تقــــرير عن نيســـــان جــــــوك - 2013

**Sharky** · 31-03-2013 09:36 PM

السلام عليك
الحمد لله الذى لا يحد سواه
اليكم تقرير عن نيســان جوك 2013 بعد 1200 كم

السيارة تتميز بهيكلها الصغير و امكانياتها التى تتجاوز حجمها
فهى تبنى فئة جديدة من السيارات الكروس اوفر الرياضية

مواصفات السيارة :
* المحرك 1600 سى سى - كامة علوية مزدوجة - 16 صمام - 4 سلندر
* القدرة القصوى 6000/118
* نسبة الإنضغاط 10.7
* سعة خزان الوقود 52 لتر
* ناقل الحركة CVT
* الطول الكلى 4135 مم
* العرض الكلى 1765 مم
* الأرتفاع الكلى 1570 مم
* الأرتفاع الأدنى عن الأرض 185 مم
* وزن السيارة 1640 كجم
* الإطارات 17 /55 / 215 R
* سعة صندوق الامتعة 251 لتر

كماليات السيارة :
* غلق مركزى للأبواب
* جنوط رياضية 17 "
* نظام I-CON - المتطور لمكيف الهواء و التحكم بأسلوب القيادة
* مكبف هواء اوتوماتيك غير ضار بطبقة الأوزون
* فتح و غلق السيارة بخاصية التحكم عن بعد
* زر إدارة المحرك Start/Stop
* كمبيوتر رقمى (مؤشر عداد وقود - عرض درجة الحرارة الخارجية )
* مانع تشغيل المحرك - نظام مضاد للسرقة
* نظام الثبات الإلكترونى
* ABS نظام الفرامل مضادة للإنغلاق
* نظام التوزيع الإليكترونى لقوة الفرامل
* نظام مؤزارة الفرامل
* مثبت سرعة فى عجلة القيادة
* زجاج خلفى معتم
* زجاج كهرباء امامى / خلفى
* مساحة زجاج خلفى مزودة بجهاز ضخ المياه
* مرأة مزودة بخاصية الطى الكهربائى
* خاصية الطى التلقائى للمرأة عند غلق السيارة
* كنسول وسطى ملون
* راديو كاسيت AM/FM- CD- MP3 - AUX
* 6 سماعات
* عجلة قيادة أليه المؤازرة - Power Steering
* عجلة قيادة متعددة الوظائف (تحكم فى مستوى الصوت - تحكم فى سرعة السيارة - خاصية اجابة و انهاء المكالمات )
* عجلة قيادة مكسوة بالجلد .
* بلوتوث
* 4 وسائد هوائية
* مقاعد خلفية قابلة للطى 60/40
* التحكم اليدوى فى مستوى الإضاءة
* سنسور إضاء و مطر

حصلت نيسان جوك 5 نجوم فى تصنيف Euro Ncap لمعاير السلامة وعوامل الامان
فهى تحتوى على فرامل Abs Ebd Ba Esp
وتحتوى مقدمة السيارة على عمود فلاذ صلب ضدد الصدمات
والابواب تحتوى على مصدات جانبية

الشكل الخارجى :

تصميم السيارة عصرى شرس مش اى حد يتقبله من الامام (البعض بيقول ضفدعة و الاخر بيقول عيون تمساح ) و فى الأخر بالنسبة لى مقبوله .

من الخلف شكلها مميز جدا و تظهر به لمسه الجمال و الفوانيس الخلفية قريبة الشبة من فولفو C30 و من نيسان 370Z

من الجانب تبدو كسيارات الكوبيه و ذلك من خلال تصميم مقايض الابواب الجانية و من شكل الزجاج الجانبى .

