عايز رايكم يا ريت متكسفونيش

**Ahmed salamaa** · 01-04-2013 12:34 AM

لو سمحتم انا عايز اسئل عن الكرولا ال95 مكنة 1300 2e انا قدامي واحدة موديل 95 مكيفة بس
فبريكة برة و جوة معملتش 100 الف كيلو انا كنت عايز اعرف العربية دي سحبها اية نظامه و بتستحمل ولا لا و تكيفها حلو ولا مقبول و خايف الصراحة اني لو احس انها سحبها مايت مع التكيف و كدة و انا مشواري كل يوم من السيدة زينب للتجمع في الحر دة هتستحمل ولا هتقرفني و شكرا ليكم

**د.محمدعبدالعال** · 01-04-2013 03:39 AM

هتستحمل طبعا وهيبقى سحبها كويس جدا .. أنا كان معايا كورولا 97 وكانت ممتازة .. المهم بس تظبط التكييف والفريون بتاعها كويس عشان تبسطك من تكييفها
وبالتوفيق ان شاء الله

**Ahmed salamaa** · 01-04-2013 02:37 PM

شكرا لحضرتك و منتظر بقيت الاعضاء

**Ahmed salamaa** · 06-04-2013 12:03 AM

في اية يا جماعة هو دة مش قسم تويتا بردة ولا الناس متعرفش حاجة عن الموديل دة

**S O P H O S** · 09-04-2013 04:20 AM

اهلا بيك يا باشا
طبعا العربية مدام سليمة والماتور بخير متقلقش خالص منها
كان معايا 1300 فيها وكانت رائعة بمعني الكلمة مدام سليمة بتبقي جميلة جدا
ومتقلقش من ال 1300 فالتويوتا هيكون مرضي ليك بس اهتم ان العربية تبقي سليمة
والله اعلم
ربنا يوفقك للخير ..

**BLOODY_STONE** · 09-04-2013 02:18 PM

العربية دي اسد ما شاء الله لو حالتها حلوة اتوكل على الله و خدها

**jojojojo** · 09-04-2013 05:16 PM

ياباشا 1300 للتويوتا غير 1300 في اي ماركه تانيه التويوتا من افضل العربيات لو سليمه توكل ع الله

**Y a r i s** · 09-04-2013 08:38 PM

بص يافندم انا مش هقدر اضيف اكتر من الي قالوه الاعضاء
كعربية جميلة جداً جداً وهيا اقوى وانعم حتى من عربية فيرنا جديدة او لانوس جديدة ومن حيث الوسع هيا اوسع منهم. ،.. وكعربية فبريكة بره وجوا ده شيء جميل ومشجع لكن برضوا لا تنسى انك بتتكلم عن عربية مستعملة وارد يكون عندها مشاكل صحية لكن على سعرها الي هوا بيلعب في الخمسينات تقريباً ممتاز جداً

وارشحلك كمان من نفس الفئة السعرية ديهاتسو سيريون. ٢٠٠٩. بس ١٠٠٠ سي سي دي ممتازة جداً. ومتورها متور تويوتا وصناعة يابانية. هتلاقيها في حدود الخمسين برضو وبالتوفيق :)

**Mohamed.Mohsen** · 10-04-2013 03:13 PM

اتوكل علي الله وخلص فيها ..السعر ده اقل من تمنها الحقيقي بكتير دي أول الخمسينات زي ياريس قال بس إكشف كويس جدا جدا وإتأكد من سلامة الموتور ال1300 ده لانه مش موجود استيراد ولو هتغير هتجيب 1600 بفتيسه بعفشة لأن العفشة مختلفة في الاتنين وهتعمل شوية تعديلات هتكلفك مبلغ وقدره وإتأكد كمان من الشاسية وأرفع العربية وبيتقاس في مراكز خدمة وبيتعرف لو فيه أي حاجة .
إنما لو حقيقي مرفوعة وفابريقة بالكامل إن شاء الله تكون سليمة .
بالنسبة للعربية فوق الممتازة في كل شئ لو مضبوطة ومش متهانه احسن من حاجات كتير زيرو لسة ماشية مع الجيش لحد دلوقتي في الخدمة وضباط كتير معاهم ومطلوبة جدا وبتشوفها في الشارع كتير بحالات معقولة جدا انا معايا من الزيرو الحمد لله ومراعيها جدا وانصحك بيها وفي موضوعات كتير هنا وناس زملاء لينا معاهم العربية في المنتدي بس بعيد شوية الايام دي وناقشنا تفاصيل كتير عنها هنا بس الموضوعات قديمة شوية تقدر تدور لو مهتم وهتلاقي كل شئ عنها بس احنا قلنا لك الخلاصة وبالتوفيق .