الموضوع: مشكلتين فى الفيرنا ارجو المساعدة

سلام لاعضاء المنتدى الجميل انا بقالى فترة كبيرة متابع واستفدت كتير بس معلش مش بشارك بحاجة عشان لسه بتعلم منك. انا عندى مشكلتين فى الفيرنا ونفسى اسمع اقتراحاتكم:-
1) جوان طرمبة البنزين عندى فيه مشكلة وبيسرب بنزين لما بفول العربية وجبت اكتر من جوان من كذا محل ومن التوكيل نفسه ومش بيرضى يركب على الطرمبة يعنى لو ركبته على التنك وحاولت ادخل الطرمبة بعد ما اعدى العوامة الوش بتاعها ما يرضاش يدخل مع ان انى مغير الوش بواحد اصلى برضه , ولو ركبت الجوان فى الطرمبة وحاولت اركبها جوه التنك برضه مش بتركب , مع العلم ان الجوان اللى جبته من التوكيل هو نفسه اللى فى طرمبة البنزين الجديدة عندهم ( ب 800 جنيه وصعب جدا اجيبها ) فهل مقاسات تنك البنزين مختلفة فى موديل 2007 ( عربيتى ) عن الحالى ولا ايه سبب المشكلة وايه الحل الاقتصادى ( يعنى من غير ما اجيب طرمبة استيراد عشان ما حدش بيبيع الجوان الاستيراد عندى فى الغردقة لوحده) .
2) فى رعشة بحسها فى العربية لما ادى الغيار التانى والتالت وبتفضل لحد ما العربية تجمع سرعة الغيار انا شكيت انها قواعد الماتور بس فى ميكانيكى شافها ورفع العربية وجربناها وقالى ان فى رفة فى الاكس اللى بيودى الحركة للكوبلن , بس انا شاكك عشان لو فى رفة اظن انها هتكون مستمرة ( مع العلم انى مرصص الكاوتشات وبرضه ما راحتش ) فيا ترى الميكانيكى صح ولا ممكن يكون سبب تانى.
معلش طولت عليكم بس عشان احاول اشرح كل حاجة...

شوف غير طرمبة البنزين ضرورى علشان كده خطر وعالفكرة سيبك من اشتغالات التوكيل الطرمبة الموبس هتلاقيها فى حدود 120 - 150 ج بالكتير اوووى
بالنسبة للمشكلة التانية دى مشكلة كوبلن او فتيس
وكوبلن بنسبة 100 % ان شاء الله لو كان الفتيس اوتو