الموضوع: صوت زننه غريبة

السلام عليكم ورحمة الله و بركاته

الاخوه الكرام .. انا معايا صنى2009 الشكل القديم من حوالى شهر تقريبا و انا بسمع صوت غريب جاى من عند الجمب الشمال قدام هو زى صوت زنة ززززززززززززز الصوت ده بيحصل لما اكون بنقل من التالت للتانى او طالع مطلع و العربية بتهدى او لو بجرى على طريق سريع و اجى مثلا احط الرابع و العربية تكون تاخد التالت مثلا لو بركن العربية مش بسمعه وتقريبا بيحصل بعد وقت من المشى و من يومين كده سمعت الصوت و مش عارف احدده بالظبط لانه تقريبا سامعه من قدام حاسه فى يمين و شمال.

واحد صاحبى قالى اغسل العربية من تحت بالجاز و الزيت فى اى بنزينة و قالى برده اغسل الموتور بنفس السوايل دى يمكن يكون فيه حاجه عايزة شوية زيت او كده.........

فيه حاجه كمان التكييف لما بيشتغل يبرد حوالى 20دقيقه و يفصل تقريبا 20دقيقه و يرجع يشتغل تانى و الجو اليومين دول ايه رائع مش مستاهل تكييف........ الحمد لله

حاجه تالته الزارير الكهربا بتاعت الابواب التلاته فيها مشكله لو جيت فتحت من عندى مره يشتغل و مره لاء و ممكن ميشتغلش من الباب نفسه و يشتغل من عندى او العكس......... حاجه تجنن

بس كده يا رب ما اكون طولت عليكم و يا ريت حد يشوفلى حل فى موضوع غسيل العربية و الموتور بالزيت و الجاز ده لانى اخاف اغسلها لاقدر الله يحصل مشكله

و شكرا للافادة

اخوكم أحمد

الزنة من جوه الصالون ولا من بره؟؟
بالنسبة للتكيف فممكن يكون الشحن فيه حاجة زايد او ناقص .. ممكن تروح تقيس شحن الفريون وتتطمن

الززنة من سامعها من مش من الصالون لا هى تقريبا صوت صاج بيخبط فى بعضه

بص هو انا كنت بحس بزنة برضه عندى لغاية ما اكتشفت انها من فبرة القايم بتخبط فى التابلوه وكنت دايماًَ بسمعها الصبح بدري

الصوت مش بسمعه اول ما امشى بالعربية بسمعه ممكن بعد 15دقيقه مشى بالعربية و مش من جوا الصالون الصوت حاسه من عند الموتور بس ايه بالظبط ده اللى مضايقنى و اخاف تكون حاجه كبيرة تعمل مشكله تانية لاقدر الله....

الزنة ليها اسباب كتير جدا ،،، ممكن كالون الباب هو اللي بيعملها ،،، ممكن الازاز ،،، ممكن فبر اكصدام و دي كانت عندي

بصوا يا جماعه طيب ححاول اشرح الصوت اللى سمعته النهارده و انا مروح

كنت داخل على سان استيفانوا وكانت الاشارة حمرا المهم كنت حاطط 3 و بهدى بالفرامل فى اللحظة اللى بتهدى فيها العربيه و بتنزل من حوالى سرعه 50 الى 30 كانت الزززنه دى حصلت هى بتاخد حوالى 5ثوانى تقريبا و سمعها عن من قدام منين بالظبط مش عارف احدد لانى مش خبير ..
بالظبط ده اللى حصل معايا


و يا ريت حد من خبراء الصنى يردوا عليا فى موضوع التكييف لان شغلته من يومين و حصل اللى حكيته

ااما موضوع الغسيل فا خلاص بلاش منه

و شكرا لكل الناس اللى اهتمت بيا و بموضوعى

wardet

Dr'AhmZZong

youssef_u

Sehsss


شكرا للجميع