ايه ياجماعه الاسعار دي هو في ايه انا رحت اسأل علي التريوس ال7 الخليجي لقيتها بـــ 151000 وبيقولي السعر في التوكيل دلوقتي 164000 الكلام ده صح ياجماعه؟؟؟؟ مش معقوله الفرق ده كله مره واحده ده الخليجي كان بـــ133000 وفي التوكيل كانت 150000
عرض للطباعة
ايه ياجماعه الاسعار دي هو في ايه انا رحت اسأل علي التريوس ال7 الخليجي لقيتها بـــ 151000 وبيقولي السعر في التوكيل دلوقتي 164000 الكلام ده صح ياجماعه؟؟؟؟ مش معقوله الفرق ده كله مره واحده ده الخليجي كان بـــ133000 وفي التوكيل كانت 150000
انا شايف ان ده شئ طبيعي جدا وحاجه السوق المصري متعود عليهااقتباس:
المشاركة الأصلية كتبت بواسطة cupid
بس ده دائما بيحصل مع العربيات اللي بتاخد سوق كبير او لها سوق من الاول
وده شئ طبيعي لعربيه بتنتشر بطريقه كبيره الفتره دي
خصوصا بصراحه انها بتمتلك مميزات عن غيرها يحتاجها السوق المصري
من اول عدد الركاب لتوفير البنزين ومرورا بعلوها عن الارض وبالتالي تستطيع ان تتعايش مع ادغال شوارع مصر
الحق اشتري قبل ما تغلي تاني و تخرج برة امكانياتك
اللي بيجيب حاجة دلوقت يحمد ربنا لأن ميعرفش هتبقي بكام بكرة
ههههههههههههههه معاك حق والله بكره ده مخبي كتيــــــــــــــــــــــ راقتباس:
المشاركة الأصلية كتبت بواسطة MoToRiZeR
مافيش اى زيادة حصلت , و اسئل فى التوكيل , و التريوس مش عربية عظيمة قوى كدة , فى حاجات احسن بكتير فى نفس السعر او ارخص لو عاوز , توكيل دايهاتسو بقى بيستهبل زى باقى التوكيلات .اقتباس:
المشاركة الأصلية كتبت بواسطة cupid
بص انا شايف انا سعرها فعلا كتير عليها بس انا عايزحاجه تكون 7راكب واعتقد ان التريوس اكتر حاجه مناسبه ليه بس لو فعلا الاسعار وصلت لكده كمان يبقا التيوتا الافانزا افضل منهااقتباس:
المشاركة الأصلية كتبت بواسطة wawoo
يا كيوبد لو عاوز حاجة كويسة و سبعة راكب , ممكن تفكر فى الرينو لوجان السبعة راكب , عربية تحفة و احسن بكتير من الافنزا و ارخص كماناقتباس:
المشاركة الأصلية كتبت بواسطة cupid
السلام عليكم ورحمة الله و بركاته
اعتقد اخي العزيز ان موضوع ان السياره في التوكيل ب 164000 غير صحيح بالمره لانني تاكدت من الموضوع ووجدت ان السعر كما هو 155000 والمعارض التي تبيع الخليجي تريد ان تبعد الناس عن التوكيل ومعظمهم نصابين.
طبعا وبدون شك ان السياره تيريوس لا تقارن بالافانزا او حتي اللوجان وارجو من الاخوه قبل ان يقترحو شئ يقارنو علي اساس سليم وليس مجرد اهواء شخصيه.
ويا اخي العزيز كما ذهبت الي معرض خارجي ممكن ان تذهب الي التوكيل او حتي تتصل به علي رقم 16168 لكي تتاكد بنفسك من الموضوع وقبل ان تاخذ بنصائح الاخرين ادرس البدائل جيدا حتي لا تندم.
فعلا التريوس لا تقارن باللوجان , اللوجان افضل بمراحل , مين دة اللى حيشترى عربية اندونيسى ب 155 الف و تقفلها متواضع و اصغر من االوجان , مافيش اهواء شخصية و لا حاجة حضرتك روح اتفرج على دى و على دى جمب بعض و اللى تعجبك و يعجبك سعرها اشتريها , و كلنا بنقدم اقترحات و على صاحب القرار الاختيار , ما فيش ابسط من كدة .اقتباس:
المشاركة الأصلية كتبت بواسطة msh2179
على فكرة التريوس ال7 راكب اساسا مبنية على شاسية الافنزا ولكن تم تقويتة و دة كلام دايهاتسو نفسهم مش كلامى .
