لكل المهتمين بحرق الدهون والحصول علي جسم متناسق

**Mamoud salah H** · 11-04-2013 05:56 PM

المشاركة الأصلية كتبت بواسطة y a r i s

لا معليش وحدة وحده تاني الله يباركلك
افهم من كلامك ان ممكن الواحد ياخود حبه امينوا وحبه ليبل ٦ في نفس اليوم !!!
علشان الليبول ينزل الهنش والكيرش. والامينو يغزي عضلات الكيتف هو ده قصدك !
النقطة التانية. بكام الامينوا وهو عبارة عن ايه ! وهل ليه اي اعراض جانبية !

النقطة التالت : عاوز حد فاهم ومجرب يقلنا استخدم الليبول ٦ ازاي يعني اكول واخد حبه ولا قبل الاكل ولا بعد التمرين ولا نعمل ايه بالزبط. حاكم في ناس تقلك قبل الاكل وناس تقلك لا ده بعد الاكل وفي الي بيقول لا ده بعد التمرين واحترت. يعني حتى بتاع الجيم بيقول ان الامينوا. بيستخدم. بعد ما تتمرن تالت اسابيع

وبصراحة انا حاسس اني انا بتخن مش بخيس من بعد ما بطلت الشيتوا كال :) وتحياتي

بص حضرتك انا مش هضحك عليك انا عمري ماخدت اي حاجة من الحاجات دي بس قريت وسالت كتيير او بقالي 4 شهور ببحث وكدة والي عرفته ان الانيمال كات بيعمل علي تخسيس الدهون في كل ممناطق الجسم مش مناط معينة وبيصفي المية الي تحت العضلة عشان تننشف عضلات جسمك وتبرزها ودة طبعا هيؤدي لفقد جزء من الكتلة العضلية وهنا بقي بيجي دور الامينو
واليبو6 بقي دة بيركز علي الدهون الثلاثية في الجسم زي الهنش والوسط واسفل الصدر والبطن والمناطق الي بتتراكم فيها الدهون المعقدة(الثلاثية او ثنائية)

وبالنسبة بقي لطريقة تناول الحبوب ددي امتة وازاي فانا مش عارف عشان مجربتش بس الي اعرفه ان كل منتج ليه عدد حبوب معينة في اليوم الواحد وبتبقي مكتوب علي العبوة

يعني من الاخر الانيمال كات عشان لو انت عندك نسبة دهون مغطية علي عضلاتك هو دورة يسيح الدهون دي ويصفي العضلة ويبرزها ويخليها منحوتة بشكل متناسق كدة

الحاجة الي انا متاكد منها 100% انك لازم تشرب ميااه بكميات كبيرة في اليوم عشان تتفادي اي عرض جانبي ممكن يحصل

والليبو6 عشان تتخلص من الدهون العنيدة في مناطق الصر والبطن والوسط والهنش

**micromoud** · 11-04-2013 06:15 PM

الاولى اننا بدل ما ندور على الامينو او الليبو 6 اننا نعرف اصلا طبيعه جسمنا والوزن الزيادة المفروض اننا نتخلص منه اد ايه واخر حاجه نتكلم فيها هى المكملات عشان مترميش فلوسك فى الهوا ... والصح اننا نعدل من طريقة أكلنا وغذائنا و معدل شرب المياه فى اليوم احنا كلنا عندنا مشاكل كبيرة بسبب العادات الغذائية الخاطئه واللى منا بياكل مسبك ويفضل بعدها ساعتين تعبان وكمان ينام بعد الاكل وبيسأل نفسه وغيره هو انا كرشت وبقيت بقيت بتعب ليه مع انه لسه فى عز شبابه ..!! وبعدين انت برضه يعنى لما تروح تشترى حجات خاصة بناس رياضيين بياخدوا الحجات دى عشان تصفيه العضلات وادرار البول من الجسم يبقى اكيد انت بتفكر فى سكة مش سكتك ... ارجو ان احنا نركز فى الموضوع على البرامج الغذائية اكتر والفيتامينات والناس اللى ليها تجارب فى المجال ده

**micromoud** · 11-04-2013 06:21 PM

المشاركة الأصلية كتبت بواسطة y a r i s

سعروا ٣٠٠ جنية
والكات ٣٦٠ جنية

بس في واحد بيشتغل في جيم بيقولي ان لو خدت حبوب امينوا هيسيحلك كل الدهون الي في جسمك. ويحولها عضلات وبيقول على حسب كلاموا انوا احسن من الليبوا ٦ مزبوط الكلام ده ياشباب ولا ايه الكلام !

يا باشا نصيحه لوجه الله حاول تقرا اكتر ما بتسمع وخصوصا هنا فى مصر الفتى شغال على ودنه يعنى لما واحد يقول انه بيسيح الدهون ويحولها عضلات يبقى ازاى ده تاخد منه معلومه ... هبسطهالك يا عم يارس هو انت لو عندك سيخ كفته وعليه دهن عمرك شفت الدهن ده بعد لما بيسيح من النار يتحول ل لحم ؟

**أحمد الجندى** · 11-04-2013 06:38 PM

متابع

**Y a r i s** · 11-04-2013 07:06 PM

المشاركة الأصلية كتبت بواسطة micromoud

يا باشا نصيحه لوجه الله حاول تقرا اكتر ما بتسمع وخصوصا هنا فى مصر الفتى شغال على ودنه يعنى لما واحد يقول انه بيسيح الدهون ويحولها عضلات يبقى ازاى ده تاخد منه معلومه ... هبسطهالك يا عم يارس هو انت لو عندك سيخ كفته وعليه دهن عمرك شفت الدهن ده بعد لما بيسيح من النار يتحول ل لحم ؟

