ماهو افضل قوه لبطاريه لعربيه لانوس 2 هل اجيب 55 ولا 70 جافه مع العلم ان فى ناس بيفضلو 55 واخرين بيفضلو 70 فايهم افضل للعربيه
عرض للطباعة
ماهو افضل قوه لبطاريه لعربيه لانوس 2 هل اجيب 55 ولا 70 جافه مع العلم ان فى ناس بيفضلو 55 واخرين بيفضلو 70 فايهم افضل للعربيه
ارشحلك ال70 عشان لو هتحمل على البطارية صب او جى ام لكن فيه ناس هتقولك هات ال55 زى الكتالوج انا بقالى 6 سنين بجيب ال70 و مش بتضر فحاجه
ال70 امبير افضل وتعد اكتر وافضلهم acdelco ,varta
70 امبير
55 امبير
ال70 ملهاش اى لزمة
MMamdouh
ردود الرجالة عن تجربة ان 70 كويسة
بس محدش قال هي افضل في ايه (قصة تحميل الصب والجي ام الاعتماد بيكون على الديناموا في حالة تشغيل السيارة اما ف حالة السيارة مش شغالة اي بطارية هتبدا تقل)
الاستاذ ممدوح قال 55 افضل لان 70 ملهاش لازمة
ياريت لو حد عنده توضيح وخصوصا اللي يخص دائرة كهربة العربية لان دي المهمة الفيوزات وغيرها
acdelco 55
البطارية شغلتها زى تنك البنزين... البطارية هى مخزن للطاقة لا اكثر ولا اقل
اساسا البطارية انت مش محتاجها فى حاجة غير لما تيجى تدور لان اول ما العربية بتدور الدينامو هو اللى بيغذى كل المكونات الكهربائية للعربية (نور و نظام صوت و خلافة) بالتالى دور البطارية ينتهى بمجرد ما المكنة تدور
الامبير هنا يمثل سعة البطارية و بالتالى البطارية ال70 امبير بتحوش شحنة كهربائية اكبر من ال55... بس الفكرة انت مش محتاج الزيادة دى فى اى حاجة لان البطارية ال55 بتدور العربية بدون اى مشاكل...
كل اللى هتستفيدة من البطارية ال70 عن ال55 ان لو الموتور فية مشكلة البطارية دى هتسمحلك (على سبيل المثال) ب 30 محاولة دوارة قبل ما شحنتها تخلص مقابل 25 محاولة فقط من البطارية ال55... لو دى حالة متكررة فى استخدامك اليومى يبقى هات ال70
MMamdouh
شكرا استاذ ممدوح على المعلومات القيمة دي