صيانة ال 1000 لكيا ريو 2013
السلام عليكم جميعا
انا طبعا موش هضيف حاجة عشان الموضوع مكرر ولكن زى ما شاركتونى فى استلامى للعربية http://www.nilemotors.net/Nile/341648-a.html لازم تشركونى فى الصيانات كمان:new: المهم بقى
وبعد عناء شديد جبت اخيرا 1000 ك ورحت النهاردة اعمل الصيانة الدورية.
المكان : توكيل كيا فرع سموحة اسكندرية
الزمان : بعد الحجز بالتليفون على رقم 19542 تم تحديد الزمان على العاشرة ص.
روحت دخلت العربية استقبلنى شاب محترم جدا اسمه أ/ فوزى اكد الحجز وبدأت مراحل الصيانة.
التكلفة : 335 ج
صيانة ال1000
- تغيير زيت الموتور ....l 10000+ فلتر الزيت + تربيط عفشة + تفتيش على جميع سوائل السيارة
تقييمى للمكان: مكان شيك جدا - نظام فى دخول وخروج السيارات - كوستا واخد الكافيه اللى جوه - شياكة فى التعامل وبنظام شديد جدا - روحت اسأل على حاجة استقبلنى م/ محمد جلال واجابنى على كل اسألتى وبدون ملل من الاسئلة - Wi-Fi - فى كار كير بأنظمة كتير جدا تبدأ من 75 ج ل 375 ج بس لقييت ان الكار كير بره التوكيل عنده حاجات تانية افضل وارخص.
احلى حاجة موظف الاستقبال سألنى انتا حتغير زيت 10000 ولا 5000 قولتله لا 10 قالى يبقى حضرتك كده فاهم (البركة فى الله اولا ثم المنتدى بتاعنا واعضاءه اللى عرفنا كل حاجة :3mla:)
خلصت الصيانة واستلمت العربية الملاحظ بها ان صوت الموتور عالى سنة بس لسه ما جربتش اشد بيها.
اسف ما عرفتش اصور المكان ولا الصيانة عشان الموبايل فصل شحن:36_1_8[1]: وان شاء الله اصوره فى صيانة ال 5000
سؤال بقى على الماشى: هوا الزيت ليه صلاحية بعدد شهور كاحد اقصى ولا بعدد الكيلو متر؟
اانا بسأل السؤال ده عشان انا شغلى 14/14 ومشاويرى موش طويلة اوى يعنى انا استلمت فى 20/02/2013 النهاردة كانت العربية عاملة 1116 كم
يا رب ما كنش طولت عليكو واكون افدت الناس.
