كده انا جبت اخرى مش عاوز ابهدل نفسى فى القسط و الهوندا معروف انها غالية و قطع غيارها غالية و كلها على بعضها هاى كده، خليها دى لو ربنا كرم الواحد كمان 5 10 15 سنة :d

سألت و ركبت نيسان تيدا النهاردة، بصراحة من جوة شكلها وحششششششششش حسيت ان اللادا القديمة بتاعتى sexy من جوة عنها :D
ميزتها الوحيدة انها ب 120 فيها اير باج و ABS
اكسنت بقى فى ب 126 بعد الخصم و فيها 2 اير باج و ABS بس مش تارة مالتى لسه، بفكر جديأ فيها دى عشان الأمان بصراحة

ايه رأيكوا؟ 7 الاف زيادة مقابل 2 اير باج + ABS ؟

المشاركة الأصلية كتبت بواسطة matantawy

حسيت ان اللادا القديمة بتاعتى sexy من جوة عنها :D

ههههههههههههههههههههههههه ههههههههههههههههه
والله الاكسنت حلوه ما شاء الله وقطع غيارها رخيصة ( طبعا من بره التوكيل ) واتوكل على الله على الفكرة الدولار النهاردة بقى 9 ج خليك متردد كتير
وفعلا مفيش اى مقارنة بين التيدا والاكسنت الاكسنت احسن مليون مرة

المشاركة الأصلية كتبت بواسطة Batman372

مع احترامى لحضرتك ... مفيش اى مقارنه التيدا بالاكسنت ... اكيد طبعا التيدا افضل ... و بالنسبه للشكل الداخلى طبعا دى مسأله اذواق ... لكن مش لدرجه الادا :)
و بالنسبه لسؤال حضرتك الاساسى ... طبعا اشترى الان لان الدولار فى الطالع ... و مش حينزل او بمعنى دقيق مفيش اى حاجه اتعملت علشان حتى تثبته ...
بالتوفيق ... تحياتى ...

انا مش بقول ان التيدا كعربية سيئة انا بقول التابلوه محستوش خالص فى الهاتش باك اللى لقيتها فى المعرض
مشاكل التيدا كالاتى زى ما سمعت:
قطع غيارها مش متوفرة
هينزل منها شكل جديد يعنى هشتريها و تبقى القديمة بعد اسبوع
مش حاسسها شكل خالص يعنى تقليدية بزيادة و التابلوه فعلا كان شكله غريب و لا يقارن بالاكسنت و الغريب انه غير اللى فى الصور، اللى فى الصور مبلوع شوية عن اللى شفتها فى معرض نيسان اللى فى شارع النزهة

ميزة التيدا الوحيدة بالنسبالى هو الايرباج و الABS فيها من فئة 120 الف، اه ممكن تكون ثبات اكتر حبة و اعلى حبة عن الاكسنت و الكلام ده بس مش حاسس ان ده يخلينى اغير رأى و خاصة انى ممكن اتحمل الفرق فى الاكسنت و ربنا يكرم و يسهل من عنده

انا ان شاء الله هبدأ اجراءات مع بنك ناصر، حد يعرف الاجراءات ممكن تاخد وقت قد ايه؟ انا هحط وديعة ان شاء الله يعنى مفروض ميبقاش فى تأخير بسبب الكشف على المرتب و الضامن و الكلام ده، مظبوط؟؟
لأن المعرض خوفنى الخصم ال3 الاف يروح منى :(

و بالنسبة للادا، انا اسف بس هتفضل هى سيدة قلبى :D انا كنت بعاملها كأنها 4x4 اقسم بالله و بتغاشم مع سواقين ميكروباص و مكانتش بتفتح بقها و وانا فى سوق السيارات الجمعة المشتريين كانوا بيجروا ورايا الحمد لله

ياللا الحمد لله و ربنا يكرمنا و يكرمكم جميعا على مساعدتكم انتوا ناس ما شاء الله

هات الحاجه اللي حضرتك مرتاح لها فلو حضرتك عاجباك ال rb توكل علي الله و هي عليها ضمان ٥ سنين و ده شئء ظريف. عايز بس أصحح معلومه و هي ان قطع غيار التيدا موجوده لان العربيه بتنتج من سنوات بنفس الشكل فمفيش مشكله في قطع الغيار لا داخل التوكيل و لا بره و نقطه كمان مش في التيدا بس لكن في اي عربيه هل في حد بيشتري عربيه زيرو و يروح يجيبلها قطع غيار بره التوكيل و يصلحها في ورشه و يسقط الضمان؟ طيب بيشتري زيرو ليه ما يجيب مستعمل ارخص و يبقي يركب لها اي قطع غيار و يصلحها في اي حته.

ده شكل التابلوه اللى لاقيته و بقول عليه وحش من وجهة نظرى طبعا