والله يادكتور دي حاجه بسيطه
دا الواحد نفسه يخدم الناس ومحدش يحصله اي مشكله
تجارب الاخريين ما هي الا مرجع للاخوه هنا
انا قبل مروح المرور كان نفسى حد يقولى الخطوات
ودي حاجه بسيطه جنب تقاريرك الى الواحد استفاد منها جدا بفضل الله
عرض للطباعة
السلام عليكم ورحمه الله وبركاتة
الى الجميع
انا جددت الرخصة اول امس
اولا الاوراق اللى كانت مطلوبة
شهادة رمد
شهادة باطنى
نموزج 56 من المرور ورئيس نيابة المرور يؤشر علية ان الرخصة ليس عليها مخلفات
صورة البطاقة
اصل الرخصة واصل البطاقة
وتسلم جميع الورق ثم يتم مراجعة وكتابة الرخصة على الكمبيوتر ثم تتصور
وبعدين تتطلع الرخصة
قرات ان بعض الاصدقاء بيسالوا على رخصة العربية
رخصة العربية ليس لها علاقة برخصة القيادة
الاهم هو البطاقة (( رقم قومى ))
الرخصة الجديدة فيها الاتى :
الرقم القومى
الاسم بالعربى والانجليزى شكلها قريبا يمكن تكون دولية (( مكتوب فيها حرف b )) اعتقد دة معناة خاصة
الوظيفة حسب ما هى مكتوبة فى الرقم القومى (( حتى لو كان مكتوب انك طالب وانت الان موظف ستكتب طالب لو عاوز تغيرها يبقى غير البطاقة قبل ما تروح للرخصة ))
المرور كاتب تعليمات الان ان الرخصة تجدد قبل المعياد بشهر دة فى مرورى الله اعلم بالمرور الاخر
اخيرا التكاليف
كانت نموزج 56 بمبلغ حوالى 50 جنية
وفى الجزينة تدفع كمان حوالى 20 جنية
وشكر لكم
تسلم ايديك ياباشا
الله ينور عليك فى تقريرك الرائع ده
حاجه متخطرش على البال
المفروض الواحد يحفظ الخطوات دى فى ورقه على جهاز الكمبيوتر عشان اما يجى عليه وقت تجديد الرخصه يبقا عارف هيتصرف ازاى
تحياتى لحضرتك
يااااااااااااه فكرتني لما جيت اجدد رخصة القيادة .. كنت عملت حادثة قبل كده بعربيتي الكورولا من 8 سنين و لما جيت اجدد رخصة القيادة لاقيت اني عليا مخالفة بـ 25 جنيه .. اتاري امين الشرطة اداني مخالفة .. تصور في عز الحادثة و كانت جامدة و العربية اترفعت علي ونش .. مع العلم ان رخصتي عمرها ما اتسحبت الا لما اتعملت الحادثة و اخدتها في نفس الوقت
الف شكر يا جميل علي التقرير الهايل ..
توبيك مفيد جداااااااااااا
بس حسستوني انكو عجزتو ههههههههههههه
او عملتو الرخصة في بداية عمركو لما كانت الرخصة بتطلع ب 2 لواء و3 ظباط و 5 مخبرين ههههههه
توبيك جميل وليه رجعة ان شاء الله قرب أول ترخيص
شكرا ليك على الموضوع المفيد
انا اكتشفت النهاردة بالصدفة ان الرخصة منتهية في شهر 2
والمشكلة ان هغير لمرور تاني طبقا للرقم القومي