السلام عليكم
ياريت لو حد معاه لانسر 1993 ، يقولي أخبارها إيه؟
من حيث قطع الغيار والبنزين ، هيا 1300 سي سي
عرض للطباعة
السلام عليكم
ياريت لو حد معاه لانسر 1993 ، يقولي أخبارها إيه؟
من حيث قطع الغيار والبنزين ، هيا 1300 سي سي
دى يا باشا بقا بالذات تقفيل يابانى يعنى احسن من موديلات 95 و 96 و 97 كمان اتكل على الله و اشترى :)
هيا عايزه شويه شغل سمكره ودهان
بس مش عارف قطع غيارها موجوده ولا إيه
يا باشا كل اللانسر ياباني من أول عيون صفية وما قبلها كمان ثم البطة والكريستالة والمكواة والبومة والشارك (فيه موضوع بيوضح صورهم وسنة الموديل لكل اسم من دول )
يمكن حضرتك اعتقدت ان كلمة لانسر مصري مقصود بها تجميع مصر ولانسر خليجي يعني تجميع الخليج
انما المقصود باللانسر المصري انها مصدرة من اليابان بلد المنشأ والتصنيع الى مصر أما الخليجي الى الخليج ثم قام تجار مصريون باستيرادها من دول الخليج والاردن انما كلها صناعة اليابان
يا جماعة أنا مش بسأل عن التقفيل ، انا بسأل عن العربيه وظروفها
الآخ العزيز مصراوى اكيد كلهم يابانى و كلهم حلوين بس انا كان قصدى ان الموديلات الحديثة تقفيل مصرى و دى تقفيل يابانى و اكيد التقفيل اليابانى بتبقى احسن
بلاش نطلع عن الموضع الاصل يا شباب نجاوب الزميل على طلبه الاول وبعدين نناقش قضيتنا
بالنسبه للبنزين كويسه لانها 1300
اما قطع الغيار بئه حسب منظورك انت لمبدا الغالى والرخيص
يعنى هيه مش هتكون بتمن الزيرو
ولا هتكون بتمن قطع الغيار بتاعت 128
فمن وجهه نظرى انا كويسه وموجوده
ونصيحتى لو انت لسه مشترتش يبقى هات واحده مفيها شغل وبحاله كويسه هتكون احسنلك وارخصلك مستقبلا
هيا العربيه عيزه شغل ،استعمال بنت ، يعني عيزه سمكره ودهان ، بس مش عارف بالظبط يتكلف كام ، لسه هعرضها على ميكانيكي واشوف الشغل إللي هيتعمل من جوه
فيه امامي كمان عربيه سكودا فيليشيا موديل 96 ، حالتها جيده
والإختيار هيبقى بين الإثنين إن شاء الله
طب وانت ايه الى يغصب عليك انك تشتري عربيه ومتعرفش تستعملها الا بعد شهر مثلا بعد اما تخلص الشغل الى فيها ده + تعب القلب مع الصنيعيه والمصاريف
ادفع فلوسك في حاجه نضيفه وريح دماغك
ولو انت مصمم على رايك يبقى الافضل انك متخدش راينا فى الموضوع