الموضوع: الفيرنا وبنزين 80

المشاركة الأصلية كتبت بواسطة Neurovit

باختصار دي حكايتي مع بنزين 80 واطرح الموضوع للمناقشة والتحليل العلمي
آخر 7 صفايح حطيتهم في العربية كانوا بنزين 80 منهم مرة واحده بنزين 90
الحمد لله لم يحدث اي تغيير في السيارة غير حاجات بسيطة وهي :
1- صوت العربية بيعلى في الدقائق الاولى عند التسخين صباحا عن المعتاد.
2- صوت الموتور بيعلى عند نهاية الغيار ( مثلا عند 40 كم / ساعه على الغيار التاني صوت الموتور يعلى والمعتاد كان ممكن انسى لحد 50 كم والصوت عادي ).
3- بعد 120 كم /ساعه السحب بيقل وصوت الموتور يعلى عن المعتاد
( كنت اجيب لحد 140 بسهولة وبضغطة بسيطة على البنزين دايما باسافر على
الطريق الدولي ) .
4- مرة واحده فقط لم تدر من اول مرة واحتاجت ضغطة بنزين مع الكونتاك .
5- نفس الإستهلاك والحمد لله 1 لتر / 13كم .
على العلم اني من ساعه ما اشتريت العربية وكانت منتظمة على بنزين 92 والعربية عاملة حتى الان 8000 كم ( ثمانية الاف ) موديل 2008 هاف اوبشن ومحطتش مذيب رواسب مع التفويله حتى تاريخه..
وكمان انا ليا صديق وجاري في السكن يوم ويوم بيفول العربية بنزين 80 فيرنا 2007 اتوماتك من اول ما البنزين غلي وكل 5000 كم بيحط مذيب رواسب ولم تظهر اي مشاكل والحمد لله.....
ياترى انا صح ؟ ولا المشاكل مش هاتظهر دلوقت ؟ ولو فيه مشاكل هاتظهر ايه هي وتكلفتها كام ؟ ونحسبها تستاهل احط بنزين 80 ولا ادور على 92 واخفف من ركوب السيارة .....
وجزاكم الله خيرا

مش هيحصل حاجة و عيش حياتك عادى
بس ممكن تلاقى الموتور بيكركر ساعات عند التحرك بالسيارة
لكن مافيش اى مشكلة
عن تجربة

هوا انا سألت علي حكاية البنزين دي واحد في غبور

فقاللي مبيأثرشي علي حاجة من ناحية عمر الموتور

لكن بيأثر علي ادائه في الصوت و السحب و كده

لو الأداء راضيك كده خلاااص

و الله اعلم

هيا حاجة تخوف الصراحة

المشاركة الأصلية كتبت بواسطة tamim

اوعى تفكر ان ال 80 عيبه الشوائب ال 90 و92 فيهم شوائب لازم تلاقى الشوائب فى كل حاجة
ال80 لايؤثر فى عمر طرمبة البنزين مادام الموتور كويس معاك وعجبك اداءه خلاص مفيش مشاكل

ليس له تأثير على طلمبة البنزين
و لا داعى لاستخدام مذيبات رواسب
و يكفى تغير فلتر البنزين فى مواعيده بأنتظام

انا عندى فيرنا فيفا وكنت باحط بنزين 90 وقلت اجرب 92
وبصراحة حاسس بفرق اوى فى الاداء خاصة مع تشغيل التكييف
ال90 كنت باحس بتقل شوية فى الغيار الاول دلوقتى مع 92 مافيش اى تقل او مشاكل
والاستهلاك هو هو اللتر عشرة كيلو ونص تقريبا جوا البلد
مش عارف بقى فى الشتا ممكن ارجع ل 90 تانى لانى مش باشغل التكييف فى الشتا ولكن 80 استحالة اجربه لانى اعرف انه متعب اوى للعربية والله اعلم

بلاش 80 حرام يعني العربيه لسه جديده و هتبوظ كده طلمبة البنزين ليا ابن خالتي برضه بيحط 80 بس في دايو اسبيروا الطلمبه باظت منه و غيرها ب250 جنيه
و ده رأيي حط 90 أو 92 احسن و انا شخصيا بحط 92

في خلال 8/10 الاف كم هتدخلي في نص عمرة
لأن ال80 نسبة الكبريت فيه عالية جدا وبياكل الصبابات غير انه بيعمل تسقيف مستمر لأن العربية معمولة تمشي على 90 اوكتان والتسقيف ده هيدخلك في عمرة
يعني الكام جنيه اللي هتوفريهم في كل تفويلة هتدفعيهم الاف بعدين