معايا عربية فيرنا 2007 هاف وعايز اخليها كاملة... ده هيكلفني كام ومين مضمون أعملها عنده!!
شكرا لإهتمامكم...
عرض للطباعة
معايا عربية فيرنا 2007 هاف وعايز اخليها كاملة... ده هيكلفني كام ومين مضمون أعملها عنده!!
شكرا لإهتمامكم...
انا مش فاكر كانت بتنزل بايه في الهاف
بس ممكن تقولنا ايه الكماليات اللي فيها و عايز تركب ايه ؟؟
شكرا على الرد يا عمرو...
العربية فيها سنتر وبور وكاسيت وتكييف... أنا عايز اخليها كاملة يعني زجاج كهربائي ووحدة رفع و rpm وانذار وعايز اركبلها سماعات حلوة وزينون...
بس الزجاج عايزه يبقى كانوا بتاعها يعني عايز اغير فرش الببان... الكلام ده تكلفته تبقى كام ويتعمل فين!!
اقتباس:
المشاركة الأصلية كتبت بواسطة memo1012005
انذار و سنتر عندك وولف و توكيله في اخر ش جسر السويس ورا اسواق القنال انذار و سنتر سعرهم تقريبا 300 ج و ضمان 3 او 5 سنين من التركيب و بصراحة نوعية نضيفة و في التوكيل تركيب ع نضيف و فيه واحد جنبهم بيبع وحدات رفع و ممكن تقريبا في وولف يركبوها و يوصلوها ع الانذار و السنتر
ار بي ام عندك في دمشق ابراهيم و في الحرفيين tps
السماعات ع حسب ميزانيتك او ناوي ع ايه يعني ايه اللي عايزه في الصوت اللي تسمعه و ناوي تركب حاجة اضافية غير سماعتين و لا لأ فهمني عشان اقولك اللي يناسبك و الهيد يونت ( كاسيت او سي دي ) اللي راكب نوعه ايه ؟
الزينون بصراحة المضروب بقي منتشر بس ممكن تشوف محل المدينة في ش دمشق قدام بنزينة التعاون اللي اعرفه ان ده بقي توكيل فيليبس و بيوزع ع اللي حواليه كمان و شوفت اللمبات عنده كلها كانت أصلية بختم الشركة و اللمبة نفسها واضحة , اي لمبات تعوزها من عنده و انت مغمض
بخصوص الازاز الكهربا ممكن تجيبهم استيراد و تركبهم عندك بس مقدرش افيدك فيها ممكن رجالة هيونداي يفيدوك اكتر مني
وحده رفع و انذار و سماعات و زينون أمرهم سهل و ممكن يركبوا علي اي عربيه . اللي رخم شويه الزجاج الكهربائي و ال rpmاقتباس:
المشاركة الأصلية كتبت بواسطة memo1012005
لو عايز نصيحتي دور علي واحده كامله حالتها حلوه و بيع عربيتك و اشتريها او بدلها بيها و ادفع فرق. حضرتك كده كده هتدفع فلوس طيب ما تدفعهم في حاجه مضمونه و شغاله قدام عينك حتي و لو أغلي شويه و بكده ترحم نفسك من وجع القلب مع الصنايعيه و المشاكل اللي ممكن تطلعلك و بعدين خللي بالك لما تيجي تبيع هيتقال عليها هاف اوبشن متعدله و ده مش هيعلي سعرها و هتلاقي الفلوس اللي دفعتها في التعديل ما اضافتش لقيمه العربيه و لا حاجه و اللي بيشتريها هيقولك و انا مالي انت كنت بتركب الحاجات دي علشان نفسك مش علشاني
اللي في العربية كاسيت... أنا هجيب cd وسماعتين هركبهم ورا بدل الاصليين... قولي على حاجة كويسة واجيبها منين ومش عايز حاجة غالية اوي...
بس أنا اهم حاجة عايز أعرف تكلفة الازاز كام وأجيب الفرش والمكان منين... الاولوية للازاز يعني :d
اقتباس:
المشاركة الأصلية كتبت بواسطة land_cruiser
ماهو عشان كده عايز اغير الفرش بتاع الببـان علشان تبقى زي الأصلي... ولا حضرتك شايف ان دي فكرة فاشلة!!
اقتباس:
المشاركة الأصلية كتبت بواسطة memo1012005
اللي يفيدك في قصة الازاز زي مقولتلك رجالة هيونداي هم ادري مني
بخصوص الهيد يونت سي دي ارشحلك سوني 500 و السماعتين برده ع حسب بس ع الترتيب من وجهة نظري كينوود - بايونيير - سوني بس هم التلاتة عامة كويسيين لا غبار عليهم كينوود بيز مكتوم اكتر البايونيير وسط بين النقاء و البيز السوني نقاء أفضل و بيز اقل
انا مش مؤيد للفكره بتاعه تغيير الفئه دي بصراحه وحاسس ان النتيجه هتبقي مش قد كده بس ممكن حضرتك تعمل فكره كويسه و هي ان حضرتك تشوف التكلفه بتاعه الحاجات دي كام بالمصنعيه و في نفس الوقت دور علي مواقع بيع المستعمل علي عربيه فيها المواصفات اللي حضرتك عايزها و بالمره تبقي موديل أحدث او عداد كيلومتر اقل و معاها الكماليات و شوف سعرها هيبقي كام و هتدفع فرق كام عن عربيتك و الفرق ده قد ايه عن ثمن الكماليات. انا بافكر في الحل ده علشان الفيرنا بيعها سهل و ده هيخليك تعرف تبيع عربيتك بسعر حلو و تلاقي واحده كويسه لان المعروض منها كتير لان اللي بيتباع منها كتير برضه فده منطقي و خد وقتك في البحث عن طريق مواقع بيع السيارات زي كونتاكت كارز و غيره و بعد ما تشوف عربيه او عربيتين معروضين مثلا هتبقي عارف رينج السعر اللي بتدور فيه فالصورة هتبقي واضح أمامك فلو لقيت حاجه كويسه يبقي بيع عربيتك و اشتري التانيه و بكده تبقي في المضمون بس تكشف علي التانيه كويس و لو علي اسوأ الظروف ما لقتش يبقي امشي في مشروع التحديث بتاع عربيتك بس ابقي حاطط في دماغك انك مش هتبيع قريب علشان ما تخسرش تمن الحاجات اللي ركبتها و بالتوفيق ان شاء الله لما فيه الخيراقتباس:
المشاركة الأصلية كتبت بواسطة memo1012005