برجاء من الاخوة فى المنتدى شرح هذة النقطة

**ali1spc** · 08-08-2008 12:00 AM

المخالفة : قيادة المركبة في مواكب خاصة من دون تصريح.
الغرامة : لا يوجد.
العقوبة : سحب رخصة القيادة لمدة لا تقل عن شهر

ماذا يعنى بمواكب خاصة

**M!NA** · 08-08-2008 12:06 AM

يمكن قصدهم أفراح - لأن هي ديه الحالة الوحيدة اللي ممكن نطلق عليها مواكب خاصة

بس تصريح ايه دا اللي الواحد لما ييجي يتجوز هيستخرجه؟ و هستخرج تصريح ليا و للأصحاب و القرايب؟!!

**Matrixawy** · 08-08-2008 12:12 AM

المشاركة الأصلية كتبت بواسطة ali1spc

المخالفة : قيادة المركبة في مواكب خاصة من دون تصريح.
الغرامة : لا يوجد.
العقوبة : سحب رخصة القيادة لمدة لا تقل عن شهر

ماذا يعنى بمواكب خاصة

المقصود به الافراح و اعياد الميلاد والطهور
لابد ان تأخذ لهم تصريح من المرور اولا
و تتعهد فيه بعدم استخدام
الكلاكس او الغرز او الفلاشر فى الطريق
يعنى تمشى عادى فى هدوء

**Islam_galal** · 08-08-2008 12:36 AM

و الجنازات أيضا
و بعض الشركات الكبيرة (اللي غاويين منظرة)

حضرت موقف (ليس شكرا في شخصه و لكنه حدث)، عند نزول م/أحمد عز من مبني شركاته بالمهندسين قام السواقين العاملين بشركتة بوقف الطريق و تعظيم سلام لسيارته و ما يتبعها
فما كان أن نزل و نهرهم بشدة
(تواضع ، اسباب امنيه . . . الله أعلم)
فبعض الشركات تسير سيارة رئيس الشركة بسيارة حراسة و سكرتارية (عقد نقص مستعصيه)

**yehia** · 08-08-2008 03:34 AM

المفروض وفقا لصريح وعموم نص القانون المذكور ، فان الموضوع لا يقتصر على مواكب الأفراح، ولكنه يمتد ليشمل أى موكب من بتوع مدعى الشهرة من الفنانين وغيرهم اللى مممشيين وراهم عربيات فيها بودى جاردات يفزعوا بيها خلق الله الغلابة من الشعب، وبيحاولوا بيها يعملوا لنفسهم حيثية ومكانة بتقليد مواكب المسئولين والوزراء اللى هيا أصلا مواكب مصرح بيها وبالتالى تخرج عن نطاق تطبيق النص المذكور

**Ahmed Samy** · 08-08-2008 04:51 AM

و المواكب المعتادة لما الأهلي بيكسب الزمالك :)

**Bossy_Fadl** · 08-08-2008 06:40 AM

لو قاصدين الافراح تبقي مصيبه

هو الواحد هيتشغل في تحضير شقه و حجز فندق و طلبات جواز

و لا يفضي نفسه و يروح يستخرج تصريح موكب فرح

لا انا شايفه ان العرسان يخرجو بالعربيه لوحدهم و كل واحد يخليه في حاله احسن

و كل عربيه في الزفة تمشي باحترامها و لو الظابط جه قالك انت تبع العرسان دول قولهم و لا عمري شوفتهم

بدل ما تقضو كلكو ليله الفرح في القسم علي البورش

**tutankhamoun** · 08-08-2008 08:54 AM

و الله أنا شايف إن مواكب الأفراح دي قمة الإستهبال و الإستهتار مننا كأفراد من هذا الشعب
تعطيل الطريق بدون أي داعي
غرز و قلة أدب متناهية
ضجيج ليس له أي داعي ( شعب بيحب الظيطة )
لا تضيف أي شئ للعريس و العروسة و لا تعطي أي إحساس بالسعادة ........بل على العكس ......... الخوف لأحسن عربية تتخبط من العيال اللي بتسابق بعض و تزنق على بعض في الفرح
و دائما تقلب بخناق

و ربنا يرحمنا ............ و بتوع المرور ما يعتأوش حد من الناس اللي بتغلط و يطبقه القانون على الجميع علشان السواقين تتربى شوية