ممكن بعد اذنكم طريقه فك كاسيت الفيرنا
بالصور وتكونو مشكورين على الاخر
عرض للطباعة
ممكن بعد اذنكم طريقه فك كاسيت الفيرنا
بالصور وتكونو مشكورين على الاخر
لو هتفكه وتجيب واحد جديد انصحك عند اي حد بتاع كاست سيارات لان الموديلات الجديده كلها ممكن تضرب لو اتركبت غلط
بس يا واش يا واش علشان متكسرش حاجة وبلاش احسن وخلى بالك دى الاجزاء الاولى من الفيديوهات وهتلاقى الاجزاء التانية بعدها
http://www.youtube.com/watch?v=DtVbNgARpco
2005 Hyundai Accent GLS stereo removal and installation (Part 1 of 3) - YouTube
توكل علي الله .. ..
اتفرج علي الفيلم كويس وشوف التعليمات اللي ها اقولهالك
هاتفتح الدرجين حوامل الكبايات .. خلفهم في مسمارين ( فكهم )
ها تفك الدرج اللي علي اليمين ده بالكامل .. ها تلاقي تحتية سيلك دراع التكييف رقم 1..
زي الفيلم .. خلي بالك فية سنة بلاستك ماسكة نهاية السيلك .. دوس عليها بإيدك لتحت
وها تروح ناحية الدواسات ..(( هاتلاقي سيلكين )) وبرده ماسكين في بلاستكتين .. بالراحه اوي ها يتفكم معاك بسهولة.. فكهم
وبعد كده ..افتح الجيب اللي جانب الولاعة .. وشد لفوق من ناحيتة بالراحه ..
هاتلاقي الوش بداء يطلع معاك
ماتشدش الوش للاخر لان فية فيش لازم تفكها وراه
فيشة الساعة وفيشة التكييف .. ما تقلاقش مافيش فيشة ها تركب غلط .. كل فيشة وليها مقاس مختلف
بعد الفك ...
شد الوش بالكامل لبرة
مبروك .. الكاسيت قدامك .. فك ال 4 مسامير بتوعة ..وبرده ماتشدهوش للاخر .. لان فية وراه
كابل الاريال بتاع الراديو وفية جاك السماعات الالوان الكبير ..
فكهم بالراحه بعد ما تدوس علي بلاستكة الجاك لتحت عشان الجاك يطلع معاك...
ولو اتزنقت في حاجه قولي ..
(( برجاء فك قشاط البطارية )) عشان لو انتا شغال ومنور الطابلوة ... ممكن العربية تنام منك ..
الف شكر ليك يا كبير
جميل اوي الكلام دا :d
تمام كدة كويس
لحد الخطوة بتاعت السلوك الملونة
ايه فايدة السلوك دي و بتتركب ليه و ازاي