السلام عليكم ورحمة الله وبركاته
أخوكم انضم للهيونداوية من شهرين لما اتكعبلت في الأنترا 2007 وعجبتني حالتها النادرة
وكانت عاملة 58000 والعربية متصانة بدوكو الشركة وتجرحاتها خفيفة بالنسبة لسنها
المهم أني قررت مصرفش عليها غير لما أكمل 60000 كم , علشان صيانة ال60000 بالمرة
وعرفت ورشة المهندس هاني (سبيد سيرفيس ) عن طريق المنتدى الجميل
يوم الخميس قلت أشد الرحال من المنيا على سبيد سيرفيس وكملت ال60000 وانا في الصحراوي الشرقي , العربية كان فيها رجه من سرعة 110كم/س وأنت طالع , وصلت القاهرة , وكلمت المهندس هاني وحددت معاه ميعاد على أمبارح السبت
ورحت السويس والعين السخنة وروقت يومين وكلت مطبين حلوين
المهم اني اكتشفت أن تنك البنزين بيسرب , المهم رجعت من السويس على سبيد سيرفيس عدل ومتاخر عن ميعادي , وأتشرفت بمعرفت المهندس هاني والاستاذ محمد (ناس زوق جداً والله ) :plusone1:
المهندس هاني سالني على المشاكل اللي في العربية , قولتله على موضوع الرجة وتسريب البنزين , (تسريب البنزين زاد أكتر ) وقالي التنك لازم يتغير , ونطلع نجرب العربية ونشوف الرجة سببها إيه , طلعنا وجرب العربية وعرفنا المشكلة في الكاوتش ركبنا الأستبن وراحت الرجة ورجعنا الورشة وبعتنا نسأل على تنك البنزين عشان خطر تمشي بيها وهيا كده , قلتله أن لازم أسافر الصبح وللأسف مش هينفع أستنى , المهم انه أصر أنه يخلصلي الشغل اللي فيها ونزل تانك البنزين وبعته يتلحم عشان لو سافرت بها وهيا بتسرب ممكن أشيع بيها
الصراحة انا قابلت ناس محترفين وزوق وكرماء جداً بدون مجاملة
غيرت فلتر هواء , فلتر بنزين , طقم بوجيهات , سير مجموعة , رجلاش فرامل , تربيط عفشة (طلبات صيانة ال60000) وكله أصلي , بضمان 5000كم أو 3 شهور :new: , مصنعيات الصيانة 70 ج , ومصنعية السيور 50ج ,,,,
ده غير لحام تنك البنزين وغيرت بالمرة طقم الدبرياج , وجربنا العربية وبعد كده اتحاسبنا
وعير الخصم اللي أخدته كمان :wink01:
انا للأمانة حسيت أني ركبت عربية جديدة , والرجة راحت والعربية بتطير , وانا راجع العربية حايبة معايا 180 كم/س (بس انا خواف الصراحة) مش عاوز أزود , انما هيا تجيب أكتر
كلمة حق : الناس دول محترمين وفاهمين وأمناء لأبعد درجة , وأنا بحكي لأخويا وهو معاه فيرنا , أصر أني أعرفة طريق الناس دول , وانا أنصح أي حد معاه كوري او ياباني , يشد على سبيد سيرفيس وهو مطمن.
عنوان الورشة : 10 شارع عشرة , خلف حديقة بدر , شارع جسر السويس ,
وللتواصل مع المهندس هاني : 01060900088
وتحياتي للجميع
