الموضوع: اشترى دلوقتى ولا استنى؟

طالما انت استريحت للاكسنت توكل على الله الحاجات دي ازواق في الأول وفي الأخر بس لو مكنتش شوفت الكيا الريو شوفها عشان تشتري عن اقتناع تام وربنا يوفقك للخير
بخصوص سؤالك عن بنك ناصر انا كنت مقسط العربية بتاعتي معاهم بصراحه انا اعتقد انه احسن بنك في مصر في موضوع التقسيط ده فايده أقل ومش هيجبروك على التامين على العربية انت وراحتك ومش بتمضي على شيكات والكلام الفاكس ده ومش بياخدوا نسخه من المفتاح زي باقي البنوك غير كده كمان مش بيوردوا تمن العربية غير بعد ما بترخص العربية وتبقى باسمك وده بيضمن لك فلوسك وحقوقك لو لاقدر الله حصل اي مشكله في الورق ومعرفتش ترخص زي عدم وصول الأفراج الجمركي مثلاً صحيح دي حالات نادره لكن حصلت مع كذا معرض وكان اشهرهم الفرسان اللي باع العربيات ومجابش الافراج الجمركي فبقى الناس معاها عربيات مش عارف ترخصها وكانت مشكله كبيره
بس عيب بنك ناصر الوحيد من وجهت نظري انه لازم عشان تجدد ترخيص العربية تاخد ورق من الفرع اللي انت بتتعامل معاه وتروح تختمة من فرع وسط البلد وكنت اتمنى اني اخلص كل ورقي من الفرع اللي بتعامل معاه من غير مشوار وسط البلد ده بس برجع اقول مش مشكله مهو برضوا لو اي بنك تاني كنت هعمل مشوار لشركه التامين غير مشوار البنك فهي هياها بقى

توكل على الله والف مبروك مقدماً

المشاركة الأصلية كتبت بواسطة mhkorayem

بس عيب بنك ناصر الوحيد من وجهت نظري انه لازم عشان تجدد ترخيص العربية تاخد ورق من الفرع اللي انت بتتعامل معاه وتروح تختمة من فرع وسط البلد وكنت اتمنى اني اخلص كل ورقي من الفرع اللي بتعامل معاه من غير مشوار وسط البلد ده بس برجع اقول مش مشكله مهو برضوا لو اي بنك تاني كنت هعمل مشوار لشركه التامين غير مشوار البنك فهي هياها بقى

توكل على الله والف مبروك مقدماً

انا لسه راجع من فرع وسط البلد فعلا عشان اختم الورق :d هى حركة رخمة بس اهو رحت الساعة 8 و نص اتخانقت مع موظف عشان قاللى انا لسه هفطر تعالى بعد ساعة !! بس خلصت الختم فى 10 دقايق بعد ماشافنى داخل شمال و روحت ف الحمد لله و ان شاء الله ميبقاش الحوار ده ازمة و اهى مرة فى السنة

بصراحة اللى عجبنى كمان الموظف بتاع بنك ناصر فرع اول مكرم اسمه أ/احمد سامى، شاب كده جدع اوى و قعد يفهمنى كل حاجة و ينصحنى و ادانى تليفونه و حاجة ما شاء الله ربنا يكرمه بجد، لو حد رايح الفرع ده يسأل عليه و يتعامل معاه !

المشاركة الأصلية كتبت بواسطة matantawy

انا لسه راجع من فرع وسط البلد فعلا عشان اختم الورق :d هى حركة رخمة بس اهو رحت الساعة 8 و نص اتخانقت مع موظف عشان قاللى انا لسه هفطر تعالى بعد ساعة !! بس خلصت الختم فى 10 دقايق بعد ماشافنى داخل شمال و روحت ف الحمد لله و ان شاء الله ميبقاش الحوار ده ازمة و اهى مرة فى السنة

بصراحة اللى عجبنى كمان الموظف بتاع بنك ناصر فرع اول مكرم اسمه أ/احمد سامى، شاب كده جدع اوى و قعد يفهمنى كل حاجة و ينصحنى و ادانى تليفونه و حاجة ما شاء الله ربنا يكرمه بجد، لو حد رايح الفرع ده يسأل عليه و يتعامل معاه !

طيب الحمد لله والف مبروك يا باشا العربية الجديده
بس سؤال بقى هو الفايده دلوقتي بقت كام عشان انا كنت شاري من 2008 ومش عارف الفايده لسه زاي ماهي ولا في اختلاف وطلباتهم دلوقتي بقت ايه بالظبط في الاوراق عشان كنت سامع انهم غيروا النظام شويه عن زمان

المشاركة الأصلية كتبت بواسطة mhkorayem

طيب الحمد لله والف مبروك يا باشا العربية الجديده
بس سؤال بقى هو الفايده دلوقتي بقت كام عشان انا كنت شاري من 2008 ومش عارف الفايده لسه زاي ماهي ولا في اختلاف وطلباتهم دلوقتي بقت ايه بالظبط في الاوراق عشان كنت سامع انهم غيروا النظام شويه عن زمان

الله يبارك فيك يا باشا و يا رب استلنها بقى انا مستنى الافراج الجمركى، ربنا ينتعه بالسلامة

الفايدة بقت 6.5% و اى معلومات تانية هتلاقيها على اللنك ده، فيه الورق المطلوب و المصاريف و الامكانيات زى ضامن او موظف حكومى او وديعة و كل الكلام ده
بنك ناصر الاجتماعى- تمليك السيارات الملاكى

لو فى سؤال فى جزئية معينة اسأل و لو اعرف مش هتأخر عليك فى الرد

المشاركة الأصلية كتبت بواسطة mrsailor

اشترى الشارك مانيوال نازلة 2013 كاملة ب 124000 جنيه .. ميتسوبيشى يابانى برقبة الاكسن

محتاجها اوتوماتيك للأسف و تكون موفرة فى البنزين