جزاك الله خيرا اخي العزيز علي المعلومات الجديد التي طرحتها علينا وكنت سابقا اظن ان السياره تيريوس مبنيه علي شاسيه تويوتا راف فور وهو الموديل خمسه راكب ومن ثم تم تعديله و زيادة طوله و استخدم في التيريوس 7 راكب و الافانزا و لكن طبعا كلام سيادتك اصدق منهم.
وعلي فكره انا اتفرجت علي السياره لوجان وفعلا جامده جدا و استغربت ان شركة داتشيا تعمل حاجه زي دي لان علي ما اعتقد ان السياره اسمها رينو داتشيا لوجان ولكن في مصر بيتشال كلمة داتشيا عشان الناس ترضي تشتري.
وللعلم ايضا عندما قررت ان اشتري سياره جديده لم تعجبني الداتشيا والموضوع ليس للشكل او للكماليات ولكن امور فنيه وايضا لم تعجبني التيريوس 7 راكب لان هناك فرق كبير بين التقفيل الماليزي و التقفيل الياباني للسياره الاصليه تيريوس 5 راكب وايضا انا غير مقتنع ان سياره صممت بكل اجزائها علي اساس 5 راكب ثم تزيد الي 7 راكب دون اي تعديل في المحرك.
نسيت اقول كمان انه اصلا مع افتراض ان اللوجان 7 راكب سياره ممكن ان تقتني و ان التيريوس 7 راكب ممكن ان نشتريها ان اصلا السيارتين من فئتين مختلفتين تماما ولا يصح ان نقارن بينهم اصلا لان لوجان سيدان استيشن و التيريوس دفع رباعي مدمج و هناك الكثير من الفروق الجوهريه و النقاط الجيده و السيئه لصالح كل منه ولكن مختلفه.
انا معاك يا اخ msh2179 انهم فعلا من فائتين مختلفين , بس هوة الاخ كيوبيد كان بيسئل عن سيارة 7 راكب , و انا معنديش اعتراض على التريوس الخمسة راكب سوى ان سعرها زاد كتير , برغم ان امكانيها عجبانى خصوصا النسخة الدفع الرباع اللى زادت بتاع 14 الف جنية عن اسعار السنة اللى فاتت ,اقتباس:
المشاركة الأصلية كتبت بواسطة msh2179
عشان كدة انا كان رأيى بالنسبة للعاوز سيارة 7 راكب ضرورى , ممكن جدا يبوص على اللوحان لان سعرها مناسب جدا مقابل الامكانيات .
انما لو هوة عجبة التريوس 7 راكب رغم سعرها , طبعا هوة حر فى اختيارة النهائى , و شكرا ليك على ملاحظتك .
و انا مش عارف النسخة اللى ب 155 الف دى دفع رباع ولا دفع ثنائى بالنسبة للتريوس ال7 راكب .
جزاك الله كل خير اخي العزيز
معلش يا جماعه عفواً يعني
عربية اية دي اللي تشيل سبعه اشخاص بالغين و دفع رباعي و موتورها في الآخر 1500 سي سي
دي لو نزلت في الرمل بخمسة اشخاص اصلا مش حاتقدر تمشي
الموتور دة لا يتناسب مع وزن السيارة و لا وزن 7 اشخاص فيها و لا دفع عالاربع عجلات في الرمل
مع كل احترامي
بس ماينفعش ولا حتى 2500 سي سي علشان تاخد الأداء المفترض و يعيش معاك الموتور دة
ههههه.اقتباس:
المشاركة الأصلية كتبت بواسطة Adham
ما احنا قلنا يا اخ ادهم انها اساسا معمولة لدول شرق اسيا و اندونيسيا , و الشعوب دى زى ما انت عارف اجسهمهم صغيرة , يعنى اتنين منهم بواحد عندنا , عموما السيارات ال7 راكب مش بتكون مصممة عشان تشيل 7 بالغين يعنى , بيكون مثلا على اقصى تقدير خمسة بالغين و 2 شباب صغير , يعنى اكيد مش معظم الوقت حيكونو السبعة بيتحركو دائما بالعربية , والا انت تجيب بقى ميكروباس احسن فى الحالة دى :)