اوقعد بقه جوعنا وفكرنا بسيخ الكوفته والكباب خليت لوعابي سال وانا بفكر في العملية دي. لا بص هو الدهون دي عبارة عن ايه مش عبارة عن كلوري. تقريباً او طاقة انتا محرقتهاش فتبتدي تتخزن. فالحجات الي بيقولوا عليها الاخوان هنا ... ان الادوية دي بتسيح الدهون العنيدة الي متخزنة بقالها مدددة. وبتديك طاقه. وانتا بتحرق الطاقه دي بقة في المشي في الشغل في لعب شوية رياضة كده يعني فاهمني

ايضاً موضوع القراية طيب ماهو القرايه هيا نوع من انواع السمع لكن بعيونا ... لان مثلاً لو كتبت على محرك البحث اي نوع دوى برضوا هنقعد نقرى تجارب الناس وفي منهم الصادق الامين وفي منهم الي هو شغال في الشركة دي وبيعل دعايه لانوا رجل مبيعات ... وفي الي عاوز الناس كلها تجربها معاه علشان لو حصل لاقدر الله عقم ولا ضعف ههههه

يجلنا كلنا سوى ههههههه .... بس في ناس بتنصح لوجه الله زي ما اخونا وحبيبنا صاحب الموضوع. شوف مثلاً المشاركة بتاعتوا الراجل صادق وبكل صراحه قلك انا مجربتش انا سمعت او انا قرءت ... وتحياتي ليك ولصاحب موضوع ولجميع الاعضاء وعندما تتعدد الاراء نثري الموضوع وباذن الله نستفيد. ونفيد :) وتحياتي

**nouranwar** · 07-06-2013 08:09 PM

اشتريت انيمال كت ب 395 جنيه من صيدلية في ميامي قبل 45 علي البحر علطول
بقالي 4 ايام مستمر عليه 9 برشامات علي الريق و 9 بعديهم ب 6 ساعات و مفيش اي تأثير نهائي ولا عرق ولا ضربات قلب بتزيد ولا اي تأثير من اللي قريتهم هنا او علي الموقع او اي منتدي للمكملات تاني
هل هيبان تأثيره بعد فترة ؟ يعني ممكن يبانله تأثير مع الاستخدام ؟ عامة انا فاضلي 17 يوم يارب اشوفله تأثير
لسه واخد الجرعة التانية دلوقتي و نصف ساعة كده و هروح الجيم ان شاء الله حبيت استفسر بس فيه حد جربه و معملش حاجة معاه ولا ايه ؟

**KoKyKa** · 07-06-2013 09:22 PM

المشاركة الأصلية كتبت بواسطة nouranwar

اشتريت انيمال كت ب 395 جنيه من صيدلية في ميامي قبل 45 علي البحر علطول
بقالي 4 ايام مستمر عليه 9 برشامات علي الريق و 9 بعديهم ب 6 ساعات و مفيش اي تأثير نهائي ولا عرق ولا ضربات قلب بتزيد ولا اي تأثير من اللي قريتهم هنا او علي الموقع او اي منتدي للمكملات تاني
هل هيبان تأثيره بعد فترة ؟ يعني ممكن يبانله تأثير مع الاستخدام ؟ عامة انا فاضلي 17 يوم يارب اشوفله تأثير
لسه واخد الجرعة التانية دلوقتي و نصف ساعة كده و هروح الجيم ان شاء الله حبيت استفسر بس فيه حد جربه و معملش حاجة معاه ولا ايه ؟

أنا متابع معاك

**sting_2010** · 07-06-2013 10:02 PM

الليبو ..فيه مادة شبيه بالايفديرين على جرعات عالية من الكافيين ..+ مادة شبيهة بهرمون الغدة الدرقية ومواد اخرى لا اتذكرها . ..واضراره اكثر من نفعه . ومش معنى انه ما ضرش واحد انه مش هيضر اللى بيستخدمه . !! وما دام مش واخد تصريح من منظمة الغذاء والادوية الامريكية ..فمعنى ذلك ان لا تجارب مؤكدة اجريت على اثاره الجانبية .. (اللى بعتبرها انا كارثية . ) ..طبعا بيدخلك فى حالة مزيفة من hyperactivity ..

نصيحة

اللى عاوز يخس يقلل اكله ويزود حركته . ويخس ببطء .!! خلاف كده بيضر نفسه على المد القريب ةالبعيد

**mazagngi2010** · 07-06-2013 10:30 PM

المشاركة الأصلية كتبت بواسطة sting_2010

الليبو ..فيه مادة شبيه بالايفديرين على جرعات عالية من الكافيين ..+ مادة شبيهة بهرمون الغدة الدرقية ومواد اخرى لا اتذكرها . ..واضراره اكثر من نفعه . ومش معنى انه ما ضرش واحد انه مش هيضر اللى بيستخدمه . !! وما دام مش واخد تصريح من منظمة الغذاء والادوية الامريكية ..فمعنى ذلك ان لا تجارب مؤكدة اجريت على اثاره الجانبية .. (اللى بعتبرها انا كارثية . ) ..طبعا بيدخلك فى حالة مزيفة من hyperactivity ..

نصيحة

اللى عاوز يخس يقلل اكله ويزود حركته . ويخس ببطء .!! خلاف كده بيضر نفسه على المد القريب ةالبعيد

كلام جميل