الشكل الداخلى :

تصميم الكونسول الوسطى على شكل خزان وقود الدراجات النارية مع توفره بلونين (احمر - الرمادى )

شكل لوحة العدادات صمم ليعطى احساسا بالسواقة الرياضية

نظام I-CON :
نظام حديث تم اضافته للنيســـان الجوك و هو ينقسم الى قسمين :

النظام الأول Climate:

و هو النظام الخاص بالتكييف الاوتوماتيكى من اختيار نظام التكييف و درجة التكييف و قوة المروحة و غيره

النظام الثانى D-Mode:

و هو خاص بنظام القيادة يمكنك من خلاله اختيار نمط القيادة من بين (Normal - Eco - Sport)

**Sharky** · 31-03-2013 09:36 PM

بعض الصور الخاصة للسيارة (مقتبسة من موضوع سابق لأحمد مصطفى بكاميرا بسام )

العزل الخارجى :
جيد جدا ولكن مقارنة بالميجان فهو اقل منها و تقيمى له 8/10

التقفيل الخارجى و الخامات :
تقفيل السيارة و الخامات المستخدمة ممتازة و تقييمى لها 9/10

تكييف السيارة :
ممتاز جدا و خاصة فى عند ركن السيارة فى الشمس و بمقارنة بالميجان فهو افضل منها و تقييمى له 9/10

سحب السيارة و القيادة :
حتى الان لم اجرى بيها قوى و اقصى سرعة جبتها بيها حتى الان 150 كم
فى البداية لحد 40 كم بتبقى السيارة تقيلة شويه على نظام Normal لكن فى نظام Sport البداية بتبقى افضل لكنها بطيئة
لكن بعد كده بتتغير و بيبقى السحب اسرع و افضل كثيرا من البداية
عند اختيار نط الـ Normal بيتقى السيارة عادية فى سواقتها يعنى مش متكتفة و لا جراية و هو الأفضل فى القيادة الرايقة
عند اختيار نمط الـ Eco السيارة بتتكتف لو كان دوسة رجلك على البنزين العادية و بتوفر فعلا فى البنزين و تصلح فى الشوارع الزحمة
عند اختيار نمط Sport بتحس ان السيارة اصبحت مرنه و سرعة استجابتها افضل قليلا من Normal و هى تصلح عند الشد او الجرى فى الطرق السريعة
تقييمى لها 8/ 10

الثبات :
حتى الان و لحد 150 كم روعة و تحس ان العربية لم نفسها و تقيلها عكس ما كنت متوقعه من سيارة عالية قليلا عن مثيلاتها السيدان
تقييمى له 9/10

الكراسى و الفرش :
وضعية الجلوس فى السيارة ممتازة و خامات الكراسى رائعة و مريحة و شيك جدا
تقيمى له 9/10

أخيرا
الحمد لله على اختيارى لها لإنى لقيت فيها معظم اللى محتاجة فى اى سيارة اخرى يعيبها فقط :
* ضيق الشنطة الخلفية و يمكن التغلب عليه عن طرق طى المقاعد عند الحاجة .
* عدم وجود باركنج سنسور و يمكن التغلب عليه بتركيبه .
* عدم وجود فتحة سقف و دى لا يمكن حلها

**Sehsss** · 31-03-2013 10:15 PM

تسلم إيدك على التقرير الوافي

**monamize4** · 31-03-2013 10:27 PM

ماشاء الله تقرير جميل ,,, ربنا يباركلك فيها
بس حاسس ان الفتيس شكله كان لازم يبقى رياضى شويه عشان يبقى متناسق مع شكل العربية و للاسف مش steptronic

**SonaSteel** · 31-03-2013 10:39 PM

ممتاااااااز ...... ربنا يرزقك خيرها ويكفيك شرها يارب
تقرير ممتاز من عضو محترم و جليل وماسي :)) .... تسلم ايدك يا احمد بيك

انا بعد ما قعدت فيها تاني برواقة في اوتو ايجيبت العربية حلوة ومش واسعه بس مش متضايق
قعدتها حلوة والكونصول النبيتي فوووووق الرائع مختلف تماما عن الرمادي
هو اللون الاحمر كله فيها تحفة
والسماوي

العربية ديه بجد بجد بجد محتاجة ماتور اكبر علي اللي فيها ..... وكانت هاتبقي تحفة علي شكلها و حجمها

ربنا يرزقنيها ان شاء الله :d