التكييف و الصيف

**drmohamedkhater** · 31-03-2013 08:26 PM

ذهبت امس الى فنى تكييف علشان عربيتى كانت مبتسقعش خالص
الخلاصة بعد الكشف لقيت ابرة التكييف ال هاى برشر منفسة
تم تغيير الابرة و تم شحن التكييف و اضافة زيت و عمل كرت ضمان لمدة شهر
كل ده 160 جنيه فقط
كان معايا صديقى و عربيته تويوتا يارس مشكلته ان التكييف ضعيف شوية
الفنى وجد العربية من غير فلتر (( يعنى مش غبور لوحدة اللى بيعملها ))
و غسل ثلاجة التكييف من الداخل بإستخدام علبة بتطلع فوم و حط لها خرطوم و دخله فى الهواية لغاية الاخر و ركب له فلتر - التكلفة 120 جنيه ( 50 جنيه علبة المنظف و 50 فلتر و 20 مصنعية )
بالنسبة لى التكييف بقى ممتاز
بالنسبة لصحبى لسة ماقابلتوش لما اقابله هقولكم ...

**speed_magnum** · 31-03-2013 09:04 PM

مبروك تصليح التكييف وما يعطلش تاني ان شاء الله
بس عاوز اعرف هو نضف التلاجه ازاي بالتفصيل وهل فك التابلوه ولا لا ?

**Mostafa Hessen** · 31-03-2013 09:29 PM

مبروك
بس يا ريت تقولنا المكان فين الفنى يعنى
علشان عاوز ابص على عربيتى قبل الصيف ميهجم
رغم انه خلاص هجم

**mahmoud_afifi** · 01-04-2013 12:01 AM

مبروك يا باشا وانا شايف الراجل شغله كويس وشكله فاهم والسعر حنين
ياريت نعرف عنوانه فعلا. وياريت لو تعرفلنا من صاحبك نوع الفلتر الي حطه ايه عشان اعرف ناس عندها ياريس اقولهم عليه.
شكرا مقدما

**mahmoud_afifi** · 02-04-2013 06:31 PM

المشاركة الأصلية كتبت بواسطة drmohamedkhater

و الله يا جماعة المشكلة ان الراجل ده فى كفر الدوار و هو على الطريق السريع اللى حابب يروح له فى اى وقت انا تحت امركم
و على فكرة انا ملاحظ ان قطع الغيار و الاكسسوار و اسعار الصيانة فى كفر الدوار ارخص من الاسكندرية
الحاجة التانية فلتر اليارس صناعة مصرية بس هوة هوة اللى بيتحط للتيوتا الربع نقل لان كان فيه عربيه قبلينا تيوتا ربع نقل عاليه اللى هيه فيها فتيس غرس و حط لها نفس الفلتر
بالنسبة لتنظيف التلاجة مافكش التابلوه ولا حاجة حط الخرطوم جوة الهواية لغاية الاخر حوالى متر و نص تقريبا او متر تقريبا - المهم دخله لغايه الاخر من الهواية اللى فى نصف التابلوه و فضى الفوم بالكامل بالداخل و انتظرنا شوية لاقينا نازل من مكان خروج مياه التكييف ( الميه اللى بتتكثف ) طينة و الله نزل كتل طين بس طبعا صغيرة و خلى ريحة العربية جميلة .
و مرة تانية انا تحت امركم لو حد حابب يروح للراجل ده و هوة فعلا اسعارة مهاودة جدا و عنده اجهزة حديثة و بيفهم مع ان الورشة بتاعته صغيرة و مايبانش عليها.

للأسف بعيد جدا عني :(
بس جزاك الله كل خييير على مساعدتك اكيد في ناس هتستفيد من الموضوع ده :)