اشترى دلوقتى ولا استنى؟

**matantawy** · 31-03-2013 01:43 PM

انا ناوى اجيب اكسنت 2013 اول فئة فى الاتوماتيك اللى هيا ب 122 الف -حار و نار فى جتتهم!-

طبعا الاسعار بتزيد كل اسبوعين مثلا ف انا محتار اجيب بسرعة يلا و لا مثلا فى فرصة لتخفيض او offers قريب؟ انا مليش فى العربيات بصراحة بس يعنى مثلا فى حاجات بترخص فى رمضان :D

السؤال بقى هل فى مناسبة قريب هيبقى فيها فرصة لتخفيضات كده؟ و لا الواحد لازم يلحق دلوقتى قبل ما تغلى اكتر؟

و اه عارف ان فاتنى عرض الشهر اللى فات بتاع تخفيض 3 الاف :S

و اه انا عارف ان المقروض الواحد ميشتريش عشان ميشجعهمش على الجشع بس انا للأسف معنديش اختيار لأنى ماشى بعربية مش بتاعتى و اخرها معايا الصيف ده و بعد كده هبقى موتو رجل :D

**khalid_adel** · 31-03-2013 03:47 PM

بص حسب احتياجاتك للعربيه يعني لو محتاجها اوي اخلص وهاتها النهارده قبل بكره لان علي الاقل حتوفر التاكسي ولا كانك ماجر عربيه وتستمتع بالموديل من بدري قبل ماسنته تخلص
لكن لو ممكن تستني ومش فارقه معاك عربيه اوي خلاص استني

**khaabas** · 31-03-2013 04:03 PM

يا باشا ألحق كل يوم بقى بسعر جديد

**Ghosts** · 31-03-2013 07:37 PM

عمرى ما سمعت عن تخفيضات عملها غبور لا فى رمضان ولا غيرة ....
توكل على اللة .. هو فى حاجة فالبلد دى بترخص أبدآ؟؟!!

**monamize4** · 31-03-2013 08:33 PM

المشاركة الأصلية كتبت بواسطة khaabas

يا باشا ألحق كل يوم بقى بسعر جديد

المشاركة الأصلية كتبت بواسطة ghosts

عمرى ما سمعت عن تخفيضات عملها غبور لا فى رمضان ولا غيرة ....
توكل على الله .. هو فى حاجة فالبلد دى بترخص أبدآ؟؟!!

للاسف الكلام دا هو الصح

**matantawy** · 01-04-2013 12:53 AM

المشاركة الأصلية كتبت بواسطة devil_storm

غابور و معظم التوكيلات بيعملوا تخفيضات في رمضان علشان بيخلص من موديل السنه قبل ما ينزل موديل السنه الجديده و اكيد بيكون في تخفيضات في رمضان بس انت تضمن منين ان الدولار حيثبت سعره علي كده!!! للاسف الدولار كل يوم بيزيد والله اعلم بكره في ايه!!!

مانا بقول لنفسى كده برضه بس قلت اسأل الناس الفاهمة يمكن شايفين حاجة مش فاهمها، ان شاء الله هبدأ إجراءات و هبقى قسط طبعا للأسف

سؤال بقى، القسط انا اسمع ان بنك ناصر احسن و احن حاجة، حد شاف عيب فى بنك ناصر؟
انا اسمع انه 6% و تسهيلات حلوة كده و ممكن معملش تأمين لو حطيط وديعة يعنى

هل حد بقى سمع حاجة وحشة عنه؟

و الف شكر لكل اللى ردوا طبعاً

**Ghosts** · 01-04-2013 02:15 AM

المشاركة الأصلية كتبت بواسطة devil_storm

غابور و معظم التوكيلات بيعملوا تخفيضات في رمضان علشان بيخلص من موديل السنه قبل ما ينزل موديل السنه الجديده و اكيد بيكون في تخفيضات في رمضان بس انت تضمن منين ان الدولار حيثبت سعره علي كده!!! للاسف الدولار كل يوم بيزيد والله اعلم بكره في ايه!!!

مين عارف؟؟!! كل شىء جايز ....

**dadapharma** · 01-04-2013 01:45 PM

في خصم 5000 جنيه على الالنترا و الأكسنت أر بى فى فروع غبور المفرض أنه كان هيخلص أمبارح بس مدير الفرع ألى أنه هيتمد فى الغالب .. أنا حجزت أمبارح و ممكن تكلم 16661 تتأكد أن العرض سارى.. بالتوفيق..