عرض للطباعة
الأخوة الكرام السلام عليكم
كنت عايز أسأل منين الواحد ممكن يجيب شداد سير المجموعة للبيرسونا ؟
ليا صديق اشترى بيرسونا 2009 وصاحب العربية وهو بيبيعهاله قاله شداد سير المجموعة عايز يتغير وهيعمل فى حدود ألف جنيه
المهم صاحبى اشتراها وبعدين اتصل بالتوكيل يسأله على الشداد قاله معندوش وهو نادر أما يبوظ
نزل شارع دمشق وسأل هناك مالقاهوش عند حد
ياريت اللى يعرف يلاقيه فين يقوللى
شكرا مقدما
تقبلوا تحياتى
يروح عصام وصفا يشفوله المشكله فين ويحلوها ممكن متكونش الشداد
حتلاقية بيقصد بلية الشداد ودى فعلا فى التوكيل بالرقم دة تقريبا
خلية يطلع على عصام ويعرف المشكلة فين ويحلها
بص يا باشا أنا كنت جايبها استيراد من عربية عامله حوالى 7000 ك و اتقطعت - كنت جايبها من واحد اسمه البرتقالى و ده فى المريوطية (اللبينى) و ده متخصص فى استيراد البروتون فقط.
البلية كنت واخدها منه على اساس انى عايز اغيرها و بعدين لما رحت اعمل الصيانه قالولى لا البلية الحمد لله سليمه و مش محتاجه تتغير - رجعتله و اخدها منى و جبت مكانها جنط علشان انا كان عندى مشكله فى الجنط اللى معايا و اخدت باقى الفلوس.
سعر البلية كنت جايبه فى حدود 750 تقريبا.
انا حصلت معايا نفس مشكله الشداد وروحت لعصام وصفا قالي موش موجود والتوكيل كمان موش موجود لكن في الصيني عند الدوليه موتورز ب 450 جنيه واوع تشتريه اعمل زي ما انا عملت روحت لواحد ميكانيكي بيفهم فكينا الشداد وغيرنا البليه اللي جواه وهيا اللي كانت عامله صوت سعر البليه 23 جنيه اس كي اف والمصنعيه 20 جنيه والموضوع ما اخدش اكتر من 20 دقيقه
انا عربيتي ساجا واعتقد ان الشداد هوا نفسه بتاع الجين والبرسونا
البليه رقمها 6202 ولازم يكون وش البليه مطاط ( كاوتش ) ومتوفره جدا في السوق
اقتباس:
المشاركة الأصلية كتبت بواسطة mido_soliman
شكرا جزيلا على الرد أخى الكريم
ممكن أعرف من حضرتك عصام ده فين بالظبط ؟!؟!
اقتباس:
المشاركة الأصلية كتبت بواسطة hadota_masreya
شكرا على الاهتمام
ولو ممكن أعرف من حضرتك البرتقالى دة فين بالظبط أكون شاكر جدا
اقتباس:
المشاركة الأصلية كتبت بواسطة abdoumahros
شكرا جزيلا على الافادة
هنشوف لو بتتباع جديدة ماليزى بسعر معقول نجيبها , لو مش موجودة أو بسعر مبالغ فيه هنعمل زى ما حضرتك بتقول
تقبل تحياتى
عزيزياقتباس:
المشاركة الأصلية كتبت بواسطة mostafa_nour
شداد سير المجموعه يعمل مشكلتين الاولي انه يسبب وقوع السير باستمرار وفي الحاله دي لازم يتغير والتانيه انه يعمل صوت وفي الحاله دي رولمان البلي هوا بس اللي يتغير ( واحده بس )
ورولمان البلي بالرقم ومايفرقش النوع الا في الجوده بس واس كي اف او فاج من احسن الانواع
الموضوع موش هايكلفك اكتر من 45 جنيه بالمصنعيه وممكن تشتري شداد كامل مستعمل وبرضه يطلع فيه نفس العيب نصيحتي غير البليه زي ماقلت لك ووفر فلوسك