سؤال بالنسبة للنمر الجديده

**D . a .\ AYMAN** · 07-08-2008 11:42 PM

المشاركة الأصلية كتبت بواسطة chihab18

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

المشاركة الأصلية كتبت بواسطة chihab18

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

لأ ياباشا النمرة هتتغير لو غيرت من محافظة للتانية لأن كل محافظة ليها تلات حروف مستقلين ومختلفين بيشيروا للمحافظة التابعة ليها السيارة والأرقام بتشير للمرور التابع ليه السيارة بداخل المحافظة

وبعدين موضوع انها تتفك وتتركب دي عبيط قوي لأني لسة باصص على عربية انهارده شايلة النمر الجديدة وقعدت أدقق فيها بقى لاقيت انهم مبرشمينها في الإكصدام ببرشام لونه أبيضولو جيت تشيلها البرشام هايتكسّر بس عادي شوية وهاتلاقيها منتشرة انها اتشالت من خبطة مثلا والناس راحت لازقاها بأمير أو تخرمها وتثبتها بسامير برضه ... وحتى موضوع عدم القابلية للتزوير ده لأنهم حاطين عليها شريط كمبيوتر زي البار كود الغير قابل للتزوير (على فكرة ممكن يتزور دلوقتي عادي زي العلامة المائية بتاعت الفلوس بس همة لسة عايشين أيام زمان لما كان غير قابل للتزوير) كل ده هايتعمل ويتصلح ويتفك ويتلزق وكل حاجة أمال السمكرية هايشوفوا شغلهم أزاي

ماهو لو رسمي المرور فقط من له الحق في نزع أو تركيب اللوحات الجديدة طبقا للقانون الجديد (يعني قبل ماروح للسمكري لازم أروح للمرور عشان أدفع تلاتين عفريت لما يركبوهم عشان يتكرموا ويفكولي النمرة (مع إحتمال ان العربية ممكن تكون إتخبطت ومابتمشيش أصلا) وبعد لما أخلص السمكرة أروح تاني عشان يركبوهم ده شغل عبط من ناس مش عرفة البلد ماشية إزاي وبيتعمل فيها إيه

**Sharky** · 08-08-2008 01:02 AM

المشاركة الأصلية كتبت بواسطة chihab18

النمره ملتصقه بالسيارة الي حين احاله للمعاش اي الي ان تصبح خرده تظل بنفس رقمها مهما غيرت من محافظة لاخري

كلام مظبوط و كان قاله مدير الإدارة العامة للمرور فى التليفزيون

**D . a .\ AYMAN** · 08-08-2008 01:11 AM

والله جايز بس انا كنت قريت غير كده في الأهرام

**Sharky** · 08-08-2008 01:23 AM

كان نازل برضه فى الاهرام و الاخبار

**TAG_Turbo0** · 08-08-2008 04:38 PM

والله موضوع النمر ده حاجه تحير وشكلها هتفشل ويرجعوا للنمر القديمه تانى

**Sharky** · 08-08-2008 10:36 PM

المشاركة الأصلية كتبت بواسطة TAG_Turbo0

والله موضوع النمر ده حاجه تحير وشكلها هتفشل ويرجعوا للنمر القديمه تانى

ليه ماله يا محمد؟

**Adham** · 09-08-2008 01:15 AM

ايوة بس العربيات اللي لسة ميعاد الفحص مجاش برضة حاتوديها المرور علشان يركبوا النمر الجديدة وللا حانفحص تاني (بقرفة و غتاتتة و باباغنوجة و سلاطاتة) ههههههههههههه

و للا طالما الفحص ميعاده لسة مجاش يبقى النمر ماتتغيرش

انا اصلا معايا تصريح مؤقت من مرور مدينة نصر علشان بقالة سنة مافيهوش نمر اصلا

**NaderNabil** · 09-08-2008 01:20 AM

يا جماعة انا مرخص في 5 اللي فات....و المفروض مرخص 3 سنين

يعني الضريبة و التأمين و الفحص لمده 3 سنين..و ده مكتوب في ضهر الرخصة

لكن...في وش الرخصة مكتوب نهاية التصريح في 5\2009....يعني اعطوني سنة خلالها لازم اكون روحت و غيرت النمر و الرخصة....و ده انا شوفته في جميع سيارات معارفي من ساعة ما قالوا يا قانون يا جديد

**Sharky** · 09-08-2008 01:34 PM

المشاركة الأصلية كتبت بواسطة NaderNabil

يا جماعة انا مرخص في 5 اللي فات....و المفروض مرخص 3 سنين

يعني الضريبة و التأمين و الفحص لمده 3 سنين..و ده مكتوب في ضهر الرخصة

لكن...في وش الرخصة مكتوب نهاية التصريح في 5\2009....يعني اعطوني سنة خلالها لازم اكون روحت و غيرت النمر و الرخصة....و ده انا شوفته في جميع سيارات معارفي من ساعة ما قالوا يا قانون يا جديد

كلام مظبوط لإن دا إللى حصلى و انا بجدد الميجان