عرض للطباعة
السلام عليكم
انا اشتريت لوجان اوتوماتيك كسر زيرو ماشية في حدود خمس الاف بس بعد ما سوقتها العربية بتحدف يمين جامد على كل السرعات و سالت اصحاب اللوجان قالولي انها كلها كدة و في الي بيقولي لا ثابتة قولولي اعمل اية اروح التوكيل و لا هي كدة و كمان الميدان الخلفي شبة اسفه اعملة فين في التوكيل بردو
ملاحظاتي للعربية مريحة و عملية و فيها كل حاجة بس سحب الاوتو ضعيف للسرعات العادية اما السريع ممتاز
شكرا اخوكم احمد عضو جديد
أنا عربيتي عاملة 4500 كم و من ساعت ما جبتها بتحدف شمال و في صوت هبد في العفشة ألي قدام لما تيجي تعدي خط الترام بسرعة قليلة دا غير النتشة الملحوظة أوي في الفيتس الاوتو بتاعها . وإن شاء الله مستني ميعاد الصيانة بتاعت ال 5000 كم لان في مشاكل تانية كتيرة بس صغيرة . حضرتك تروح التوكيل أحسن و بعد إذنك ممكن أعرف حضرتك أشتريتها بكام و من أمتي .
خللي بالك يا فندم ان الصيانه لازم تتعمل كل 5 الاف كيلو علشان العربيه ماتخرجش بره الضمان فلو كان المالك الاول ما عملش الصيانه حضرتك روح اعملها و هي مجانيه و هيدولك دواسات هديه. لو حضرتك الصيانه اتعملت يبقي حضرتك أحجز ميعاد في التوكيل و قولهم علي موضوع الحدفه دي احتمال تكون محتاجه ضبط زوايا و ترصيص. و لا حاجه
انا فعلا هروح التوكيل افضل لاني المالك الاول كلمتة و قالي انة حاول يظبط الحدفة دي و لم تفلح زي ماهي
و كمان الاكسدام الخلفي عندي متلخلخ بقالة يومين نتيجية تريحة عاى الرصيف اعملة ايضا في التوكيل و لا في حد بتاع اكسدامات افضل و ارخص و في حاجة فريبة الاكسدام لما ريح على الشكمان حرارة الشكمان حرقت جزء منة بشكل دائري
و سؤال اخر و انا بمد اصابعي فوق دواسة البنزين لاقيت حرارة شديدة جدا من ماسورتين كدة على اليمين لدرجو اني اصابعي اتلسعت هو اية دة و اية الحرارة دي طبيعية عن الكل .
الاخ نيمو هي معايا بقالها اسبوع و سعرها 81 الف
لا طبعا الحدفة دي مش طبيعية ولازم تشوف ايه سببها فى التوكيل اما الاكصدام ممكن تعمله عندايه حد
وبالنسبة للهبو اللي بيطلع من تحت الدواسات فدة من مواسير التكييف الغير معزولة واسال فى التوكيل على العازل بتاعها
الحرارة فعلا موجودة و بتروح التوكيل بيركبلك عازل حراري في دقيقة
ظبط ضغط الكاوتش زى ما مكتوب على الباب العربية
check علي:اقتباس:
المشاركة الأصلية كتبت بواسطة walidzakzok
ضبط الاطارات
ضبط زوايا ف بنزينة كويسة